Aposolo 9:3 - Ka Lamana'a Monoꞌi Lu Mu Tifiꞌehina Ka Yabe

³ Soliu kapo moloto buloto Tamasiko hepa kasito heneti leba notago kokulumaluguti libi tegina moneuba fi besa lolito oto le'mo bego hu'ehina.

Aposolo 9:3 ပူးပေါင်းရင်းမြစ်များ

Aposolo 22:6

To yana kana'a kapo moloto nobuto Tamasiko hepatoga nehetilube'mu nohugo fuligaha'agu kokulumaluguti mone fanahuba nanitoga besa besa lo'ehina.

Aposolo 9:17

Ya luto lulago Ananiasiu buloto ana nonuga tiloto Solihi gufalo yahi li'ehina. Ya huloto ya'ma luto lu'ehina: Solio nalalu'niga. Sipi Bouba noho lifigo noobe. Maga nooto kapogu bu go'ahata bo Yesu ai'a yabe. Kai kubuka aku'i i gili nohinogo Sikalafu'i kaitoga limilibe luto nani'i noho lifi'ehibe.

Aposolo 9:27

Ya hago Banabasiu oto he'moto aposolo bona'i nehanalo le'moto bu'ehina. Banabasiu Solitoga Sipi Bouba kapogu bulo hu'ehina hiti to Sipi Bouba kaga lu emi'ehinamofihi hapa'a lu hokolo hu epi'ehina. To ana huto Soliu Tamasiko hepatoga asaga kaga Yesu kumu amuya luto lu yege ho epi'ehinamofi hiti Banabasiu lu epi'ehina.

1 Koliti 15:8

Alihi ya'ma nani mone fato kanagu neketo'ehina pana tegi huto nohugo huto hu nebe li'ehina.

1 Koliti 9:1

Nani kumu henabe lite nekehelibe? Mone lulata bomofihi koko pana'a nohibe lite nelafihe? Ya menohube. Nani Hu'mamofihi koko pana'a nohube. Nani kumu ya'ma aposolo bo menohibe lite nelafihe? Nani lusi aposolo bo nohube. Nani ya'ma Sipi Bo Yesu bu mego'ohufihe? Bu go'ohube. Foya'nimofihi legeya'a Sipi Bomofihi nehe'mose'nagu huto hulata nohina yamofihi lenali ya'ma ya suhi menehafihe? Nehabe.

1 Timoti 6:16

Ai'asigo filise'na'a meni'ibe. Ai'a fana mehena'alo minoto lito nohina ya'ma lali fa'mene buto bu nehetise'a meni'ibe. Bo moneko'uba ai gufa'a bu mego'ehinamo ni'inagi to bo moneko'uba be megalube'mu hibe. Keke boke ka lu emilata nohuta amuya to usisi kito minolata nohuta amuya aitoga mineno. Ma'naka.

Huto Hilina Ka 21:23

To ana hepato ikahi yegemofihi fana meha'auba fi besa lalina foya'a meni'ibe. Hu'mamofihi sekele mamu'a hiti fana meha'auba fi besa lalina'mu yabe. To ai sipisipi nala'auba libi'i lolo huloto minalube'mu hibe.

Huto Hilina Ka 22:5

To ana hepato ya'ma metepu mone meilube'mu hibe. To libi'afi to yegemofihi fana meha'a yamofihi foya'a mone huto mehilube'mu hibe. Hena'mube? Sipi Bo, Hu'ma ai'a ya'ma fana meha'a epinogo minalana'mu yabe. To hepa'i afo'afu enali enigihiti bo kaba hise foya lelite mineme bite minalana'mu yabe.