Efeso 3:19 - Ka Lamana'a Monoꞌi Lu Mu Tifiꞌehina Ka Yabe

¹⁹ To Kilisito komopa'a limi'ehinamofihi hapa'auba yamofihi bona'magita keheli'ahana ya'ma be ligi fala'nala huto ni'ibe. Ya huto ni'inaya yamofihi sibigopa keheliya inogo Hu'mau asaga'nagu bai toto nominana bouba ana suhi huto lenali komopatinigu bai toto minalibe luto loka nohobe.

Efeso 3:19 ပူးပေါင်းရင်းမြစ်များ

Efeso 1:23

To lali Hu'mamofihi bona'magita gumita'a lolo huto nohuto gufa'a lolo hu baga nouta yabe. Ya huto ni'inaya to ai'a silaga'na lolo baga ilata bo nohibe.

Kolose 1:10

To yalo lenali asaga yupahi aitoga minete hetofana hite neminenogomo Sipi Boti ai lenofokehi lilina'mu yabe. Ya'ma le'ali loka noho'ibe. To lenali asaga yupahi Hu'mamofihi lagamo keheliba keheliba hite minete, to bona'i enehe'malata ya'ma hetofa lili'natini fato fato'i yamofihi legeya'a babu luto hilina ya hinogomo Hu'mamofihi hapa'a keheli bati hilete hetofana suhi hite minete ya hilabe luto loka noho'ibe.

2 Koliti 5:14

Ya hu'ehina'mu Kilisitou ai meha'a limilata nohinauba lele'mo hetofa higo lalitigo lugufati lelito tiluta'a meni'ibe. Lali ya'ma luto keheli emilata nohune. Ai bo moneuba lali bona'i asaga kumu yabe luto fili'ehinamo ni'inagihe. To lali asaga'i ana suhi huto tafa hapatimo'mu fili'ohuta'a ya'ma keheli'ohune.

Yoni 1:16

Bona'i enehe'mose'na'a samahi ti'ehinaguti limito lusa gi leto'ehina koyo koyo bito lusa limiba limiba nohibe.

Filipai 4:7

Ya hite nehinogo Hu'mamofihi fuluna'auba bona'magi keheli baga meilanauba lenalitoga huto hilibe. To ananauba lenali Yesu Kilisitotoga agoya hu emite neminogo komopatini lenegekesatini le'mo fulu hinogo laga'a hiti minalabe.

Galesia 2:20

Ya hu'ohunaya yatai ya'ma minoto lito nohuna ya'ma nani'nigo minoto lito mehube. Kilisitou komopa'nigu minoto lito nohigo nugufaloti minoto lito nohuna. Ya'ma Hu'mamofihi pana'amu keheli ule'ale huto minolatana nohuto minoto lito nohube. Ai ya'ma komopa'a nanitoga mololoto minoto lito hina'a nani kumu yabe luto gufa'a he'miloto fili'ehinamo ni'ibe.

Efeso 5:2

Ya nehite asaga bona kumu leniginaga fite minalo. Kilisito ai ana huto lali kumu yabe luto ginaga fito gufa'a sibi he'mi'ehina yamofihi Hu'mamofihi kuguhi koyo eminogo Hu'mau tu'a keheligo bati hu'ehinagihe.

Efeso 3:18

lenali to mono ka keheli'ahana bona'i luga'a hiti asaga'i Kilisito komopa'a lepi'ehinana yamofihi keheli amuya malalabe luto loka nohobe.

2 Pita 3:18

Ya nehite Sipi Botiuba lubuto bilata nohina bo, Yesu Kilisitohi lenehe'mose'na to ai hapa hapa'a keheli hokolo hite kehelise'na hiti lenalitoga minenogo yamu'i hofa tete minalo. To ai fana meha'auba minoto minomo buto yatai ana suhi huto mino lito buto mino bai toto mineno. Ma'naka.

Yoni 17:3

Mino kosaba huse'namofihi hapa'a ma huto ni'ibe, Hu'mau lamana'a moneko'i kai hapaka to noho lifi'ahata panaka Yesu Kilisito nani hapa'ni keheli'ehinogo mino kosaba huse'naka yamofihi huto hu epilibe.

Matiu 5:6

Bona'i enali bebe sete hapa'ani minenogo Hu'mamofihi ka'alo mege'i melete minalana enali enegelo bilo. Hu'mau alihi asaga'na epilina'mu yabe.

Efeso 5:25

Bona'i lenali lihatinimagihi komopatini epilo. Kilisitou ai lali ka'a nokeheluta bona'magita komopa'a lepito lali kumu luto gufa'a katiya'i huto fili'ehina suhi hite komopatini epilo.

Filipai 1:7

Lenali komopa'nigu mine'ahanamo ni'inagihe. Nani lenali asaga'i ma luto keheli lepilata hu'ohunamo bati nohibe. Nani maga naga nonugu nohugo to ka lamana'amu yabe luto ka foya lito li hetofa huto nolugo lenali hiti nani hiti moneko nohuto Hu'mamofihi lehe'mose'na'a guna moloto lito minolata nohune.

Romu 8:35

To Yesu lali kumu ginaga fi limi'ehinalo to kaba hu bati hu leto'ehinalo lali ya'ma hepitoti minaluta nohunogo kiyi'afu yanaloti lele'mo loko hilibe? Keta hu letalinauba analoti loko hilifiye? Analoti fi taga hu letalinaubafi? Gabu gi letalinaubafi? Nose'na fenene hinogo kau'na lahalinaubafi? Musufalo nasanauba ya hu letalinafi? Luba huse'nauba ya hilifi? Filise'namofihi amuya'auba aitogati loko hu letalinafiye? O'e, ya huto Yesu ginaga fi limi'ehinagati loko hu letalinamo meni'ibe.

Romu 8:39

To mone ifo muyalo ni'ina me'i afenuga ni'inafi moneuba Yesutogati lele'mo loko mehilina'mu yabe. Hu'mau lali kumu sipi ginaga fise'na'amofihi Sipi Boti Yesu Kilisito limi'ehinamofihi ya'ma melugu lolo huto minolatana asaga'namagi lele'mo loko mehilana'mu yabe.

1 Pita 1:8

Lenali Yesuhi meha'a bu mege'ehite sibi komopatini keheligopa hilata nehabe. To lenemehi emilata nehana yabe. Yatai kanagu ya'ma lenubutinitu ai'a bu mege'ehite ai kumu sibigopa keheli ule'ale hite neminabe. Ya nehite lenegelo bite laga'a fato'mofihi bona'magita lenabagaguti lu huto hilata menehanamo ya'ma kehelilata nehabe.