Efeso 2:2 - Ka Lamana'a Monoꞌi Lu Mu Tifiꞌehina Ka Yabe

² Ya'ma kanagu'ya lenali melugu bona'magihi foipa kapogu foipanamofihi komopagu bila ela hite foipa kene'magihi kaba bo'ani Sataha amuyalo minete aitoga i ke'mete minelata hi'ahanamo ni'ibe.

Efeso 2:2 ပူးပေါင်းရင်းမြစ်များ

Matiu 11:19

To yatai Kokulumaguti limi'ehina Bouba oloto nose'na noto nagami'i noto nohigo to lenali ma lite neli etabe: Bu galo. Ai nose'na lau'i iba iba bo yabe nelabe. To bai nagami'i ana huto babu luto noba noba bo yabe lite nelabe. To ai takisi nelina bo to foipa bona'magihi enalalu'anifu yabe lite lilata nehabe. To ya'mananalo bu golototi Hu'mamofihi keheli bati huse'na'a ma'naka ni'ibe luto liluta'mu yabe.

Matiu 13:22

To nose'na legeya'a ufehe yamu'ubago hinagu limo ito notinamoya ma huto ni'ibe. Bo moneuba mono ka kehelilago ma melugu faga efaha fe'nohuba loe lae hu etoto keta besigo ai ana bomofinuguti ma'naka legeya'a huto hulata menohibe.

Matiu 13:38

To foyamoya asaga ma me'i yabe. To bati nose'naya kokuluma kapolo boana'i yabe. To foipa kifi'naya enali Satahi boana'a yabe.

Maki 4:19

Enali kaga kehelilete'ani aku'i nasana'animu'i enegekesa keheli keheli hite minete to efaha'animu'i enofokehi lite minete to fato fato'namu'i laga epesinogo minete'ani kaga nehe'mibe. Ya'ma luna lanauba kagamo noi etago komopa'anigu legeya menohabe.

Luku 16:8

To alihi sipi bouba ana kaba bomofihi bu goloto yege fi'ehina yabe. Hena'mugope ai lataha'anigu bebe sana bona'magihi suhi li'ehina. Ma melugu bona'magi enali ya huse bona'i hiti lili'na moneka lilana, enali Hu'ma ka mege'i nemalana bona'i enahalana'mu yabe. Guminalo hapa'a ya'ma keheli bati nehabe, luto Yesu lu'ehina.

Luku 22:31

Simonio. Simonio. Kai kehelibo. Satau lenali kumu enimi'i malalube luto higo Hu'mau lu laga mehu etobe. Ai lenali'i lenele'malube luto uiti legeya'a hiti noha'a hiti li gelehe huba huba huto kehe noibe ya'ma tegi huto lenebe ligilube'mu nohinagihe, luto Yesu lu'ehina.

Yoni 12:31

Yatai Hu'mau asaga melugu boana'magihi guna malalibe. Ya'ma me'i kaba bo, Satahi le'mo laba hinogo amuya'a limilina'mu yabe.

Yoni 13:2

Utehi Yesu to pana'alobomagi hiti nose'na nete mine'ahana. Ya nehago Satau lu kehelito Yutasi, Simoni Isikeliotihi pana'a, ai Yesuhi fateha'a gutunu ka epilibe luto lu molo eto'ehina.

Yoni 13:27

Emigo Yutasiu lito noto nohigo ana'asi Satau komopa'agu ti'ehina. Ya higo Yesu lu emi'ehina: Ana'ina lolo hilube'mu nohata me'me huto lolo hubo.

Yoni 14:30

Yatai kana'a hupamone ni'igo mone kaga melepilunagi asaga noto noto bona'magihi kaba bo sibi hu'ehinauba oto huto hilibe. Ai nele'mo sibina huto babeyafa hilinamofihi amuya'auba nebe meligilina'mu yabe.

Yoni 15:19

Lenali mono ka mekeheli'ahana bona'magihi folagaha'anigu minalana enali lenalitoga komopa'ani lepitine. Nani ya'ma enali folagaha'anigu lenele'mo eto hugo enali lite melete hi'ahana ya'ma lenali he'mi'ahanamo ni'ibe. Yana'mu lenali'i ya'ma luba ka li lepilata nehabe.

Yoni 16:11

Ka foya lilatanamofihi hapa'amu linogo ma lite kehelilana'mu yabe, ya'ma melugu gihiti bo, Satau foipana'mu ka foya li'ehinamo ni'ibe.

Yoni 7:7

To ma melugu boana'magi lenali'i fatehi mehilana nani'i nipakafa hete fatehi hi netalana'mu yabe. Hena'mugope enali foipa suhi nehanamofihi hapa'ani lu huto nohu epolona'mu lite yabe.

