Aposolo 8:3 - Ka Lamana'a Monoꞌi Lu Mu Tifiꞌehina Ka Yabe

³ Soliu ai amuya mololoto Yesuhi bona'magihi le'mo sibina hilube'mu nohube luto lu'ehina. Bona'magi noha'aniluga tiloto limiloto nohuto Yesutoga komopa'ani emite minana bona'i kefefe ho lito limi limi fegutoga huloto bo hiti ana'i hiti nagalugu enele'mo molo'ehina yabe.

Aposolo 8:3 ပူးပေါင်းရင်းမြစ်များ

Aposolo 16:19

Kaba bo'amagi be gelete aku aku'i efaha'ani lilata nehanana su hago enitaluga logo bigo Polunogo Silasinogo kefefe hite hepa'i folaganugu gamani bona'i nehanalo etele'moto bite ho ti'ahana.

Aposolo 22:19

Ya luto ligo nani ma luto lu emi'ohube: Kibina Bo'nise, koyapa nani asaga fato fato mono nonugu tito agoya hu kimi'ahanamagihi enele'moto naga'i epito to segi osahi epito mino'ohuna ya'ma enali keheli bati hi'ahana.

Aposolo 7:58

Ya hilete hepaluguti fegutoga le'mo melelete efaha osahi hapi fite gufalo he'mi mele'ahana. Enali yata'a Sitifenihi faga lube molobe hi ete'ahana bona'magi gukete'ani kisite neheya kola bo mone gi'a Soliu yabe luto nohina bomofihi metoga mele'ahana.

Aposolo 8:2

Hapa'ani bati hina bona'i Hu'mamofihi ka'amofihi mege'i nemalana bona'magi Sitifenihi sipi yibi nama nehi etete le'mo keli he'ahana yabe.

Aposolo 9:21

Ya higo asaga bona'i enali Solihi kaga'a kehelite minana otopa helete sumi ka lite ai loka hago ai loka he'ahana. Yesuhi gi'a ya'ma lite Yelusale nehago ya'mana bouba enoho fili'ehinamo ni'ifi fato bo nohibe? Ai ana supo huto bona'i magati naga ito sipi mono noto kaba bo nohinalo enele'moto bilube'mu nohifi hena nohibe?

1 Koliti 15:9

Nani aposologuti limito nohube. Nani Kilisitohi naga'a kalana'i molo epoloto enohoto hu'ohuna bo aposolo yabe luto nigi'ni mololago nelesa'ni ligo nohube.

Galesia 1:13

Nani koyapa'i Yuta bo nohuto lali folagahatigu minoto ana'ina lolo huto moloto hu'ohuna'a alu lepugo keheli'ahabe. Nani ya'ma komopa'ni ule'ale huto Yesuhi ka'a keheli'ahana bona'i kalana'i molo epoloto enahalube luto enoho lifi he'mito enele'mo sibina sabana hu'ohunamo ni'ibe.

Filipai 3:6

Nani Yuta bona'magihi mono kumu amuya moloto Kilisitohi bona'magihi luba li epi'ohunamo ni'ibe. Moseu keya ka lu'ehina'a kehelito mege'i mologo bona'i luga'amagi nani kumu foipanaka mone meni'igo lamana bo nohane lite keheli'ahana.

1 Timoti 1:13

Kohe toto yamofihi le'mo sibi saba huto kalana'i molo etoto kaga'a le'mo mumusopa i'ohunamo ni'inaya nani ya'ma mono ka'a mekeheli'ohutaya to katiya'i mino'ohuna, ya huna'mu Hu'mau osahi nimilube'mu nohuto ginaga fi nimi'ehina.

Yemesi 2:6

Lenali salafa'amagi bu enogo he'milata nehanagi. To hiya huse bona'magi lenele'mo sibina hite ka foyagu lenele'me melelata nehabe? Enali fe'noha'ani hiti bona'magi yabe.