Efeso 3:1 - Ka Lamana'a Monoꞌi Lu Mu Tifiꞌehina Ka Yabe

¹ To ya huto ni'igo Poluita nani Kilisito kumu yabe luto ya'ma fegutoga bona'i lenalitoga ka lamana'a lu lepi'ohunamu'i naga nonugu nele'mo mele'ahana ni'igo nani lenali kumu afotifihi loka nohobe.

Efeso 3:1 ပူးပေါင်းရင်းမြစ်များ

Luku 21:12

Ya hu'ehina ya'mana asaga'na huto mehu'ehinogo yata'a lenegene mane hite lenele'mo sibina hilana'mu yabe. Enali mono nonugu lenele'mo melete naga'i lepilana'mu yabe. Enali nani nigi'ni li melugu malalune lite lenele'mo gihiti bo enubulo hiti gamani bona enubulo hiti bite ka foya lilana'mu yabe.

Aposolo 21:33

To gimi bomagihi kaba'aniuba buto Poluhi naga'i emito seni naga'i loemotu sa gibo luto gimi bona'magihi lu epito le'mo'ehibe. To boana'magihi ma luto enoloka habe: Ya'ma bo ki'afube? To hena hu'ehibe? luto enoloka ho'ehina.

Aposolo 23:18

Ya luto ligo ana gimi bouba ana pana'i le'moto buto gimi bomagihi kaba'ani nohinalo ho tiloto lu emi'ehina: Ma pana'uba kaga kai'i lu kimilibe luto Polu nagalugu nohina bouba nani'i noloka hago le'moto noobe.

Aposolo 26:29

Ya ligo Polu ma luto lu'ehina: Hupamone kanafi yatama kanafi ya bati huto ni'ibe. Ya hu'ehina nani nunumu'ni Hu'mamofitoga ma luto ni'ibe: Kaika hiti to asaga bona'i yatai malo kaga'ni nekehelinamagita nani suhi lolo hilabe luto nokehelube. Ya hu'ehina ma seni naga'i lenalitoga meminalibe luto nokehelube.

Aposolo 9:15

Ya ligo Sipi Bouba lu emi'ehina: Kai bubo. Ai nanitoga komopa'a nimilina bo le'mo ho ti'ohuna ai nani nigi'ni liloto fegutoga bona'i to enikibina bona'i hiti to Isilaeli bona'i asaga'i enalitoga lu yege homofa'na hilina'mu yabe.

2 Koliti 1:6

Lalitoga keke'i luse'na huto hulata nohina ya'ma lenalitoga fuluna huto hilibe luto to lenele'mo bati hilibe luto huto hu limilata nohibe. To fuluna'a ya'ma lalitoga huto hu limilata nohina ya'ma lenali kumu yabe luto huto hu limilata nohinagihe. To fuluna'auba lenalitoga mino moloto fi hetofa nohu lepelenogo keke'i luse'na lalitoga huto hulata nohina ana suhi huto lenalitoga huto nohinogomo fi siti bite minete lilabe luto ni'ibe.

2 Koliti 10:1

Poluita nani ya'ma Kilisitohi fuluna'a hiti lehe'mose nasana'a hiti kumu luto lenegekesa lito lu lepilugi kehelilo. Kehelite nani kumu ya'ma lite lilata nehabe. Lalitoga oto minoto ai'a amuya'a hiti bo menohinaya kaga'a nagami'a hiti lu lepilata hu'ehina. Ya huloto buto minoto golagaguti kaga lu lepilata nohibe. Lenali ya nelabe.

2 Koliti 11:23

Enali'ani Kilisitohi kele kele bo'a nohune lite nelago nani ya'ma sibigopa negi nagi ka lilube. Nani enebe ligito Kilisitohi koko bo'a fato fato'mofihi nohube. Nani foyamofihi keke'i luse nohuna ya'ma fato fato suhi huto ni'ibe. To mono ka'mu luto naga nonugu tilata nohuna to segi osatu nehelago nagabu'i gilata hu'ehina. Babu yupahi nani filise'na hu'ohunamofihi fato fato legegeto tito ni'ibe.

Galesia 5:11

Nalalu'nigita, nani bona'magihi enugufalo Hu'mamofihi keya kamofihi laga huse'na keya'a hiti minalabe luto fi lehe toto bu'ohuna ni'itita kalana'i lenugufalo minalibe luto lu epito minotita ya'ma Yesuhi malipu yafalo fili'ehina yamofihi ka'a lu nolepuna'mu mu lenipa hulata nohinamofihi su hatita'mu yabe.

Galesia 5:2

Nani Poluita lu lepilugi kehelilo. Lenali keya kagamu'i lugufa laga huto minalune lite keheli epilana ya hite, Kilisitohi lenehe'mose'nauba lenalitoga fa'menena lolo hilina'mu yabe.

Galesia 5:24

To Yesu Kilisitohi naga'i lali tafa komopatimofihi bita hulata nasana to foipana'mu enuluhaya ilatamofihi aho filigo fa'menena lolo hu'ehinamo ni'ibe.

Efeso 3:11

Hu'mau ai koyapa'i ana'ina li huto mehu'ohuto komopa'atu lu moloto buto mino'ehinamofihi legeya'a ya'ma Sipi Boti Yesu Kilisitohi ho lifigo limi'ehinamo ni'ibe.

