Efeso 4:22 - Ka Lamana'a Monoꞌi Lu Mu Tifiꞌehina Ka Yabe

²² Tafa lenemehi hite minete lite hago to lenugufa yauba faga hite luto lenimi'i mololata hu'ehinamo ni'igo lenali koyapa komopatinimofihi sibina hi'ahana. Ya hu'ehinagi tafa komopatini he'milo.

Efeso 4:22 ပူးပေါင်းရင်းမြစ်များ

Romu 6:6

Koyapa'i hapati Kilisito hiti malipu yafalo fili'ehina ya'ma lali akeheli'ohune. Hena'mugope foipanauba lugufagu foya nolinamofihi amuya'a su ho letalibe. Ya hulenogo lali foipanamofihi kele kele yagapana'a aku'i meminaluta'mu yabe.

Romu 7:11

Hena'mube? Foipana'niuba keya kamofihi nelepito nimi'i moloto komopa'nigu noho filigo mino'ohube.

2 Koliti 11:3

Yamofihi ya'ma osifa'uba mi'i mololata nohinamofihi hapa'a keheli fe lite minete Ebahi ya'ma faga kagaloti mi'i molo eto'ehina, ana kagaloti lenalitoga bona'i luga'amagi enimi'i molo lepalalana'mu kehelilata nehana golo golo gilenogo babahi Kilisito kumuko kehelilata nehanamofihi he'mi lalabe luto nekehelugo keta nohigo nolube.

Galesia 1:13

Nani koyapa'i Yuta bo nohuto lali folagahatigu minoto ana'ina lolo huto moloto hu'ohuna'a alu lepugo keheli'ahabe. Nani ya'ma komopa'ni ule'ale huto Yesuhi ka'a keheli'ahana bona'i kalana'i molo epoloto enahalube luto enoho lifi he'mito enele'mo sibina sabana hu'ohunamo ni'ibe.

Efeso 2:3

Lali asaga'i koyapa'i enali tegi huto minoto komopatimofihi ka laga'a mege'i moloto mega lugufamofihi to kehelise'natimofihi kaga'a keheliya iloto mino'ohuta. Ya huto komopatigu foipa hiti nohutoti enali tegi huto Hu'mau foipana'mu ipakafa osahi limilina suhi huto mino'ohuta ni'ibe.

Efeso 4:17

Yamofihi nani Sipi Bomofihi bulo lenegekesa lito lu nolepube. Hu'mamofihi ka'a mekehelilata boana'i enali enegekesa kehelilata nehana bati mehina fa'menena kehelilata nehabe. Enali tegi lolo hite meminalo.

Efeso 4:25

To ya higo lenali faga faga lilata hapatini he'milo. To lali asaga'i hepito Kilisitohi gufa'a lolo hu'ohutamo ni'inaya ya'mu kaga lamana kago ai lu eminogo ai lu eminogo hite minalo.

Efeso 4:31

Lenali enipakafa hose'na hiti to kenasabo bise'na hiti to enemegeka lite ya'ma asaga'i keheli he'milo. To luba lenegekesa mehino.

Kolose 2:11

To lenali Kilisitotoga elago ai lenugufatini laga mehuse komopatinigu foipa hapatini amuya'a laga hu he'mi lepolo'ehina. Ya nohuto enugufa laga nehana suhi huto komopatinigu hu lepolo'ehina.

Taitasi 3:3

To laliti koyapa'i ana suhi huto mino'ohuta lali negi nagi noto minolata, ka keheli he'milata to keheli sibina hulata huto mino'ohuta yabe. To ya nohutogo lele'mo hapotili hilata hi'ahanamo ya hulototi libita hulata nohina nasanamofihi laga'a kehelilata foipa nasanamofihi agoya hu emito minoto bona'i enele'mo sibina hu epoloto bona'magi lolo hite melete hanana'mu ya suhi huto minose ni'inaya ya luto lulototi siko hulata hu'ohutamo ni'ibe. Ya nohutogo lali kumu keheli sibina nehago enali lipakafa lahago lali enipakafa enohonogo hulata hu'ohutamo ni'ibe.

