Aposolo 8:4 - Ka Lamana'a Monoꞌi Lu Mu Tifiꞌehina Ka Yabe

⁴ Enali Yesutoga komopa'ani emi'ahanamagi tili tele hite bite minela minela hi'ahana hepatoga ka lamana'a lu yege he'ahana.

Aposolo 8:4 ပူးပေါင်းရင်းမြစ်များ

Matiu 10:23

To mone hepatoti lenehenogomo lenali ana hepa'i he'mite hololu lite fato hepatoga bilo. Nani ma'naka luto lu nolepube. Lenali asaga Isilaeli hepalugu bite lili'na li baga mei'ehinogo nani aku'i aluna'mu yabe, luto Yesu lu epi'ehina yabe.

Luku 1:2

Enali ana bona'magi enubuguti bu ge'ahago anana huto hu'ehina bona'magihi enabaga enemege'i mele'ahana yata'a mana kaga to asaga yupahi yabe. Enali ya'mana bona'i Hu'mamofihi kaga'alo lili'nalo bo'a mine'ahana to ya'mana kaga lalitoga nelimibe.

Aposolo 11:19

Sitifenihi ho fili'ahana kana'aluga komopa'ani emito mine'ahana bona'magi enegene mane ite enahago enali tili tele hite fato fato hepato bi'ahana yabe. Luga'amagi Fonisia hepato foto'i nebago Saipalasi to Atioki hepatoga nebago hilete ka lamana'a Yuta bona'magisigo lu epi'ahana.

Aposolo 15:35

Polugo Banabasiugo ya'ma Atioki hepalugu kana mone'a mine'aha'ina. Etali hiti to bona'i luga'amagi hiti kaga enelepila to Sipi Bomofihi ka lamana'a lu yege hela hite mine'ahabe.

Aposolo 8:1

Ya'mana kana'aloti fato bona'magi hapi fite Yelusale hepalugu Yesutoga komopa'ani molo emite neminana boana'i enegene mane ite neenahago tili tele hite Yutia kegi'a nebago Samalia kegi'a nebago hi'ahana yabe. Ya hana 12'a aposolo bona'i Yelusale analo mine'ahana yabe.

Aposolo 8:12

To Filipiu Hu'mamofihi kapo'amu luto ka lamana'a lu noepito to Yesuhi gi'a ho epina kagamofihi komopa'anigu li melelete bo hiti ana'i hiti nagami'i fele'ahana.

1 Tesalonika 2:2

To Filipai hepatoga lele'mo sibina to huli ka lu limite hilata hi'ahago yalo lenali Tesalonika bona'magita bu'ohuta akeheli'ahabe. Ya hi'ahanaya to bona'i luga'amagihi luba limilune'mu nehago Hu'mau lukesa fi hetofa hu leto'ehigo babahi huto nohuto lenalitoga Hu'mamofihi ka lamana'a lu huto huto lu lepi'ohuta.