Efeso 2:8 - Ka Lamana'a Monoꞌi Lu Mu Tifiꞌehina Ka Yabe

⁸ Nekehelifiye? Hu'mau lali hetofa suhi huto minolatanatilo lubuto bina meni'ibe. O'e, ai'a ginaga fi leto'ehinalo agoya hu nimilata nehana'mu yabe luto lubuto bi'ehina ni'ibe. To ya'ma agoya hu emutana laliti meni'ibe. Ai Hu'mau fa'mene lele'mo ya huto hu'ehina yabe.

Efeso 2:8 ပူးပေါင်းရင်းမြစ်များ

Matiu 16:17

Ya ligo Yesu lu emi'ehina: Simonio, kai Yonihi pana'a yale. Kai kegelo bibo. Ma melugu bo moneuba ya'ma lamana kaga mekelepi'ehinagi Afo'nifu kokulumalugu nohinauba ai'a kelepi'ehigo ya'ma kaga nolane.

Matiu 20:9

To enali yege limi falalube'mu nohigo ete lili'na li'ahana bona'i kohe tete ete mone kina mone kina li'ahana.

Maki 16:16

To bo moneubafi moneuba ana ka kehelito agoya hu nimito nagami falalina bo, ai'i buto bilunagihe. To bo moneubafi moneuba kehelito agoya hu menimilina bomofihi nani gumi'i hoto le'mo he'milunagihe.

Luku 7:50

To Yesu ana a'mofihi ma luto lu emi'ehina: Kai agoyanaka nanitoga malalata yauba kele'mo bati nohinagi komopaka fulu hinogo kofokehi hoto hepakaga bubo, luto Yesu lu'ehina yabe.

Yoni 3:36

Bo moneuba Hu'mamofihi Pana'a komopa'a emito gi'a liyafa hilina bati huto minoba minoba hilina'mu yabe. To bo moneuba Hu'mamofihi Pana'a kaga'a keheli meemilina to mege'i memalalina ya'ma Hu'mau hima muhi fi etenogo minoba minoba hepa'i melilina'mu yabe.

Yoni 4:10

Ya ligo Yesu ka'alo nona'a lu emi'ehina: Hu'mau hetofana epilata nohina hiti to nagami'i hefi nimibo luto koloka nohana bo hiti kai keheli'ahatita, ai'i loka hatago mino kosaba nagami'i kimitita'mu yabe.

Yoni 5:24

Nani ma'naka lu nolepube, kene'i moneuba nani ka'ni kehelito li pili koto'a to noho lifi'ehina bomofitoga komopa'a malalina yanauba mino bati huto minoba minoba huse'na ya'ma li'ehibe. To ai ka foya melilina filise'namofihi be ligito aku'i mino kosaba huse'i ali su hoto nominabe.

Yoni 6:35

Ya lite lago Yesu lu epi'ehina: Enele'mo mino kosaba huse beleti nani'ni nohube. Bo moneuba nanitoga alinamofihi kau'na mehalibe. To komopa'a nanitoga nimilina bomofihi nagami kumu mebesilina'mu yabe.

Yoni 6:37

Asaga bona'i nani Afo'nifu nimilinamagi nanitoga alana'mu yabe. To nanitoga alana bona'i enubunepa ito enele'mo mehe'miluna'mu yabe.

Yoni 6:40

Afo'nifu ma luto keheli'ehibe. Asaga bona'i pana'a bu gelete komopa'ani emilanamagi mino kosaba hepa'i lilabe. Ya hinogo nani kokuluma hiti me'i hiti su halina yupahi enele'mo ho ti kosaba hiluna'mu yabe.

Yoni 6:44

Bo moneuba ai'agati nanitoga mealina Afo'nifu noho lifi'ehinauba nanitoga le'mo kefefe higo olenogo alihi kokuluma'i hiti me'i hiti su halina yupahi nani ana bomofihi le'mo ho ti kosaba hilube.

Yoni 6:65

Ya'mu luto kaga mone'a hiti molo emito ma luto lu epi'ehina: Ya'ma lilabe luto'ni nani ma luto lu lepi'ohuna yabe. Bo mone'mofihi Afo'nifu amuya meemilina nanitoga mealina'mu yabe.