Yoni 8:23

Ya lite lago Yesu ka'anilo nona'a lu'ehina: Lenali maloti huto hi'ahanaya nani ifogati o'ohube. Lenali ma melugu bona'i nehanaya nani ma melugu bo menohube.

Yoni 8:44

Lenali foipa bo Sataha yagapana'mo nehanago ai mege'i malalune'mu nehabe. Yata'a kanagu bona'i enoho fili'ehina yabe. Ai bati suhi mege'i moloto memino'ehina hena'mugope aitoga bati hapa'a meni'igo yabe. Ai faga lusemofihi afo'afu nohinago faga luse'namoya aitoga bai toto ni'ibe. To faga fagauba kaga'a lamana'a lolo hulata nohina bo nohibe.

Aposolo 19:35

Alihi Efeso kusi kusi bouba silaga bona'magi kaga'ani i lege'noloto ma luto lu epi'ehina: Lenali Efeso bona'ise. Atemasihi mono noho hepa ma Efeso ni'igo kokulumaluguti sefu efahi limi'ehina malo ni'ibe lite lilata nehanamoya asaga bona'magi akeheli'ahabe.

Aposolo 5:3

Ya ha'igo Pitau ma luto lu'ehina: Ananiasio, hena'mu Satau kai komopakagu tilago Sikalafu'i mi'i moloto faga luloto efahi luga'a li fala ki'ahane?

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

1 Koliti 5:10

Ya'mu nani Hu'mamofihi mekeheli'ahana bona'magi ana'i guminalo'nafi to yogo fe'nohi babu luto lilube lilatanafi to keya ka li gofa huse'nafi lugefa li filata bofi enali kumu melu'ohuna. Enali ya'ma me'i he'miluta yupahi mege'i malalutalo nehana yana'mu enali hiti lali hiti melugu nohutoti nominone.

1 Koliti 6:11

To lenali luga'a koyapa'i ya suhi hite mine'ahanamo ninaya yatai foipanatini ahe'mi lepoloto Hu'mamofihi bona'i minalabe luto komopatini okala huto le'mo babahi higo nehabe. Sipi Boti Yesu Kilisitohi gi'alo yabe luto to Hu'mamofihi Sikalafu'amofihi gi'amu luto lenele'mo bati higo nehabe.

2 Koliti 4:4

Enali ya'ma ana metogati gihiti bo moneuba gi'a Satau, ai komopa'ani fi hekini lago Kilisitotoga keheli meemise neminabe. To ai komopa'ani fi hekini lago enali ka lamana'amofihi fana meha'auba komopa'anigu limilenogo Kilisito Hu'mamofihi babeyafalo nominana bomofihi fana meha'a bu go fe lite bu menegabe.

Galesia 1:4

Yesu ai afotifu Hu'ma ai kaga'alo ya'ma ho tilina kana'alo foipanauba lele'mo sibina nohinogo gulu ho letalina'mu yabe luto lali foipanati'mu yabe luto ya'ma ai'a gufa'a h'emi'ehina yabe.

Efeso 1:21

Kilisitou Hu'mamofihi lamaga'aga nohuto enikibina bo'anifi gamani bofi kaba bofi to amuya bo'anifi enali asaga'i enebe ligito ai moneko'i sipi bo'ani nominabe. To ma melugu nehana enikibina bofi to alihi huto hilina enikibina bofi ai Kilisitou enebe ligito nohigo ai gi'a mino amuya moloto napa huto mino'ehinamo ni'ibe.

Efeso 2:11

Lenali koyapa'i fegutoga bona'i mine'ahana lenegekesu meheno. To yamofihi kana'agu Yuta bona'magi enali Hu'mamofihi keya'i kumu yabe lite enugufalo laga hi'ahana hiti mine'ahana lenali kumu fayahatini meni'ina bona'i nehabe lite mega enugufalo faya kumu li'ahanamo ni'ibe.

Efeso 2:13

Lenali ana kanagu foto'i mine'ahana bona'i yatai Yesu Kilisitotoga hepite minago Kilisitohi golaha'auba lenele'mo gegisa'agu lenele'mo malago Hu'mamofitoga nehetite nehabe.

Efeso 2:3

Lali asaga'i koyapa'i enali tegi huto minoto komopatimofihi ka laga'a mege'i moloto mega lugufamofihi to kehelise'natimofihi kaga'a keheliya iloto mino'ohuta. Ya huto komopatigu foipa hiti nohutoti enali tegi huto Hu'mau foipana'mu ipakafa osahi limilina suhi huto mino'ohuta ni'ibe.

Efeso 4:17

Yamofihi nani Sipi Bomofihi bulo lenegekesa lito lu nolepube. Hu'mamofihi ka'a mekehelilata boana'i enali enegekesa kehelilata nehana bati mehina fa'menena kehelilata nehabe. Enali tegi lolo hite meminalo.