Hibulu 12:1

Keheli ule'ale huse'namofihi hapa'a li huto hi'ahana bona'i samahi tite sopopo suhi hite minete lele'mo bego bego hi'ahanamo ni'inagihe, yamofihi fifa ilata nehana bona'magi hololu lilata nehanamagihi hapa'ani'mu kehelito minoto keta'a hiti nasana ya'ma gololo tito li he'milune. To foipanamofihi hapa'auba lugufalo naga'i gi'ehina hiti li toba hoto li he'milune. Ya hulototi kapo lelepi'ehina analo kosele'i melehenogo hololu luto fotogo huto bilunagihe.

Hibulu 3:13

Ya nehite kana'amu kana'amu to kanati fa'mene ni'inogo foipanamofihi fi taga hi etete mi'i ma'i mololatanamofihi lenalitogati bo mone'mofihi amukele li etenogo komopa'a li hekini lo lalibe lite ai ekesa linogo ai ekesa linogo hite le'mo hetofa hite minalabe.

Yemesi 1:21

Komopati filise'na to foipa nasana lilata'na yamofihi asaga'i he'mite Hu'mamofihi kaga'a komopatinigu molo'ehinamofihi li pili kete lilo. Hu'mamofihi kaga'auba lenubuto bilina nasana ni'ibe. Aimo agoya hi emilo.

Yemesi 1:26

Luga'amagi enali Hu'mamofihi amuya'a kehelito nominone lite lilana'a ya bona'magi enabaga'ani kaba mehilana yamofihi bona'i ya'amagi mono ka nolupihe lite faga heletuya'a lilune'mu nehabe.

1 Pita 1:18

Lenali koyapa'i tatatinigi lu lepi'ahana ya'ma futu'a hapa'alo mege'i melete mine'ahanogo fa'menena lolo hu'ehibe. Lenali ana hapa'amofihi nagalugu neminago Kilisitou lenali kumu mina'a sipina he'mito gulu ho lepolo'ehinamo keheli'ahabe. Ana mina'a he'mi lepolo'ehinana siliba efahi hiti goli efahi hiti ni'ifi, o'e yana nasana mele'isi su hoto fenene hilinamo ni'ibe.

1 Pita 4:3

Afetoga ema kanagu Hu'mamofihi mekeheli'ahana bona'magi enali laga'a kehelite ana'ina lilata nehana suhi hite lenali mine'ahana yabe. Ya'mu mine'ahana yauba kosele'i melepoho'ehina. Lenali mokolo hise nasana hiti ana'mu lenegekesa yigi yigi hite minete ekesa nagami'i nelete negi ne'ahana yabe. Ya nehite nagami'i nose'namofihi lenegelo nebite ya'mu li nupa hite minete silaga'namu lenegelo nebite laga mehina suhi hite lenegelo bi'ahana yabe. Lugefa bu gete lipite ibe ligi abe ligi hite mine'ahanamo ni'ibe, yamofihi he'milune ya nasana li'ahana lite nehago kana'a yatama lite mine'ahanamo ni'ibe. Aku'i molo emite ya suhi mehilo.

2 Pita 2:13

Ya nehite ana'ina foipa faipana hite lite fato bona'magihi enagabu gi epalago minelata nehana yanamofihi nona'a lilete enugupisalo keke'i lilune'mu nehabe. Enali yege kana'ani sipi nolago enugufa'ani enumu fililata nohina nasana foipana amuya melete minete lite nehana yana'mu enegelo bise'na lolo hu epilata nohibe. Enali folagahatinigu nose'nalo ya'ma lenali hiti nete minete ligopa napa hite lenimi'mi ka lite enegelo bilata nehago lenubuya hulata nohibe. To lenele'mo kolo telata nehana yabe.

2 Pita 2:7

To ana hite hepa'i lite li sibina hilube'mu nohigo ya'ma kegeiyo bona'i to mokolo bona'i enubuya'ani mehigo lite nehago bati huto mino'ehina bo Lotihi foipa hapa'ani'mu komopa'agu keta higo ai kumu luto Hu'mau ginaga figo minana'a luto Lotihi buto bi'ehina.