Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efeso 4:18 - Ka Lamana'a Monoꞌi Lu Mu Tifiꞌehina Ka Yabe

18 Enali ya'ma komopa'ani enegekesa hokolo mehigo negi nagi nete komopa'ani hekini lolago fa'mene mine'ahana. Enali Hu'mau lele'mo bati huse'na'amofihi melise nehite enegekesa sibina higo mine'ahabe.

အခန်းကိုကြည့်ပါ။ ကော်ပီ




Efeso 4:18
34 ပူးပေါင်းရင်းမြစ်များ  

Ma bona'magihi komopa'ani hekini loto ni'ibe, ya hu'ehigo enekesa'aniuba kaga kehelilina'mu kosele'i aho'ehibe. To enali enekesa'ani negi no su ho'ehibe. Ya hu'ehigo enubu'aniuba ana'ina bu megalina'mu yabe, to enekesa'aniuba kaga mekehelilina'mu yabe, to lataha'aniguti kaga mana'a keheli fe melilana'mu yabe. To enali nanitoga lele'mo bati hilibe lite i behe hite enogo nani enele'mo bati hiluna'mu yabe, luto Hu'mau lu'ehina yabe.


Ya nehite komopa'ani ule'ale hite nehago Yesu ipagu gabu gigo ipaluga logo bigo bulu'i enohoto bu goloto'a yalo ana bomofihi: Kayahi su tobo, luto lu emigo, ai yahi su tolago hetofa yaha'a legita lolo hu'ehina yabe.


Hu'mau enubu li fili ko epolo'ehina. Ai enegekesa fi hekini lo epolo'ehina. Ya hu epolo'ehinagi enali enubutu bu megalana'mu to enegekesatu keheliya meilana'mu to komopa'ani i gelehe hite nanitoga mealana lenele'mo ye kalube luto lunamobe. O'e, kaitoga mebilune lite li'ahanagihe.


Koyapa'i kaga keheli bati mehuse kanagu yatai kana'alo li huto nehanamofihi li huto nehanamofihi li huto hilata hi'ahana Hu'mau bu go he'mi'ehina yabe. To yatai ai asaga bona'i ma luto lu noepibe: Lenali foipana li huto nehana he'mi su helete komopatini i gelehe hilo.


Nalalu'nigita ma'naka lite lenali hiti to kaba botinimagi hiti lenali ka keheli bati huse'natini meni'igo ya'ma suhi li huto hi'ahabe.


Hu'mau ana bona'i yege yege'na enalitogati he'mi'ehigo enali ya'ma Hu'mamofi kumu lusi kaga ni'ina ya'ma mekehelite pelesa ite enegekesa keheli'ahana fato fato'i ya'ma mege'i nemalabe. Bati mehina supo hite neminabe.


Nalalu'nigitabe. Mone suguna ka lu lenelepilugi kehelilo. Lenali kehelite lali kehelise'nati sipi bati nohune lite lenugufa limo titi hu laligi ma kaga lu nolepube. Yuta bona'magi Hu'mamofihi enemegesa hi emiba emiba hite komopa'anigu ule'ale hise'namofihi kana'a mone su halina'mu yabe. Fegutoga bona'magi Hu'mamofitoga komopa'ani emilana bai tenogomo Hu'mau Yuta bona'magihi aku'i enele'malina'mu yabe.


To ya huto ni'igo Isilaeli bona'magi ma hite neminabe. Enali Hu'mau enele'malina hapa'a sa sa hi'ahana aku'i enali asaga'i meli'ahabe. Mone kegi'a nesi'a bona'magihi Hu'mau bita hu'ehina'amagi enaligo ali'ahana yabe. To ya'ma meli'ahana bona'magi komopa'ani hekini lago Hu'mamofihi nogo'a kehe igo mekeheli'ahabe.


Kai yananamofihi keheli bati hulata nohuto bu pisi lu'ehina bo suhi huto hetofa kapo enele'moto bilata to metepugu nomina bo libi'a mone suhi huto fana to epololata nohapihe?


Ya'mana hapa'a ma ni'ibe. Hu'mau kehelise'na'a amuya huto nohigo bona'i enali'ani kehelilata nehana yanatu Hu'mamofihi hapa'a bu galune lite alune'mu bati mehi'ahana. Ya'mu Hu'mau keheligo bati higo Kilisito fili'ehina ka'a lu epise'na ya'ma bona'magi kehelite negi nasana yabe lite nelana'a ya'ma bona'i luga'a lu epugo kehelite aitoga agoya hu emilune lite fifa neigo Hu'mau enubuto bilata nohibe.