Efeso 4:22

Tafa lenemehi hite minete lite hago to lenugufa yauba faga hite luto lenimi'i mololata hu'ehinamo ni'igo lenali koyapa komopatinimofihi sibina hi'ahana. Ya hu'ehinagi tafa komopatini he'milo.

Efeso 5:6

To bona'i luga'amagi fi taga hi lepalalabe lite faga faga lite lu nelepinogo ka'ani mekehelilo. Foipa nasana yamofihi hite minelata nehananamu'i enali'i Hu'mamofihi keheli meemi'ahana bona'i enalitoga Hu'mamofihi ita bise'na huto hilina'mu yabe.

Efeso 5:8

Lenali koyapa'i enali suhi hite metepugu mine'ahanamo ni'ibe. Yatai ya'ma Sipi Bomofitoga nehepite fana mehatini hiti lolo hite nehabe. Ya'mu fana mehenamofihi legeya'a lolo hite yanamofihi babeyafalo minalabe.

Efeso 6:12

Lenali ya'ma akeheli'ahabe. Lali fa'mene lugufa hiti bona'magita luba sabo menohune. Metepu kapo kaba nehana to Satahi kaba bo'a hiti enikibina bo sipi'a to sipi bo amuyana'a nehananamagi to foipa kene'i samahi tito kokuluma megesa'aga neminana enali luba li huto hu limilata nehabe.

Kolose 1:21

To lenali koyapa lenegekesa foipa yigisetini'mu to lenipagu sibina hilata hise'natini'mu Hu'mamofihi fateha'a lolo hi'ahana bona'i foto'i mine'ahago lenele'mo bati hulago ete lalu'agita nehana yabe. Yesu ai Hu'mamofihi gobisalo lenele'mo molo'ehina yabe. To hiya hutobe? Lenali kumu yabe luto gufa'a he'mito malipu yafalo fili'ehina. Ya hu'ehinagi Hu'mau mone ka lepekilina'a meni'igo bu'alo ho tite neminabe. Yatai foipa bona'i menehana fotogo bona'i to bebe sose bona'magita neminabe.

2 Timoti 4:10

Temasiu ai ya'ma melugu nasana'mu laga besigo keheligo tigo he'mi netoto Tesalonika metoga bu'ehinagi kai oletogo bati hu netalibe. Keleseniu ai Galesia metoga bu'ehina. To Taitasiu ai Talamesia metoga bu'ehina yabe.

Yemesi 1:27

Megusa yagapana'i to keto ana'i ete keta noepesinogo enele'mo bati hiluta to metoga bona'magihi enipakafa hose'nauba lele'mo sibina hu laligi luto kaba huto minaluta ya'ma Hu'mamofihi amuya'amu kehelito lusi mono kagalugu minaluta nasana hiti Hu'mamofihi bulo mino fe luto lama'naka, minalube'mu nohibe.

Yemesi 1:7

Bona'i ya hana'amagi bego bego hite humofa'na bilata nehanaya ana'ina Sipi Bomofitogati mone melilana'mu yabe.

Yemesi 4:4

Ka mekeheli'ahana bona'ise. Melugu bona'magi kumu kehelilata nehana ya suhi hite laga lepesilina nasana'mu kehelilana ya'ma Hu'mamofihi fateha'a lolo hilabe lite lenali menekehelifiye? Mono'ani meni'ina bona'magi kehelilata nehana nasana'muko lepesilina ya'ma Hu'mamofihi bona'a meminalana'mu yabe.

1 Pita 1:14

Hu'mamofihi keheli emite minalo. Lenali koyapa'i nehite negi nete nehago lenugufa li sibina hise kapolo melete bi'ahana. Yatai ya'ma kanagu ya suhi hite meminalo.

1 Pita 4:3

Afetoga ema kanagu Hu'mamofihi mekeheli'ahana bona'magi enali laga'a kehelite ana'ina lilata nehana suhi hite lenali mine'ahana yabe. Ya'mu mine'ahana yauba kosele'i melepoho'ehina. Lenali mokolo hise nasana hiti ana'mu lenegekesa yigi yigi hite minete ekesa nagami'i nelete negi ne'ahana yabe. Ya nehite nagami'i nose'namofihi lenegelo nebite ya'mu li nupa hite minete silaga'namu lenegelo nebite laga mehina suhi hite lenegelo bi'ahana yabe. Lugefa bu gete lipite ibe ligi abe ligi hite mine'ahanamo ni'ibe, yamofihi he'milune ya nasana li'ahana lite nehago kana'a yatama lite mine'ahanamo ni'ibe. Aku'i molo emite ya suhi mehilo.

