Efeso 4:10 - Ka Lamana'a Monoꞌi Lu Mu Tifiꞌehina Ka Yabe

¹⁰ To ai limi'ehina bo to aku'i i behe huto kokuluma kokuluma'i be ligito ti'ehina bo moneko'i nohuto yamofihi asaga melugu to kokulumagu mino baga ilube luto ti'ehinamo ni'ibe.

Efeso 4:10 ပူးပေါင်းရင်းမြစ်များ

Matiu 24:34

Nani ma'naka luto lu nolepube. Yatai kana'alo boana'i mefilise nehinogo ma asaga'na huto hilina'mu yabe.

Luku 24:44

Ya huloto ai ma luto lu epi'ehina: Koyapa'i nani lenali hiti nohuto'ni alu lepi'ohuna yabe. Asaga kaga nani kumu lite Mosehi bukugufi to lu huto huto bomagi bukugufi to nama li'ahana bukugufi koyapa'i fayahi ge'ahana asaga ya'mana kagauba legeya'a mana'a huto hilibe luto lu lepi'ohuna yabe.

Yoni 1:16

Bona'i enehe'mose'na'a samahi ti'ehinaguti limito lusa gi leto'ehina koyo koyo bito lusa limiba limiba nohibe.

Yoni 19:24

gimi bomagi kaga ai lu emigo ai lu emigo li'ahana: Ma kata loko hilune'mu pekene mehiluta kiyi'afu lilibe lutoti kati supo hite li'ahana. Yana hite hi'ahana'mu koyapa'i mono bukugu fayahi ge'ahana. Enali kata'ni guna ite moneko moneko'isi lite to naku'nimofihi kati suhi hite li'ahana. Ya'ma kaga'mu ana huto huto hu'ehina. Gimi bomagi ya'ma kata'a kumu ya hi'ahana yabe.

Yoni 19:28

To Yesu lili'namofihi nasana'mu baga i'ehina akehelito koyapa'i mono fayahi keye'ahana kaga'a huto hilinagi ai lu'ehina: Nani nagami'i naluna nipa'ni nohibe.

Yoni 19:36

Bona'magi Yesuhi ya'ma asaga'i hi ete'ahana koyapa'i mono bukugu fayahi keye'ahana'mu ana huto hu'ehina: Felisa'a moneko'isi li gofa mehi etalabe, koyo'ehinana hiti

Aposolo 1:11

Etali ma hite lu epi'aha'ina: Lenali Galili bose, henabe lite maga ho ti'ehite kokulumamofihi bulu'i nehabe? Ya'ma Yesuhi, yatai Hu'mau lenalitogati le'moto kokulumalugu notina okaba hiti bo ana suhi luto aku'i mone yupahi alina'mu yabe.

Aposolo 1:9

Yesu ya luto kaga lu su holago enali be gelete nehago Yesu kokulumalugu notigo sopohi moneuba oto le'mo fenene enubuloti hu'ehina.

Aposolo 2:33

Yatai ai kokulumalugu tito Hu'mamofihi yahi lamaga'aga nohibe. Ai koyapa'i afo'afu emilube ka lu molo'ehina'a huto Sikalafu'i afo'afitogati ali'ehibe. To lenali yatai bu gela kehelila nehananaya Yesu ai yatai lalitoga molo baga i letabe.

Aposolo 3:18

Ya hi'ahana koyapa'i Hu'mau kaga mone ma luto kaga lu yege hose bomagihi enabagalo lu'ehina, Mesia'nifu ai gabu gise'na li kofilibe. Ya lu'ehinalo lenali ya'ma suhi li huto hi'ahanauba ana kaga baga i'ehibe.

2 Koliti 12:2

Nani Kilisitohi bona'a mone'i keheli'ohube. Nani ya'ma nasana mone bu go'ohuna kana'a kufu 14 nobigo bo mone ai'a ya'ma Sipi Bouba fa'mene le'moto tito kokuluma ifo muya gupisalo ni'inagu ya'ma ti'ehina. Nani gufa'a hiti ni'ifi to gufa'a gololo tilago ni'ifi luto ya'ma keheli bati mehube. Hu'mau ai'a ya'ma keheli'ehibe.

Efeso 3:19

To Kilisito komopa'a limi'ehinamofihi hapa'auba yamofihi bona'magita keheli'ahana ya'ma be ligi fala'nala huto ni'ibe. Ya huto ni'inaya yamofihi sibigopa keheliya inogo Hu'mau asaga'nagu bai toto nominana bouba ana suhi huto lenali komopatinigu bai toto minalibe luto loka nohobe.

Kolose 1:19

Hu'mau pana'niloga nemeha'ni mino baga noibe luto lu kehelito ligo ya'ma Hu'mamofihi hapa'a moneko legege hu'ehina bo nohibe.

Kolose 2:9

To lenali nekehelibe. Kilisitohi komopa'agu Hu'mamofihi meha'a bai toto nominabe. To ai asaga kibina bomagihi kibina bo'ani to kaba bo'ani kokulumagufi melugufi nehanana ai enebe ligilata nohigo lenali to ai hiti moneka nehite lenemehatini bai toto bati huto ni'igo mine bati bati nehana yabe.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

Hibulu 4:14

Yana'mu lali mamufa gi letolata bo sipi'a tito mino'ehina moneka nohuta bo Yesu Hu'mamofihi pana'a aisigo ya'ma kokulumagu Hu'mamofihi maha'aluga tito nohibe. To ana suhi huto nohu letana ni'inaya mono ka'a lulata nohuta yamofihi li pili koto lubuto bilatanamofihi ka'a keheli ule'ale huto mino lito buto minalune.

Hibulu 7:26

Yesu ya'ma lali'i mamufa gi leto'ehina bo sipi'a nohinagi lele'mo bati hulata nohina bo nokehelune. Ai pa sose foipana meni'ina komopa'a fi fana tago lamana bo ai foipana nasana lilata bo enali tegi huto menohibe. Laga huto pa solata nohina bo Hu'mau le'mo saga hu'ehigo kokuluma ifo'alo be ligi su hoto nominana bo minalina'a huto minolago bati huto ni'ibe.

Hibulu 8:1

Ka noluna yamofihi legeya'a ma luto ni'ibe. Lali'i mamufa gilata bo sipi bo ai ifoga kokulumagu Hu'mamofihi koli'a hiti kefa hisalo maha'aluga yahi lamaga'aga mino moloto nohibe.