Efeso 3:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Hu'mau ai'a fana meha'a babu luto hefu tegi ni'inaguti ai'a meha'a lenalitoga ho lifinogo limito amuya'a li huto hu lepinogo kehelite amuya melelenogo ai'a komopatinigu hofa toto ule'ale hilibe luto loka nohobe.

Efeso 3:16 ပူးပေါင်းရင်းမြစ်များ

Matiu 6:13

Kai sipi fi taga huse'nagu lele'mo memoloto foipanamofihi afo'afitogati lele'mo lubuto bibo.

Romu 2:29

Gufalo laga hu'ehina ni'ifi meni'ifi nohina bo komopa'a emagu Hu'mau le'mo bebe sose bo, ai lusi Yuta bo nohibe. Keya kauba ya'ma bomofihi komopa'agu le'mo bati mehu'ehinogo Hu'mamofihi Sikalafu'uba aisigo ana bomofihi le'mo bati hu'ehina. Ya hulata nohina bomofihi melugu bona'magi gi'a liyafa helata menehanaya, Hu'mau ai'asigo ana bomofihi fokehi hoto gi'a liyafa holata nohibe.

Romu 7:22

Nani Hu'mamofihi keya ka'amu komopa'nigu laga hina ni'ibe luto negelo nobube.

Romu 9:23

To bona'i mone'amagihi fana meha'agu enele'mo moloto keke'i lu epoloto minalina ana huto ai foya'a yabe. Ai ya huto lalimo Yuta bona'magitogati fegutoga bona'magitogati mone'a kehe ito lele'moto fuluna'a limito komopa'a lalitoga fi limi'ehina. To henabe lutobe? Asaga bona'magi ai'a fana meha'a sipina ni'ina'mu enali kehelite fokehi lilabe.

1 Koliti 16:13

Lenali kaba hite minelete Hu'mamofihi ka kehelilatanamofi kumu ule'ale hite minalo. Ya nehite koli mehise gimi bomofihi hapa'a lite amuya melete minalo.

2 Koliti 12:9

Buka tugo ka'a ma luto lu nimi'ehina: Nani felisa'niuba kai amuya memalalata'mu yamofihi babu luto kimito kele'mo bati hulata nohibe. Nani kehe'mose nani'niuba kaitoga i bilito buto ni'inogo ana'ina mone kumu buka tilata'a meni'ibe luto lu nimi'ehina. Ya hu'ehina'mu Kilisitohi amuya'auba nani'i nele'mo amuya malalibe luto lapa mebi'ohuna yana'muko le'mo hofa toto noluto'ni negelo'ni bilata nohunagihe.

2 Koliti 4:16

Lali ya hu'ehina'mu yabe luto kosele'i kasele'i mehone. Lugufati lagabu'i gilata nohinaya kana'amu kana'amu komopatigu lele'mo amuya hulata to kosaba'i asaga yupahi limilata nohibe.

Efeso 1:18

To lenegekesa yigise'namofihi li hokolo hulenogo Hu'ma hiti alihi mine bati hilana hapa'a kehelilabe luto, to lenali panana'a alihi lepilube luto lu molo'ehina'a kehelilabe luto, loka nohobe.

Efeso 1:7

Kilisitou aiya golaha'atu mina fi letoto foipana nagaluguti gulu ho letalibe luto foipanati li he'mi letalibe luto fili'ehinamo ni'ibe. Ya'mu Hu'mau lalitoga mehi limise'na'a sipi nohina keheli'ohune.

Efeso 2:7

Hena'mube? Hu'mau ai ya'ma alihi huto huto alina kana'alo yanagu sipi ginaga fi limise'na hiti to hetofa lehe'mose'na'a hiti ya'ma Yesu Kilisito kumu yabe luto lu'ehinamo ni'igo yamofihi nasana'a kehelito minomo buto kehelilune.

Efeso 3:8

To nani mono bona'i limite nehanaguti nani'i limito mino'ohunamofita nohunaya Hu'mau mehi nimise'na nanitoga huto higo Kilisitotoga keheli emilata bona'magihi enele'mo mino bati bati huse hapa'a leka soto soto su meholatanamofihi ka lamana'a ya'ma fegutoga bona'i lu huto huto lu epilane luto yamofihi foya kaga'a lu neto'ehinamo ni'ibe.

Efeso 6:10

Lu su hoto lilube. Hu'mamofitoga bite i ke'menogo ai amuyana'a napa huto lenalitoga ni'inogo yanamofihi komopa'agu mine lite tite ule'ale hilo.

Filipai 4:13

Kilisitou nele'mo amuya malago fato fato'na laga mehinanamofihi nanitoga huto hulenogo komopa'nigu keta mehuse bati huto nominobe.

Filipai 4:19

To Hu'mau ai lili'na kana Yesu Kilisito kumu molo emina'mu yabe luto ai'a ana'ina samahi tito molo'ehinaloti lepinogo mone kumu sa mehilune'mu habe.

Kolose 1:11

To Hu'mamofihi amuya'a lenalitoga huto hinogo yanauba amuya molo lepalalina to lenifi taga huse'na huto nohinogomo kosele'i mehese aitoga ule'ale hite minalabe luto luloto to Hu'mau komopatinigu sabiyana lolo hu lepalalibe luto loka noho'ibe.

Kolose 2:2

To ana lili'na henabe luto nolube? Enali ai he'menogo ai he'menogo hite koguna ite nehite ai ginaga fi eminogo ai ginaga fi eminogo minalabe luto foya nolube. Ana huto enali Hu'mamofihi komopa'a keheli fe lite loe lae mehise minalabe luto to Hu'mamofihi suguna ka l'emo huto hu'ehinana'a hapa'a kehelilabe luto foya nolube. To ana suguna ka hapa'a henana ni'ibe? Yesu Kilisito bo yabe.

2 Timoti 4:17

Sipi Bouba mehi nimito nele'mo hetofa hu netoto ka lamana'a lu yege hoto lu epito lu su halane luto to fegutoga bona'magi keheli baga ilabe luto lufusa'ni amuya molo neto'ehina. To lubanamofihi bagaguti Sipi Bouba nubuto bito gulu ho neto'ehina yabe.

Hibulu 11:34

luga'amagi logo guluya mepofihi kenetufa'alo li sabago ketipa i'ehina. To luga'amagi lubamofihi gupisalo netite fateha'animagi emitatu keyete enoho fililune lana'a he'mi epelete bifa hi'ahana. Kenebe mebi'ahana'amagi aku'i ya'ma amuya mele'ahana. Luga'amagi lubagu amuya melete me'i luga'agati kala bo'ani enohobe logobe hi'ahana.

1 Pita 3:4

Ya nehinogo ketipa ito fuluna'amofihi sekele mamu'a yauba amuya moloto minolatanamofihi yanauba komopatinigu kikipa hoto minolatana ni'ibe. To tafana meli'ohuta yauba ya'ma Hu'mau hapatini kehelito gelo binogo ya'ma mina'a tito minalibe lite lilabe.