2 Pita 2:14

Enubutu gili gili hite moko lise a'mofihi bu gelata nehana foipana ni'ina'mu enipa nehite laga sipi kehelilata hi'ahana ni'ibe. Enali komopa'ani lapa mebi'ahana bona'i enimi'mi ka lite kelefugu halana suhi hite enele'mete bilabe. To enali yogo fe'nohi ya nasana'mu amuya melete lolo hite bite komopa'ani nasana lolo hu'ehina. Enali'ya logo hepalugu naga'i lolo hilana'mu yabe.

1 Yoni 3:10

Hu'mamofihi pa'a pana'a to Satahi pa'a pana'a enali hapa hapa'ani ya suhi huto ya'ma huto nohigo bu galune'mu nohune. Luga'a mino fotogo hite meminalana'mu enali kumu Hu'mamofitogati menehabe luto nokehelune. To enali komopa'ani ya'ma enalalu'anigihi meepinogomo enali kumu Hu'mamofihi bona'a menehabe luto ya'ma ana huto lilune.

1 Yoni 3:8

To luga'amagi foipana lilata minalana enali Sataha bona'a neminabe luto lilune. Satau ai foipa nasana koyapa emagati lelito buto mino'ehina. To liloto nohigo Hu'mamofihi pana'auba ai'a Satahi foya'a ya'ma laga huto li sibi sibi huto he'milube luto oto huto hu'ehinamo ni'ibe.

1 Yoni 4:4

Palala'ni pana'nise, lenali Hu'mamofitogati huto hilete faga mono ka leli'ali bona'magihi amuya melete luba hite, ya suhi hite enebe ligi'ahanamo ni'ibe. Hiya hutobe? Lenali komopatinigu minolata nohina ai amuya'auba metoga nohina bo foipana'a ai'i amuya'a ya'ma be ligi'ehinagihe.

1 Yoni 5:19

Lali Hu'mamofitogati huto hu'ohuta ya'ma noto noto melugu bona'i mone'amagi asaga'naloga enali foipanamofihi afo'afu ai nosipenuga kete nehabe luto keheli'ohune.

1 Yoni 5:4

Hu'mamofitogati huto hu'ohuta ya'ma asaga'naloga lali me'i gupisa'alo ni'ina nasana i matele unogo bati nohune. Ya'ma matele unogo limilata nohina amuya'a ya'ma Hu'mamofihi lemehi emilatanati ya'ma ni'ibe.

Huto Hilina Ka 12:9

To hagulu osifa'i napa'auba ai koyapa'i ema afeha'aga mino'ehina bo mone gi'amofihi Sata to fato gi'a enifisa ito noto noto bona'i enimi'i moloto enogolaga bilata bo le'mo fitu fe he'migo melugu limi'ehina. Ai'a hiti to yagapana'a hiti kokulumaguti fitu fo he'milago limite melugu mine'ahana.

Huto Hilina Ka 13:14

Hu'mau lu laga mehu'ehigo topa hose nasana amuya ya suhi huto lolo hilibe luto keheli emigo kohe toto akafu yagakafa ti'ehina ai'a bulo ya'ma topa hose nasana lolo huto melugu bona'i komopa'ani fibe taga hube huto mino'ehina. Ya nohuto metoga bona'i lu epigo akafu yagakafamofihi afeha'aga ema emitatu laga hago fili'ehina ya suhi lolo huloto ho ti'ehinamofihi fayaha'a legita lolo hilo ligo ya lolo hite anatoga enalapusa fi emilabe.

Huto Hilina Ka 13:8

To melugu bona'i asaga'i enali enalapusa fi emi'ahana keke bake li etalabe. To luga'a enigi'ani ya'ma sipisipi nala'a he fili'ahana ai ya'ma enemeha'a minoba minoba nehana bona'magihi enigi'ani koyo'ehina bukugu koyapa'i me'i huto mehu'ehina kanalo fayahi koyoto molo'ehina enali'anigo ya'ma akafu yagakafa ya'ma ya suhi mehi etalana'mu yabe.

Huto Hilina Ka 16:17

To agelo napa 7 ai lape'aguti ana'ina gumi'i hose nasana ya'ma lito hokolo kapogu meyaga heki he'migo limi'ehina. Nolimigo sipi mono nonugu sekele mamu'a hiti kefa hisa ni'inagati nogo sipi moloto ma luto lulago limi'ehina: Heki he'mito ya'ma kana'a asu ho'ehibe.

Huto Hilina Ka 20:2

Ai ya'ma hagulu osifa'i koyapa'i ema afenuga mino'ehina, Satahi fato gi'a Foipa Fele ai'a ya'ma gilo yato liloto kufu moneko tauseni ya'ma naga nonugu minalibe luto lu eto'ehina.