Efeso 1:19 - Ka Lamana'a Monoꞌi Lu Mu Tifiꞌehina Ka Yabe

¹⁹ To aitoga agoya hu emi'ohutana bona'magita lalitoga ai amuya'a sipina'auba foya lilata nohina kehelilabe luto, Hu'mamofitoga loka nohobe.

Efeso 1:19 ပူးပေါင်းရင်းမြစ်များ

Filipai 2:13

Hu'mau komopatini le'mo bati nohigo ai lili'na'a amuya melete ai amuya'alo neligo to legeya'a li huto hilata lenele'mo hetofa hulata nohibe.

Efeso 3:20

Ai amuya'amofihi hapa'a lalitoga li huto hulata nohina bo Hu'mau, ai loka holata nohina bo to legekesa keheli'ohutana be ligito huto hulata nohina bo Hu'mau ai'a fana meha'a sipi hu'ehinana asaga kene'magi kehelite koyapa koyapa fokeha'a liba liba hite mineno. Ai'a ka'a keheli'ohuta bona'i Yesu Kilisito hiti moneko'na huto lele'mo lolo hu'ohutamomu'i fokeha'a lino. Ma'naka.

Kolose 2:12

To nagami folose nehana hapa'a henana ni'ibe? Mana ni'ibe. Lenali nagami'i nefelete Kilisito hiti fililete keligu limilete aku ai hiti ho netibe. Foipa hapatinimu'i fililete ai hetofa hapa'amu aku'i ho tite minalune'mu hite nagami'i fele'ahana yabe. Hapa'a ya huto ni'ibe. Hu'mamofihi amuya'auba Kilisitohi fili'ehinaguti le'mo ho ti'ehina supo huto lenali lenele'mo ho ti'ehibe. To henabe luto lenele'mo ho ti'ehibe? Lenali aitoga agoya hu emi'ahanamo'mu yabe.

2 Koliti 4:7

To lali ai fana meha'a komopatigu li'ohuta bona'magita fa'mene bona'i lugufa lapa mebi'ehina bona'i nohune. Ana'ina mone hetofa hatofanamofihi mina'a ti'ehina'a sa megise bati mehina kapogu malalina suhi huto fana meha'a ya'ma komopatigu limi'ehina yabe. Henabe? Ai kagamofihi amuya'a lalitoga meni'igo ai Hu'mamofitoga ni'ina yamofihi hapa'a huto hilube luto yabe.

Kolose 1:29

To nani ana lili'nalo amuya moloto liba liba nohube. Komopa'nigu Kilisitohi amuya'auba nehe'mago ana lili'na nolube.

Efeso 6:10

Lu su hoto lilube. Hu'mamofitoga bite i ke'menogo ai amuyana'a napa huto lenalitoga ni'inogo yanamofihi komopa'agu mine lite tite ule'ale hilo.

Efeso 3:7

To Hu'mamofihi ka lamana'amofihi foya'a lito kele kele'i bo minalane luto lu nimi'ehina yabe. Ya hilane luto Hu'mamofihi hetofa mehi nimise'na'a to ai'a amuya'a hiti nanitoga li huto huto molo'ehinamo ni'ibe.

Efeso 2:10

Lali Hu'mamofihi yahi fayaha'a nohutogo ai'a Yesu Kilisitotoga molo emutamofihi foya lilabe luto lele'mo huto hu'ehibe. To ana foyamo lite bona'magi enehe'mete minalabe luto koyapa'i lu kehelito molo leto'ehina yabe.

Romu 1:16

Hetofa ka lamana'a keheli fe lu'ohunogo nelesa'ni melu'ehibe. Hu'mamofihi kaga'a amuya ka hiti ninauba bona'magi Yesutoga komopa'ani nemalanamagihi asaga'i ya'ma enubuto bilina'mu yabe. Ana kagauba Yuta bonatoga kohe toto buloto yalo fegutoga bonatoga buto enele'mo bati hilina'mu yabe.

Yemesi 1:18

Lali Hu'mamofihi yagapana'amagita yata'a hapi fito lolo hilune luto Hu'mau ekesa keheli'ehinalo ai kaga'alo keheli amuya melenogo lemehati kosaba'i limi'ehibe.

2 Tesalonika 1:11

Ya'mu lali hiti kana'amu kana'amu lenali kumu yabe luto Hu'mamofitoga lulata nohune. Hu'mau elesa molo lepi'ehinamofihi legeya'amo kehelinogo lamana'a hilibe luto loka nohone. To ai'a amuya'aloti fi hetofa hu lepelenogo lamana'amu kehelite neminamofihi legeya'a lolo hilabe luto to aitoga keheli ule'ale hite aitoga agoya hu emilata nehanamofihi foya'a lelite bilabe luto nolune.

1 Tesalonika 1:5

Ka lamana'a ito buto lu lepi'ohuta yabe. Lali labagagutiko ka lepi'ohuta meni'ibe. O'e, Hu'mamofihi amuya'a hiti ni'igo ai Sikalafu'uba ya'ma lamana'a ni'ibe luto lu lepi'ehinamo yabe. Lali lenalitoga mino'ohuta hapati abu ge'ahanamo ni'ibe. Lenali kumu yabe luto lenele'mo bati hilune luto lamana huto mino'ohuta bu ge'ahabe.

2 Koliti 5:17

Ya hu'ehina'mu bona'i moneuba Kilisitotoga hepiloto molo emi'ehilina ai yuhufana lolo nohilibe. Tafa hapa'a su ho etolago kosaba hapa'a ahuto hu'ehilina yabe.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Yoni 3:6

Ana'ina bona enugufaguti huto hulata nohina ya enugufa yabe. To Sikalafu'uba li huto hulata nohina ya Sikalafu'i yabe.

Filipai 3:21

Ai silaga'i li nupa huto kafiluga enele'mo malago ai kafopaluga mololata kaba nohina amuya'aloti ya'ma lapa mebina lugufa li gololo tilenogo ai'a fana mehe gufa'a legitana lolo hilune'mu hibe.

1 Pita 4:11

Luga'a enali mono ka lu huto hilanamagi Hu'mamofihi keheli lamana hilete lu epilabe. To luga'a enali bona'i enele'mo bati hilanamagihi ya'ma Hu'mau amuya epilenogo yanatu'i lolo hi epalalabe. Lenali ya suhi ma suhi lolo nehinogo Hu'mamofihi fayahuba bati huto minalibe lite kehelite ya hilabe. Yesu Kilisito ai kumu yabe luto fayaha'auba hu lamana hilibe. Yamofihi sekele mamu'a hiti fana mehena amuya'a hiti aitoga minalina'mu ya'ma minomo tito buto mino bai toto minalibe. Ma'naka.