Aposolo 13:39

Mosehi keya ka'auba lenele'mo lenubuto bito foipatini li he'mito bebe sana bona'i yabe luto lenigi mehalina'mu yabe. Ya hu'ehina ya'ma bomofitoga komopa'ani emite minalanamagi asaga foipana'ani li he'mi epoloto enele'mo enubuto biloto bebe sana bona'i yabe luto enigi molo'ehibe.

Aposolo 14:27

Etali Atioki hepalugu nehetilete Yesutoga komopa'ani melete neminana bona'i kehe i nupa hilete Hu'mau etali'i kaba hu etoto'ehina hiti to fegutoga bona'magi kapo'ani li hokolo higo enali hiti ana hite aitoga komopa'ani mele'ahanamofihi kaga'a lu epi'aha'ina yabe.

Aposolo 15:11

Ya hu'ehina lali ma luto komopati emilata nohune: Ya'mana bona'i foipana'ani li he'mi epoloto ai'aloto enele'mo molo'ehina'a huto Sipi Bo Yesu lali'i ginaga fi limi'ehina'mu luto Hu'mau aku'i lele'mo'ehibe luto Pitau lu'ehina yabe.

Aposolo 16:14

Ya'mana analuguti mone a'mofihi gi'a Litia yabe luto nohinauba kagati keheli'ehina. Ai Taitaila hepato a'uba safa guketelo bisinisi nomalana a'i yabe. Ai Hu'mamofitogago agoya hu emito nominana'mu luto Sipi Bouba ekesa'a li hokolo higo Polu lina kaga keheliya i'ehina.

Aposolo 16:31

Ya ligo etali lu emi'aha'ina: Kai Yesutoga komopaka emiletogo Hu'mau kele'mo kubuto binogo ai pana'a lolo hilane. To kai lalamehaka hiti ana hilabe.

Romu 10:14

Ya lutomo ni'igo enali Hu'mamofitoga komopa'ani memele'ahana bona'magi hiya hite aitoga kehe ilabe? To enali kaga'a mekeheli'ahana bona'magi hiya hite aitoga keheli amuya malalabe? To bo moneuba ka lamana'a lu meepilenogo hiya hite ana kaga'a kehelilabe?

Romu 10:17

To ya huto ni'igo bona'magi Kilisito kumu hetofa kaga lu yege hago keheli'ohune. To ana kaga keheliloto Hu'mamofitoga agoya hu emilata nohune.

Romu 4:16

To Hu'mau lu molo'ehina ka hapa'a henana ni'ibe? Lali aitoga keheli ule'ale huse'na ya ni'ibe. To hena'mube? Ana kagamo fa'mene limi'ehina suhi huto Abalahahi yagapana'a asaga'magihi hiti ana kaga molo epolo'ehina. Lali Yuta bona'i keya ka mege'i nomalaluta bonatoga hiti to Abalaha suhi luto Hu'mamofihi agoya hu emise bonatoga hiti ya'ma kaga molo leto'ehina yabe. Abalahau ai lali asaga bona'magita afotifu nohinagihe. Hena'mube? Ai Hu'mamofihi keheli ule'ale hu'ehina yamofihi lelepi'ehibe.

Romu 4:5

To bona'i moneuba nani'ni bebe sanamofihi foya'a lolo mehilube'mu nani Yesuhi ai'asigo anasi keheli ule'ale hilube luto lulata bo yamofihi Hu'mau foipana'a li he'mi etoto lamana bo nohibe luto'a nolibe. Ya'ma keheli ule'ale huse'na'a Hu'mau bu goloto ana bomofihi le'mo bati hilina'mu yabe. Hu'mau ai'amo kehelito ana bo kumu ya luto lu molo'ehina yabe.

Romu 9:16

Bona'i moneuba: Nani hetofana hulata nohube lula to Hu'mamofihi bona'a minalube luto lilinamu'i Hu'mau ana bomo le'malifiye? O'e, ya mehilibe. Bona'i foya'ani meni'ibe. Hu'mau enele'malina ai'asigo foya'amo ni'ibe. Ai ekesa keheliloto bona'mofihi ginaga fi emilata nohinamo ya'ma anasi ni'ibe.

