Efeso 3:5 - Ka Lamana'a Monoꞌi Lu Mu Tifiꞌehina Ka Yabe

⁵ Suguna kamofihi hapa'a ya'ma koyapa'i mine lite bi'ahana bona'i enalitoga huto mehu'ehinamo ni'ibe. To yatai ka lamana'a lu yege hose bo to hetofa aposolo bona'i enalitoga Sikalafu'uba ana suguna kamofihi lu hokolo huto lu epilata nohibe.

Efeso 3:5 ပူးပေါင်းရင်းမြစ်များ

Matiu 13:17

Nani ma'naka luto lu nolepube. Koyapa'i babu lu huto huto bona'i hiti to komopa'anigu bati hina bona'magi ya'ma yatai lenali bu neganana bu galune lite hi'ahanaya enali bu mege'ahana yabe. To lenali yatai nekehelina kaga kehelilune lite hi'ahanaya mekeheli'ahana yabe.

Matiu 20:7

Enali ka'alo nona'a lu emi'ahana: Bo moneuba lili'na melimigo fa'mene nohune li'ahana. Ya lago ai lu epi'ehina: Lenali hiti ka'muya abite bai naga'i foya'nigu lili'na lilo.

Matiu 23:34

Ya hu'ehinagi lenali kehelilo. Nani kaga lu yege hose bo luga'a hiti, to lataha'anigu kaga bati huto ni'ilina bo hiti to mono ka keheli bati hi'ahana bona'i hiti lenalitoga enoho lifinogo'ni bilana'mu yabe. Enali folagaha'aniguti luga'a enoho fililabe, to luga'a malipu yafalo enahalabe, to luga'a mono nohatinigu nehinogo naga osatu'i enibi yigilana'mu yabe. To lenali mone hepatoti enele'mo he'minogo fato hepalugu netinogo enegene mane ite enele'mo fato hepato malalana'mu yabe.

Luku 10:24

To hena'mube? Enali koyapa lu huto huto bona'i hiti to gihiti bona'i enali kumu lu nolepube. Lenali bu gela to lenekesagu kehelila nehanana ana huto lekesagu kehelila to lubutiguti bu galune lite helebe helebe hanaya enali mekehelila to bu megalana suhi habe lu'ehina.

Luku 11:49

Ya hu'ehigo koyapa'i Hu'mamofitoga kaga kehelise'na'a bati huto ni'igo ai ma luto lu'ehina yabe: Nani lu huto huto bona'i hiti kaga lu yege hose bona'i hiti enalitoga enoho lifinogo nehetilenogo bona'magi enegene mane inogo luga koli nefelenogo luga'a enahalabe.

Yoni 14:26

Afo'nifu nigi'nilo lenehe'malina ya'ma Sikalafu'i lenalitoga ho lifilina'mu yabe. Ai nehetito asaga nasana'mu lenelepiloto to asaga kaga'ni lu lepi'ohuna'a beto hu lepilina'mu yabe.

Yoni 16:13

Mono ka lamana'amofihi afo'afu fana meha'a hiti Sikalafu'uba ai'a limiloto lamana kaga komopa'agu lenele'moto bilube'mu hibe. Yamofihi ai'a ekesa kehelito lu melepilina'a huto ni'inaya, Hu'mau lu'ehina'a huto lu lepilina'mu yabe. Ya huloto minoto ana'ina huto hilina'mu lu lepilina'mu yabe.

Aposolo 10:28

Ya huloto ma luto lu epi'ehina: Lenalitini akeheli'ahabe. Yuta bo moneuba fato naga'i hiti koguna ito minose'namoya lusiga luto o'e lite Yuta bona'magi lu laga hi'ahanamo ni'ibe. Ya hu'ehinamoya Hu'mau ma luto nelepi'ehibe: Bo mone'mofihi kolo tana bo yabe lula to kolo metana bo yabe lula mehubo.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

1 Koliti 2:10

Ya nasana'amu Hu'mau ai Sikalafu'a ho lifigo oto lu huto hu limilata nohibe. Ana Sikalafu'uba silaga bona'magihi komopa'anigu to Hu'mamofihi komopa'agu fala kito ni'ina'a hiti kehelilata nohinagi ya'ma lu hokolo hu leto'ehibe.

Efeso 2:20

Ya huto ni'igo lali Hu'mamofihi bona'i asaga'i nopo tegi huto nominone. Enali aposolo bo to Hu'mamofihi ka lu yege hose bona'i enali lukesa'a lolo hite nehago yamagihi enugupisalo lele'mo malago minomo buto nohune. To Yesu Kilisito ai nohi ya'ma lapusa'a lolo huto nohibe.

Efeso 3:9

To Hu'mau suguna kamofihi hapa'a ai foya'a lito li su halinamofihi hapa'a ya'ma nani'ni lu huto huto nohugo bona'i kehelilabe luto nele'mo'ehinamo ni'ibe. Ya'ma Hu'mau ana'ina silaga'i li huto hulata nohina bouba koyapa koyapa'i ana suguna ka hapa'a ai'a komopa'agu fala kito minomo buto mino'ehibe.

2 Pita 3:2

To lenali mono ka leli'ali bona'i Hu'mau enele'mo ho ti'ehinamagi koyapa'i fono ka fono ka li'ahana ka hiti to lenali'i aposolo bona'magi Sipi Boti lubuto bilata bouba lu'ehina kamo lu lepi'ahana ka ya keheli bati hite kehelite minalabe luto nolube.

Yute 1:17

To nemehi lepi'ohuna bona'ise. Lenali ya'ma koyapa'i Sipi Boti Yesu Kilisitohi aposolo bona'magi enali kohe tete kaga'a lu lepi'ahanamo yana'mu kehelite minalo.