Efeso 1:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Alihi kana'a huto hulenogo Kilisitou ana'ina asaga'i kokulumagu nehanamagi to melugu nehanamagi li nupa napa huto lataha'a lolo hilibe luto ai hiti moneko'na hite minalabe luto lu'ehina.

Efeso 1:10 ပူးပေါင်းရင်းမြစ်များ

Matiu 25:32

Ya hu'ehinogo'ni asaga melugu boana'i nani nubulo li gehesa hilana'mu yabe. Ya hinogo yaga kaba bouba sipisipi yaga hiti meme yaga hiti enele'mo guna iloto loegu enele'mo luga luga ilata nohina suhi huto nani ana huto ilube.

Maki 1:15

Hu'mau molo'ehina kana abaga i'ehinagi, Hu'mamofihi kapo'a huto hilina kana'a ma'asi a'alina'mu yabe. Lenali komopatini i gelehe hitetini ka lamana'a kehelite agoya hi emilo.

1 Koliti 10:11

Enalitoga nasana huto hu'ehina yanauba lalitoga sipina lipoti nomalana yamofihi bu galune. Me'i hiti kokuluma hiti kana'atiti hupamone nohinagu nohune. Kaga ya'ma legekesa lite yamofihi beto hite fayahi keye'ahanamo ya'ma ni'ibe.

1 Koliti 11:3

To kaga mone linogo'ni kehelilabe, kehelilo. Bo ya'ma ana'magihi afo'anigita nehabe, to Kilisito ya'ma bomagita afotinifu nohinagi to Hu'ma ya'ma Kilisitohi afo'afu nohibe.

Galesia 4:4

Ya hulago aliha'a ya'ma kana'a molo'ehina ya'ma su nohago Hu'mau pana'a ho lifigo limito melugu o'ehina yabe. Ana pana'mofihi ito'afu melugu a'i yabe. To ana pana'uba huto huloto ai Mosehi keya kamofihi agoya hu etoto mino'ehina.

Efeso 1:22

To Hu'mau asaga'na Kilisitohi maha'alugu li nupa huto molo epoloto ai Hu'mamofihi keheli'ohuta bona'magihi kaba boti minalibe luto latahati le'mo lolo hu'ehina yabe.

Efeso 2:15

To ai Kilisitou Yuta bona'magihi keya kamofihi komopa'agu ya'ma lilo melilo lite fato fato ka li'ahanamo ya'ma pa salube luto ai'a gufa'a nohe'mito fili'ehigo ana ka su ho'ehina ni'ibe. To ya huloto lali loe bona'i fatehi mino'ohuta bona'i kosaba naga'i moneko lele'mo huto huloto aitoga lele'mo hepilago lali fulu huto koguna ito nominota ni'ibe.

Efeso 3:2

Lenali nani kumu keheli'ahabe luto keheli'ohune. Hu'mau mehi nimito lenalitoga mono foya lilane luto lu neto'ehinamo keheli'ahana ni'ibe.

Kolose 1:16

To Hu'mau le'mo ho ti'ehina bo, Yesu ai kokulumalugu nasana to melugu nasana asaga'na to ya'ma lali bu nogotana hiti bu megotana hiti yege yege'i lolo hu'ehina yabe. To ai agelo bo fato fato'i enele'mo huto huloto kapo'anigu enele'mo nomoloto to kibina bona'ani hiti sipi kaba bona'ani hiti to gamani bona'i hiti ya'ma lolo huto enele'mo ho ti'ehina. To ya'ma asaga melugu mine'ahananamo Yesu to Hu'mau hiti lili'na neli'igo asaga'na lolo hu'ehina yabe. To ya'mu asaga'na ai'na'a ni'ina'mu yabe.

Kolose 1:20

Ya higo ai pana'a, Yesu malipu yafalo nofilito golaha'alo asaga sibina hi'ahanana i pa soto Hu'mamofihi le'mo fulu hu'ehigo yatai kokulumalugu nasana asaga'i to melugu nasana asaga'i aitoga minalibe luto golaha'a he'mi'ehina yabe.

Kolose 3:11

To Hu'mau ya nohu lepalago fato fato bona'i meminese moneko bona'i nehabe. Mone Yuta bona'i to mone fegutoga bona'i meni'ina. Ana huto enugufa laga hise bona'i to laga mehise bona'i meni'ina. To naga'i emite koko hise bona'i to naga'i melise bona'i meni'ina. Bona'i hapa'ani fato fato'na ni'inaya ya'mana fa'menena ni'ibe. Kilisitou ai lali fato fato bona'i asaga'i lele'mo moneko babeyafa hu'ehina. Ai bona'i yege yege'na lele'mo moneka hu'ehina. To ana huto ai yege yege bonatoga minalibe.

Hibulu 1:2

To kana'a su halube'mu nohinogo ya'ma kana yatai pana'amofihi baga'a le'mo babahi higo ai ka legeya'a lu huto huto lu limi'ehina. Pana'a ai asaga melugu nasanamofihi afo'afu lolo huto minalibe luto lu eto'ehina bomofihi ai yanuguko mololago yamofihi silaga nasana huto hu'ehina.

Hibulu 11:40

Henabe luto meli'ahana? Hapa'a ma huto ni'ibe. Hu'mau ai lalitoga ana'ina be ligito ni'ina'a molo letalube luto lu kehelito mino'ehina yamofihi enali kohe tete bati hite minalana'a ya'asigo meni'ibe. Alihi ya'ma lali hiti buto mino hepito bebe senogo minaluta nasana ya'ma li huto hilabe luto lu epolo'ehinamo ni'ibe.

Hibulu 9:10

Yanauba enugufa'aga li molo'ehina ka'ago ya'ma ni'ibe. Lu laga huse kagamu'i nose'na fato fato'i to bai nagami'i nenanaya to enugufa'ani mono nagami'i okala hilata nehana yamofihi kaga'a ni'ibe. Ya'ma Hu'mamofihi ka'alo huto higo bona'magi mege'i melete bite nehinogo aliha'a Kilisitou ana'ina le'mo bebe salina kana'a huto hilibe.

1 Pita 1:20

To koyapa'i kokuluma'i me'i huto mehina kanagu Hu'mau le'mo ho tito ho lifigo limito bona'magihi foipana'ani'mu fili'ehina. Yanauba aliha'a kanagu su halube'mu nohinogo lenali kumu yabe luto ligo huto hu'ehina yabe.

Huto Hilina Ka 5:9

Nama kosaba'i mone ma lite li'ahana: Kai bati bo nohatagi kelebe gi'ahana pepamo lito naga'i gulu foto li paka salata babeyafa huto nohane. Kai kahago filito kai golahakatu bona'i asagatoga fato fato bona'i to fato fato enonogo hiti to fato fato enugufa hiti to fato fato metoga bona'i mina fito enele'mo fato fato huto Hu'ma nohinaga enele'mo molo'ahatamo ni'ibe.