Efeso 1:23 - Ka Lamana'a Monoꞌi Lu Mu Tifiꞌehina Ka Yabe

²³ To lali Hu'mamofihi bona'magita gumita'a lolo huto nohuto gufa'a lolo hu baga nouta yabe. Ya huto ni'inaya to ai'a silaga'na lolo baga ilata bo nohibe.

Efeso 1:23 ပူးပေါင်းရင်းမြစ်များ

Yoni 1:16

Bona'i enehe'mose'na'a samahi ti'ehinaguti limito lusa gi leto'ehina koyo koyo bito lusa limiba limiba nohibe.

Romu 13:5

Yana'mu lenali gamani bona'magihi kaga kehelite mege'i malalanamoya hena'mube? Hu'mamofihi ita bise'na lenalitoga huto hu laligi gamanimofihi kaga'a mege'i melenogomo komopatinigu fulu huto bati hilibe.

1 Koliti 12:6

To mono'mofihi amuya fato fato'mofihi foya'a lilata nohutaya Hu'mau moneko'uba lehe'mago lilata nohune.

1 Koliti 15:28

Hu'mau ai'a bona'i hiti to ana'ina silaga'i ya'ma pana'amofihi gigusaluga lele'mo nupa hinogo pana'auba ai afo'afihi gigusaluga minoto agoya hu etalibe. Ya hulenogo afo'afu minomo tito lebe ligi su halina'mu yabe.

Efeso 2:16

Ai malipu yafalo nofilito lali'i loe bona'i lipakafa lohoto luba sabo huto mino'ohuta yamofihi i laga hu letoto lele'mo moneko huto Hu'mamofitoga lele'mo molo'ehinamo ni'ibe.

Efeso 3:10

Hena'mube? Yatai Hu'mamofihi yagapana'a lali moneko'na huto nominenogo ya'ma kokulumagu agelo enigihiti bo to amuya'ani hiti bo nehanamagi lali bu legelete Hu'mamofihi keheli bati huse'na fato fato'mofihi yatai keheli bati hilabe luto ni'ibe.

Efeso 3:19

To Kilisito komopa'a limi'ehinamofihi hapa'auba yamofihi bona'magita keheli'ahana ya'ma be ligi fala'nala huto ni'ibe. Ya huto ni'inaya yamofihi sibigopa keheliya inogo Hu'mau asaga'nagu bai toto nominana bouba ana suhi huto lenali komopatinigu bai toto minalibe luto loka nohobe.

Efeso 4:10

To ai limi'ehina bo to aku'i i behe huto kokuluma kokuluma'i be ligito ti'ehina bo moneko'i nohuto yamofihi asaga melugu to kokulumagu mino baga ilube luto ti'ehinamo ni'ibe.

Efeso 4:13

Ya humo humo hutoti mono ka mege'i malaluta'mu keheli moneko'i huto to Hu'mamofihi pana'amofihi hapa'a keheli bati huse'nati moneko'na lolo hinogo hulototi Kilisitohi bona'a hofa toto olopa hilutagihe.

Efeso 4:4

Henabe lutobe? Lali ka'a kehelito nominotamagita Kilisitohi gufa'a tegi huto moneko'na alolo hu'ohutagihe. To ana huto Hu'mamofihi Sikalafu'uba moneko'na nohinagihe. To lali'i Hu'mau alihi hetofa suhi Kilisito tegi huto lele'mo lolo hilibe luto lele'mo'ehinamomu'i moneko huto lofokehi lito bu mego'ohuta fa'mene geba nohutagihe.

Kolose 1:24

To nani lenalitoti nagabu foya ko nofunanamu'i nipa'ni sibina mehuse fokehi nolube. Hena'mube? Lali Kilisitohi gufa'a nohuta bona'magi kumu gabu foya kofilina mone'a ni'ina nani he'moto kofinogo su halibe luto nohuna yabe.

Kolose 2:19

Enali Kilisitotoga hepite meneminabe. Ai latahati nohinogo lali gumita'a nohuta hupa'atu to go'nuna'atu hiti li hepito ai hiti moneko'na nohuto Hu'mau lu molo'ehina suhi luto hofa notone. To enalimoya Kilisito latahatigati i pa sete he'mi'ahana bona'i nehabe.

Kolose 3:11

To Hu'mau ya nohu lepalago fato fato bona'i meminese moneko bona'i nehabe. Mone Yuta bona'i to mone fegutoga bona'i meni'ina. Ana huto enugufa laga hise bona'i to laga mehise bona'i meni'ina. To naga'i emite koko hise bona'i to naga'i melise bona'i meni'ina. Bona'i hapa'ani fato fato'na ni'inaya ya'mana fa'menena ni'ibe. Kilisitou ai lali fato fato bona'i asaga'i lele'mo moneko babeyafa hu'ehina. Ai bona'i yege yege'na lele'mo moneka hu'ehina. To ana huto ai yege yege bonatoga minalibe.

Kolose 3:15

Hu'mau folagahatinigu Kilisitohi fuluna'a minalibe luto lenele'mo moneko'na hu'ehinagi fuluna'auba lenipagu kaba hinogo fulu hite minalo. To Hu'mamofihi fokehi lilo.