Galesia 3:14

To ai henabe luto ya huto fili'ehibe? Hu'mau Abalahahi lusa gi emito ka molo'ehina'a ya'ma fegutoga bonatoga hiti li huto hilibe luto yabe. To lali Yesu Kilisitohi keheli ule'ale huto aitoga agoya hu emiluta bona'i nohune luto Hu'mau ai Sikalafu'i epilube luto lu molo'ehina'mu yam'a keheliloto lilune'mu hune.

Galesia 3:22

Ya hu'ohutaya lali melugu bona'magita asaga'i foipanamofihi amuya nagalugu nohutogo yamofihi hapa'a mono bukuguti li huto hite mele'ahanamo ni'ibe. Ya hulago yana'mu ya'ma Yesu Kilisito kumu luto keheli ule'ale huto agoya hu emutogo lenubuto bilube luto lu molo leto'ehina yamofihi legeya'a liluta ahuto ni'ibe.

Efeso 1:19

To aitoga agoya hu emi'ohutana bona'magita lalitoga ai amuya'a sipina'auba foya lilata nohina kehelilabe luto, Hu'mamofitoga loka nohobe.

Efeso 2:10

Lali Hu'mamofihi yahi fayaha'a nohutogo ai'a Yesu Kilisitotoga molo emutamofihi foya lilabe luto lele'mo huto hu'ehibe. To ana foyamo lite bona'magi enehe'mete minalabe luto koyapa'i lu kehelito molo leto'ehina yabe.

Efeso 2:5

Ya nohuto lali foipanatimomu'i lemehati filito bigo nohutogo Kilisitou fili'ehinagati le'mo ho ti'ahanalo lubuto bito lele'mo'ehina yabe. Ya huto ai ginaga fi lepolo'ehina'amu lenubuto bi'ehinamo ni'ibe, nekehelifiye?

Filipai 1:29

Lenali ai kumu foya'a lilata nehanaya, Yesu Kilisitou lenele'mo'ehina hapa'a henana ni'ibe? Lenali Kilisitohi agoya hi etalabe luto to lenemehi emilabe lutofiye? O'yo. To moneko'i ai kumu yabe lite keke boke nasanamofihi gupisalo minalabe luto yabe.

Kolose 2:12

To nagami folose nehana hapa'a henana ni'ibe? Mana ni'ibe. Lenali nagami'i nefelete Kilisito hiti fililete keligu limilete aku ai hiti ho netibe. Foipa hapatinimu'i fililete ai hetofa hapa'amu aku'i ho tite minalune'mu hite nagami'i fele'ahana yabe. Hapa'a ya huto ni'ibe. Hu'mamofihi amuya'auba Kilisitohi fili'ehinaguti le'mo ho ti'ehina supo huto lenali lenele'mo ho ti'ehibe. To henabe luto lenele'mo ho ti'ehibe? Lenali aitoga agoya hu emi'ahanamo'mu yabe.

2 Tesalonika 1:9

Ya nohuto Sipi Bomofihi gobisa'aloti amuya'amofihi fana mehena'a fitu fo he'milenogo logo hepatoga bite minoba minoba hilana'mu yabe. Hu'mau nona'a foya ana huto epilina'mu ni'ibe.

Hibulu 6:4

To mono ka keheli'ahana bona'i luga'amagi nehinogo Hu'mamofihi fana meha'auba komopa'ani le'mo besa lago to kokulumaguti nose'na nete enele'mo'ehina to Sikalafu'i mone'i li'ahana enali yanamofihi enemegesa hi emite minenogomo hena hinogo aku'i enele'mo gelehe huto tiligi salune?

1 Pita 1:5

Ya huloto Hu'mau amuya'aloti haka fi lepele'ehinogo keheli amuya melete nehinogo kana'a su halina yana yupahi lenubuto bilina'mu yabe. Yamofihi li nupa huto huto lenele'mo bati hilinamofihi geba hite minalabe.