Efeso 4:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Yamofihi nani Sipi Bomofihi bulo lenegekesa lito lu nolepube. Hu'mamofihi ka'a mekehelilata boana'i enali enegekesa kehelilata nehana bati mehina fa'menena kehelilata nehabe. Enali tegi lolo hite meminalo.

Efeso 4:17 ပူးပေါင်းရင်းမြစ်များ

Luku 16:28

Nani nogona'ni 5 magi nehana. Enali ya'mana gabu'i gise hepatoga mealabe luto Lasalasiu lipoti epilina ni'ibe.

Aposolo 14:15

Lenali ma bona'i henabe lite ya'ma suhi li huto hilune'mu nehabe? Lenali hana suhi huto bona'mo nohu'ibe. Le'ali fa'mene bo nohu'ibe. Le'ali ka lamana'a lenalitoga lu yege halu'ibe'mu o'ohu'ibe. Ya'ma kaga lamana'auba komopatini i gelehe hinogo foipa faipa hapatini he'milete minoba minoba bo Hu'mamofitogago komopatini emilo. Ya'ma bo Hu'mau ai kokuluma hiti me'i hiti hege nagami'i hiti to asaga'na nose menose'mofihi anagu ni'inamofihi lolo hu'ehina.

Aposolo 18:5

Alihi Silasiugo Timotiugo Masetonia hepa'i he'mite ai nohinalo limi'igo asaga yupahi Polu mono kaga lu epiba lu epiba huto nohuto ma luto Yuta bona'i lu epi'ehina: Yesu ma'naka luto Hu'mau le'mo ho ti'ehina bo nohibe.

Aposolo 2:40

To Pitau fato fato kaga lu hokolo luto lu epi'ehina. Ai ma luto lu'ehina: Lenali kaba hu bati hilo. Hu'mau foipa bona'i osahi epilinagi bonatini ma bati mehana bona'i enemege'i melete enali hapa'ani li lalagi kaba hite minalo.

Aposolo 20:21

Nani Yuta bona'i hiti fegutoga bona'i hiti lu epito lipoti epi'ohuna: Lenali foipanatini he'mite komopa'ani i gelehe hiti Hu'mamofitoga minete Yesu Kilisito Sipi Boti aitoga agoya hu emilo luto lu epi'ohube.

Romu 1:21

Enali ai kumu keheli bati hite aku gi'a liyafa menehabe. Aitoga enofokehi menelibe. Enekesa keheli sibina nehite negi nagi nete neminago komopa'anigu metepu sipi'a gi'ehibe.

1 Koliti 1:12

Ya hu'ehina'mu ka'a ma luto nolube. Lenalitogati luga'amagi lali Poluhi naga'i nohune lite lilata nehabe. Ya lite nelago luga luga'amagi lali Apolosihi naga'i nohune lite lilata nehabe. To luga'amagi lali Pitaha naga'i nohune lite lilata nehabe. To luga'amagi lali Kilisitohi naga'i nohune lite lilata nehabe.

1 Koliti 15:50

Bogiyo, kaga mone'ya lilugi kehelilo. Me lugufatu Hu'mamofihi kapogu mebiluta'mu yabe. To fulupa ito fa'menena lolo hilina lugufauba nasana amuya'a hiti minoba minoba huse nasana mone melilinamo ni'ibe.

2 Koliti 9:6

To kefahi li nupa hilana'mu fono ka ya'ma ya luto noluna keheli'ehilo. Lenali bigaha'a nesi'a ho kafaluta ya'ma minoto legeya'a nesi'asigo lilune'mu hune. To bihi nasana asaga bihina lolo hiluta yamofihi minoto samahi tito lilune'mu hune.

Galesia 3:17

Nani ya lu lepi'ohuna ka hapa'a ya'ma nolube. Hu'mau koyapa'i mono fe'nohi kumu lu mu tifito lenele'mo hetofa hilube luto lu molo leto'ehinamo ni'ibe. Ya hulago aliha'a kufu kana 430 nobigo Moseu keya ka lu'ehina ka'a huto hu'ehina. To keya ka lu'ehina ka'a aliha'auba Hu'mau lu leto'ehina ka'amofihi be meligilina'mu yabe. Ya'ma yata'a lu molo'ehina ka fenene mehilube'mu hibe.

Galesia 5:3

To aku'i lenelepi bati hilugi kehelilo. Mone'amagi enali keya kagamomu'i enugufa laga hilanamagi enali keya kamofihi mege mege'i hite melete foya'a lelite bilana'mu mone kegi'a he'milete sibina hilana'mu yabe.

