Efeso 4:13 - Ka Lamana'a Monoꞌi Lu Mu Tifiꞌehina Ka Yabe

¹³ Ya humo humo hutoti mono ka mege'i malaluta'mu keheli moneko'i huto to Hu'mamofihi pana'amofihi hapa'a keheli bati huse'nati moneko'na lolo hinogo hulototi Kilisitohi bona'a hofa toto olopa hilutagihe.

Efeso 4:13 ပူးပေါင်းရင်းမြစ်များ

Matiu 11:27

Nani afo'nifu asaga'na nani nayanuguko molo'ehibe. Bo moneuba Hu'mamofihi pana'a nohibe luto mekeheli'ehina. Afo'nifu aisigo keheli'ehibe. To bo moneuba Hu'mamofihi ai nohibe luto mekeheli'ehina, Pana'a aisigo keheli'ohuto ai Pana'auba Afo'afihi enelepito kaga lu epina bona'i enali ana hite Hu'ma nohibe lite kehelilata nehabe lu'ehina.

Yoni 1:16

Bona'i enehe'mose'na'a samahi ti'ehinaguti limito lusa gi leto'ehina koyo koyo bito lusa limiba limiba nohibe.

Yoni 16:3

Enali ya'ma Afo'nifi hiti nani hiti bu le'ego bati mehise ya suhi lolo hilana'mu yabe.

Yoni 17:21

Komopa'ani hepito minela minela hite minalabe luto lu nokumube. Ke, Afo'niga. Kai to nani hiti minetogo nani to kai hiti mino mone huto minalu'ibe. To enali ana hite le'alitoga mine melenogo mino mone huto minalune. Ya hilenogo melugu bona'i kaika noho lifitogo limi'ohuna yamofihi keheli ule'ale hilabe.

Yoni 17:3

Mino kosaba huse'namofihi hapa'a ma huto ni'ibe, Hu'mau lamana'a moneko'i kai hapaka to noho lifi'ahata panaka Yesu Kilisito nani hapa'ni keheli'ehinogo mino kosaba huse'naka yamofihi huto hu epilibe.

Yoni 6:69

To kai Hu'mamofihi lamana pana'a monekomo nohane luto komopati kaito kimito keheli ule'ale ahu keto'ohune.

Aposolo 4:32

Hu'mamofitoga komopa'ani emite minana bona'i enali moneko kaga liyafa hite mine'ahana. To bo moneuba ai fe'noha'alo bu goloto nani'ni nasana'ni ni'ibe luto melu'ehina. Asaga fe'noha'a enali asaga'i nehanamagi enali'na hiti li baga i'ehina.

1 Koliti 1:10

Nalalu'nigitabe. Nani Sipi Boti Yesu Kilisitohi gi'alo yabe luto lu hokolo hu lepito ya'ma lilugi, kehelilo. Lenali kaga fato fato'i nelite loko mehilo mono ka'mu nekehelite lenegekesa hiti komopatini le'mo moneko hite minalo.

1 Koliti 14:20

Nalalu'nigita, fato enonogoguti kaga lulatana'mu yagapana inapupagi suhi hite minete foipa hapa'a mekehelilo. Ya hite, minalanaya yagapana inapupagihi kehelise'na hiti meminalo. Enali kaga keheli fe menelibe. To lenali kaga kehelite le'mo fe lilune lite ya'ma olopa bona'magihi kehelise suhi lilo.

1 Koliti 2:6

To ya huto ni'inaya nani ka keheli bati mehuse liluta ni'ifihe? O'e. Nani lama'naka Hu'mamofihi kagu hofa tete mine'ahana bona'amagi ya'ma keheliya ito kagaguti lu lepilata nohube. To ya nohutaya ya'ma metoga enigihiti bona'i fililete fa'menena lolo hilanamagi keheli fe lite kaga lilata nehana ya suhi huto liluna'a meni'ibe.

2 Koliti 4:6

Hu'mau ai koyapa'i metepuhi ni'inagu fi besa lobo luto ligo go'i lu besa lo'ehina. To ai'asigo ya'ma lulago komopatigu ai'a kamofihi fana meha'auba mino kikipa hago Kilisitohi gobisalo Hu'mamofihi silikeha fayaha'a huto hu lamana nohigo bu golata nohune.

Galesia 4:19

Panana'nimagita, nani lenali kumu luto keke'i luse aku'i nokehelube. Ana'magi yagapana'i ketalune'mu nehite keke'i lilata nehana, ya suhi huto keke'i luse'na sipi aku'i nokehelube. Kilisitohi babeyafa'a suhi huto lenalitoga huto hilibe luto lenali kumu kehelugo keta nebesilata nohibe.

