Efeso 4:20 - Ka Lamana'a Monoꞌi Lu Mu Tifiꞌehina Ka Yabe

²⁰ Lali Kilisitohi hapa'a lu nolepito lenali ya'ma suhi hite minalabe luto melepi'ohutamo ni'ibe.

Efeso 4:20 ပူးပေါင်းရင်းမြစ်များ

Matiu 11:29

Ya'ma yafa nani nigi'nagu nina lenali lite lenali lenigi'nagu malalo. Lenali nani hapa'ni lilo. Hena'mugope nani fulu fulu kaga bona'i lu noepuna bo nohube. To koyone huto legeso huto nominona bo nohube. To lenali komopatinimofihi nanitoga ete le'mo basu bilo.

Luku 24:47

To ai gi'alo Yelusale hepatoti hapi filete kaga'a lite noto noto bona'i asaga kapoga lu yege henogo ai gi'alo komopa'ani i gelehe hilete foipana'ani'guti mino bati hinogo Hu'mau foipana'ani li he'mi epalalibe.

Yoni 6:45

Kaga lu yege holata bomagi fayahi mone ma lite: Asaga bona'i Hu'mau enelepilibe. Ya'ma koyapa'i ge'ahana ni'ibe. Afo'nifitogati kaga lite kehelilete li pili kelata nehanamagi nanitoga elata nehabe.

Efeso 4:21

Lali Kilisito kumu ma'naka luto lu lepi'ohuto ni'ibe. To lenali ai'a mege'i nemalana bona'i nehitetini Yesu lamana huto nominana hapa'a lusiga luto keheli'ahanamo ni'ibe.

1 Yoni 2:27

To lenalitoga Kilisitou Sikalafu'a molo epololata nohina ya'ma lenalitoga nominago mege'i melelata nehago yana'mu bo moneuba faga hiti lamana ka hiti henabe luto lu moloto lu lepilibe? Yamofihi ya'ma meni'ibe. Sikalafu'a molo lepolo'ehina ai ka'a asaga'i giyaka giyaka lito lu lepilata nohina nohibe. To ai ka'a ya'ma faga hiti meni'ibe. Lamana'ago ni'inago yana'mu Sikalafu'uba lu lepi'ehinamo ya'ma keheliya ilete Kilisitohi komopa'agu minalo