Efeso 3:13

Ya'mu ya'ma luto lepilugi kehelilo. Nani lenali kumu yabe luto kaso'a hiti yanamofihi gupisalo nohutogo kehelilete komopatinigu lenagabu'i megino. Lenali kumu yabe luto lenele'mo fana talube luto ya nohunagi lenofokehi lilo.

Efeso 3:8

To nani mono bona'i limite nehanaguti nani'i limito mino'ohunamofita nohunaya Hu'mau mehi nimise'na nanitoga huto higo Kilisitotoga keheli emilata bona'magihi enele'mo mino bati bati huse hapa'a leka soto soto su meholatanamofihi ka lamana'a ya'ma fegutoga bona'i lu huto huto lu epilane luto yamofihi foya kaga'a lu neto'ehinamo ni'ibe.

Efeso 4:1

To ya higo nani Sipi Bomofi kumu luto naga nonugu nohunamofita lenegekesa lito lu lepilube. Hu'mau lamana hite minalabe luto lenele'mo'ehinamofihi hapa'a mege'i melete lamana hite minete lite hilo.

Efeso 6:20

To nani ana huto hetofa ka lamana'a kumu yabe luto Hu'mamofihi kaga leli'ali hulata bo naga nonugu nohunaya Hu'mau lu netalina ka nelesa melinogo lu huto hilibe lite nani kumu Hu'mamofitoga kehe ilo.

Filipai 1:7

Lenali komopa'nigu mine'ahanamo ni'inagihe. Nani lenali asaga'i ma luto keheli lepilata hu'ohunamo bati nohibe. Nani maga naga nonugu nohugo to ka lamana'amu yabe luto ka foya lito li hetofa huto nolugo lenali hiti nani hiti moneko nohuto Hu'mamofihi lehe'mose'na'a guna moloto lito minolata nohune.

Kolose 1:24

To nani lenalitoti nagabu foya ko nofunanamu'i nipa'ni sibina mehuse fokehi nolube. Hena'mube? Lali Kilisitohi gufa'a nohuta bona'magi kumu gabu foya kofilina mone'a ni'ina nani he'moto kofinogo su halibe luto nohuna yabe.

Kolose 4:18

Nani Poluita nani'ni nayaha'nitu fayahi koyoto ma luto nolepube. Nalalu'nigita nehafiye? Nani ya'ma noluto to naga'i li'ohunaya lenekesu meheno. Hu'mamofihi lenehe'mose'nauba lenalitoga mino moloto mineno.

Kolose 4:3

To lali kumu luto loka nehete Hu'mau ai ka lamana'a suguna ka'a Yesu Kilisito kumu ana kaga babu bona'i lu epiluta kapo hokolo hu letalibe lite loka halo. Nanimoya yatai ana ka lamana'a lu yege hose'na'mu naga'i li'ohuna yabe.

2 Timoti 1:16

To Sipi Bouba ai Onesifolu ai lalameha'a ginaga fi epino. Hena'mube? Nani ma naga nonugu mino'ohunalo ai lesa meligo kana'amu kana'amu oto nipagu keta hu'ehina li hetofa hu neto'ehinamo ni'ibe.

2 Timoti 1:8

Ya'mu'i Sipi Botimofihi ka lamana'a lu huto hilata'mu kubuya mehino. Ya huto ai kumu yabe luto naga nonugu nohugi yamofihi nani kumu kubuya mehino. Hu'mau ai amuyana'a kimilenogo ka lamana'amu yabe kalana'i mele ketenogo kai hiti ananamofihi gupisa'alo fa'mene minobo.

Filemoni 1:1

Poluita nani Yesu Kilisitohi ai kumu yabe luto naga nonugu nohuna bomofita to lalalutifu Timotiu hiti nani hiti nohutoti'a ya'ma fayaha nasana koyoto nokumube, Oho, Filemonio, komopati'a kimi'ohu'ina bose. Lali hiti moneko foyalo bo nohane.

Filemoni 1:23

Yesu Kilisito kumu yabe luto naga nonugu mino'ohu'ina bo, nalalu'nifu Epafalasi lenali kumu keke'i nolu lepalabe.

Filemoni 1:9

Lali Hu'mamofihi kagu nohuta bona'i ai komopa'a emigo ai komopa'a emigo nohuta'mu yabe luto nani'ni Polu ka'a leli'ali bomofita to ai kumu yabe luto naga nonugu nohuna bomofita komopa'niguti nolube.

Huto Hilina Ka 2:10

Lenalitoga keta'a huse'na aku'i huto hu lepilube'mu higo lenelesa melino. Keheli'ahafiye? Satau ai enimi'i mololata nasana huto hu lepilibe luto lenalitogati luga'a ya'ma naga nonugu lenele'mo malalina'mu yabe. Ya hulenogo keke'i luse'na keta huse'namofihi kana'a 10 yupapogu huto hu epilina'mu yabe. Lenali ya'ma mono ka li pili kete lite fililafi fa'mene minalafi lite minete kehelilenogo sekele mamu'a hiti kakili tegi huto ule'ale huto minolata nohinamofihi lito bi lepalalube'mu hube.