Efeso 1:22

To Hu'mau asaga'na Kilisitohi maha'alugu li nupa huto molo epoloto ai Hu'mamofihi keheli'ohuta bona'magihi kaba boti minalibe luto latahati le'mo lolo hu'ehina yabe.

Efeso 4:22

Tafa lenemehi hite minete lite hago to lenugufa yauba faga hite luto lenimi'i mololata hu'ehinamo ni'igo lenali koyapa komopatinimofihi sibina hi'ahana. Ya hu'ehinagi tafa komopatini he'milo.

Kolose 2:18

To bona'i mone'amagi enali'ani enegekesa yigi yigi nehanana to bamu'i bu neganana lusi mono ka ni'ibe lite, lali lenebe ligi'ohuta nohune lite liyafa hite neminabe. Faga nelina bona'i nehabe. Enali enugufa'ani le'mo sibina nehite'ani to agelomagihi Hu'ma tegi hite nehabe lite enali'ani enegekesa yigise'na'ani liyafa nehana yabe. Ya bati mehina yabe. Enalimoya lenalitoga ete ana suhi hite minalo lite ka lepekinogomo enemege'i memalalo. Enali komopatiniguti sabiyanatini lu he'mi lepalalana'mu yabe.

Kolose 2:4

Ya hu'ehinagi lenali mone fato bouba faga faga luto lu epilenogo mekehelilo. Mone fulu huto luto laga hina ka luto lu nolepinogo lenemegesa hi emilo.

1 Tesalonika 4:6

Aku'i lenali folagahatinigu bona'i moneuba ana'i kumu foipana hilina'a meni'ibe. To lalu'afihi liha'a lilina meni'ibe. Yamofihi nasana lilana bona'iya Hu'mau osahi epilina'mu yabe luto kohe toto lu laga huto lu lepi'ohutamo ni'ibe.

1 Timoti 5:21

Nani Hu'mamofihi to Yesu Kilisitohi etogobisalo to Hu'mau enele'mo eto hulago ai maha'aluga hetofa agelomagihi enogobisalo ya'ma luto lu molo noketobe. Lu laga huto lipoti nokimito kaga lu nokumuna keheliya ito kaba hitogo limito mekeno. Bona'i luga'a enali kumu kehelitogo tila limila nehinogo ya suhi ma suhi mehu epolobo. Asaga bona'i moneko kemehi epibo.

1 Timoti 6:13

Ana'ina li huto hu'ehina bo Hu'mamofihi gobisalo to gamani bo, Ponitiasi Pailatihi maha'aga ai'a hetofa hapa'amu lu huto hu'ehina bo, Yesu Kilisitohi gobisalo ya'ma luto lu moloto nolube.

2 Timoti 4:1

Nani Hu'mamofihi bulo to Yesu Kilisito ai hiti minoto bona'i lubu hiti nohuta'a fili'ahana'a asaga'i ka foya lito guna molo letalina bo ai bulo ya'ma Yesu kaba huse'i to kapo'a hiti huto hilina nehetito kaba hu letalina'mu yabe luto ya'ma luto kaga lu moloto huto kelepilugi kehelibo.

1 Pita 1:18

Lenali koyapa'i tatatinigi lu lepi'ahana ya'ma futu'a hapa'alo mege'i melete mine'ahanogo fa'menena lolo hu'ehibe. Lenali ana hapa'amofihi nagalugu neminago Kilisitou lenali kumu mina'a sipina he'mito gulu ho lepolo'ehinamo keheli'ahabe. Ana mina'a he'mi lepolo'ehinana siliba efahi hiti goli efahi hiti ni'ifi, o'e yana nasana mele'isi su hoto fenene hilinamo ni'ibe.

2 Pita 2:18

Enali'ani keheligo ho tilata nehabe. Enali fa'mene kaga gusunupa'a meni'ina kaga lilete ya hite, bona'i yuhufasi foipa bona hapa'ani he'mi'ahana bona'magihi mi'mi hite aku'i foipa kapolo enele'mo malalune'mu nehabe. Ya nehite, foipa foya nelinanauba enogolagalo li malago nehetilago tafa komopa'aniuba enumu fililata nohibe. Ana'ina lilete'ani bona'i luga'a ya enali kelefugu halabe, lite lilete enali ya hilata hi'ahanamo ni'ibe.