Efeso 1:17

To Hu'mau Yesu Kilisito Sipi Botimofihi afo'afu, fana meha'a hiti afotifu, ai mehi lepito lenegekesa le'mo hokolo hinogo to Hu'mamofihi hapa'a lu lepilenogo lenali keheliya ite Hu'mamofihi hapa'a keheli fotogo hite ya hilabe luto loka nohobe.

Efeso 1:23

To lali Hu'mamofihi bona'magita gumita'a lolo huto nohuto gufa'a lolo hu baga nouta yabe. Ya huto ni'inaya to ai'a silaga'na lolo baga ilata bo nohibe.

Efeso 2:15

To ai Kilisitou Yuta bona'magihi keya kamofihi komopa'agu ya'ma lilo melilo lite fato fato ka li'ahanamo ya'ma pa salube luto ai'a gufa'a nohe'mito fili'ehigo ana ka su ho'ehina ni'ibe. To ya huloto lali loe bona'i fatehi mino'ohuta bona'i kosaba naga'i moneko lele'mo huto huloto aitoga lele'mo hepilago lali fulu huto koguna ito nominota ni'ibe.

Efeso 4:3

To fulunamofihi naga'atu mu tifi lepolo'ehinamo ni'ibe. Ya'mu ya hite, naga'i laga hu lalagi ai kaba hu etenogo ai kaba hu etenogo hite nehinogo Hu'mamofihi Sikalafu'uba lenele'mo moneko'na hu'ehina suhi hite minalo.

Efeso 4:5

Sipi Boti moneko'i nohinagihe. To mono ka keheli amuya moloto mege'i mololata hiluta ka moneko'i ni'inagi to Kilisito kumu yabe luto nagami'i fololata nohutana moneko'i ni'inagihe.

Filipai 3:10

To nani yatai Kilisitohi hapa'a keheliya ilube luto to ai fili'ehinaguti ho tise'namofihi amuy'a nanitoga huto hilibe luto to ai keta hinana gupisalo mele ete'ahanamo molo emito kehelilube luto to ai'a fili'ehina hapa'a mege'i moloto fililube luto nipagu nohibe.

Filipai 3:8

To ananasigo meni'ibe. Nani'ni Sipi Bo'ni Yesu Kilisitohi ai hapa hapa'a bu goto keheli'ohuna yamofihi mina'a tilago ana'ina luga'a silaga'i yamofihi lamana'a kehelugo fa'menena lolo hu'ehibe. Nani Kilisito hiti moneko'na hilu'ibe luto ai kumu yabe luto nigi'ni hiti to nipagu hu'ehinana hiti to nanitoga huto hu'ehinana asaga'i heletuya'a lolo higo he'mi'ohuna yabe.

Kolose 1:28

Hapa'a ya huto ni'inagi le'ali Kilisito kumu luto kaga lu yege hoto leli huto buto asaga bona'i lu epilata nohu'ibe. Le'ali amuya moloto asaga bona'i lipoti epiloto to asaga kaga lu hokolo hu noepito hulata nohu'ibe. Hena'mube? Enali Kilisitotoga mino hepite bati nehinogo Hu'mamofihi bulo enele'moto bilu'ibe luto nohu'ibe.

Kolose 2:2

To ana lili'na henabe luto nolube? Enali ai he'menogo ai he'menogo hite koguna ite nehite ai ginaga fi eminogo ai ginaga fi eminogo minalabe luto foya nolube. Ana huto enali Hu'mamofihi komopa'a keheli fe lite loe lae mehise minalabe luto to Hu'mamofihi suguna ka l'emo huto hu'ehinana'a hapa'a kehelilabe luto foya nolube. To ana suguna ka hapa'a henana ni'ibe? Yesu Kilisito bo yabe.

Hibulu 5:14

Nose'na amuya melete yamofihi olopa bona'magi enali nasana ni'ibe. Enegekesa komopa'ani hokolo higo foipanamofihi bati'namofihi hapa'a keheli bebe sete nehana enali nasana ya ni'ibe.

2 Pita 1:4

Ya huloto ai kaga lu molo leto'ehina'a hetofa hetofana'a to mina'a ti'ehina'a ya'ma limi'ehina yabe. Ya huto limigo legeya'a lalitoga huto hilenogo melugu bona'magihi enegekesa'ani enugufa'ani laga epesise kapolo mege'i nemalana anamofihi fililata kapolo lenali lenemegesa hu emite to Hu'mamofihi hetofa hapa'a, ya'ma babeyafa hite minalabe.

2 Pita 3:18

Ya nehite Sipi Botiuba lubuto bilata nohina bo, Yesu Kilisitohi lenehe'mose'na to ai hapa hapa'a keheli hokolo hite kehelise'na hiti lenalitoga minenogo yamu'i hofa tete minalo. To ai fana meha'auba minoto minomo buto yatai ana suhi huto mino lito buto mino bai toto mineno. Ma'naka.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.