Metoga enigihiti bona'magi enali anamofihi keheli molo'ehina kagamofihi hapa'a mekeheli'ahabe. Kehelitita yamofihi lali Sipi Bomofihi fana mehenamofihi afo'afihi ya'ma malipu yafalo mehatita'mu yabe.


To enali komopa'ani fi hekini lago mineme bite nehago Hu'ma lu mu tifise'namofihi kaga tafa'a yauba aku'i ifi tago enali kaga leka sete keheli bati mehi'ahanamo ni'ibe. To ifi tete sa gi'ahana ya'ma fa'mene mone gulu mefalina'mu yabe. Kilisito moneko'uba gulu foto li he'milata bo nohinagihe.


Enali ya'ma ana metogati gihiti bo moneuba gi'a Satau, ai komopa'ani fi hekini lago Kilisitotoga keheli meemise neminabe. To ai komopa'ani fi hekini lago enali ka lamana'amofihi fana meha'auba komopa'anigu limilenogo Kilisito Hu'mamofihi babeyafalo nominana bomofihi fana meha'a bu go fe lite bu menegabe.


Fegutoga bona'i lenali koyapa'i Hu'mamofi kumu keheliya meise faga faga lugefamofihi nasana kele kele'i hi epite minete nagalugu minete agoya hi epelete mine'ahana yabe.


Lenali koyapa'i ka mekehelise minete foipanagu mine'ahana to yamu'i lenemehi filito bigo mine'ahana yabe.


Ana kanagu lenali Kilisito hiti hepite memine'ahana ni'ibe. To Yuta bona'i enali fulilo meminese lenali fa'mene ino bano mine'ahana. To Hu'mau ai'a bonatoga lu molo epolo'ehina kaga alihi le'mo huto hilina ka yabe luto lu molo epolo'ehina kaga lenalitoga lu memalago lenali fegutoga bona'i fa'mene mine'ahana yabe. Lenali Hu'mamofihi mekehelise nehite ai lele'mo bati hilibe lite mekehelise minete ma melugu fa'mene sibina hite mine'ahana ni'ibe.


To lenali koyapa lenegekesa foipa yigisetini'mu to lenipagu sibina hilata hise'natini'mu Hu'mamofihi fateha'a lolo hi'ahana bona'i foto'i mine'ahago lenele'mo bati hulago ete lalu'agita nehana yabe. Yesu ai Hu'mamofihi gobisalo lenele'mo molo'ehina yabe. To hiya hutobe? Lenali kumu yabe luto gufa'a he'mito malipu yafalo fili'ehina. Ya hu'ehinagi Hu'mau mone ka lepekilina'a meni'igo bu'alo ho tite neminabe. Yatai foipa bona'i menehana fotogo bona'i to bebe sose bona'magita neminabe.


Moko lise lenegekesa kehelise bo alobo topa helatana yamofihi meni'ibe. Fegutoga bona'magi enali Hu'mamofihi hapa'a mekehelilata nehite ya'ma foipa suhi hilata nehago lenali ya suhi hi lalabe lutomo ni'ibe.


Ana mamufa gilata bo ai'a hapa'a mone amuya memolose nohigo fato bona'magi kaga mekehelilata to foipana lilata nehanamagihi fulu huto ginaga fi epite agoya hu epilata nohibe.


Nohi komopa'a monelugu ya'ma mamufa gilata bona'magihi sipi bo'ani ai'ago kufu mone'amofihi yupahi nohi komopa'agu tito mino'ehina. Ya huloto meme yagamagihi bulumaka yagamagihi golahi li hekigo ligo tito yata'a ai'a foipana'a hiti to alihi bona'magihi foipana sibigopa mino'ehina li'ahanamofihi mekeheli'ahana yana'mu yabe luto hitalo ana golahi fepa kopa i'ehina.


Ka mekeheli'ahana bona'ise. Melugu bona'magi kumu kehelilata nehana ya suhi hite laga lepesilina nasana'mu kehelilana ya'ma Hu'mamofihi fateha'a lolo hilabe lite lenali menekehelifiye? Mono'ani meni'ina bona'magi kehelilata nehana nasana'muko lepesilina ya'ma Hu'mamofihi bona'a meminalana'mu yabe.


Hu'mamofihi keheli emite minalo. Lenali koyapa'i nehite negi nete nehago lenugufa li sibina hise kapolo melete bi'ahana. Yatai ya'ma kanagu ya suhi hite meminalo.


To enali enalalu'anigihi enita bite enemegesa hu epilana'a enali ya'ma metepunagu neminana yabe. To metepunamofihi kapolo melete nebago metepunauba komopa'animofihi bu'a li fili kenogo kapo ya'ma bu ge fe lite bu megalana'mu yabe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