Aposolo 8:2 - Ka Lamana'a Monoꞌi Lu Mu Tifiꞌehina Ka Yabe

² Hapa'ani bati hina bona'i Hu'mamofihi ka'amofihi mege'i nemalana bona'magi Sitifenihi sipi yibi nama nehi etete le'mo keli he'ahana yabe.

Aposolo 8:2 ပူးပေါင်းရင်းမြစ်များ

Maki 6:29

To Yonihi pana'alobomagi ya'ma kehelilete bite gufa'a lite yafa bite keli he'ahana yabe. Helotiu ai koyapa ya huto Yonihi ho fili'ehina yabe. Ya hu'ehinaya ai alihi Yesu kumu kaga keheliloto'a: Ya'ma Yoniu fili'ehinaguti aho notibe luto keheli'ehina yabe.

Luku 2:25

To yalo bo mone Yelusale hepato mino'ehina gi'a Simioni yabe. To aiya bati huse bo to Hu'mamofihi agoya hu emise bo yabe. Ai Isilaeli bona'magi enubuto bilina bo'mu geba huto mino'ehina. To Sikalafu'i hiti Simionitoga mino'ehina yabe.

Aposolo 10:2

Ai mono ka mege'i nomalana bo yabe. Ai hiti lalameha'a hiti asaga'i Hu'mamofitoga enemehi emite mine'ahana. Yuta bona'i luga'a enumuhi meni'ina bona'i Koniliasiu enehe'molata nohuto Hu'mamofitoga amuya moloto nunumu hulata hu'ehina.

Aposolo 2:5

Yuta bona'i luga'a Yelusale ete mine'ahana, enali mono bona'i hiti to bona'i luga'a fato fato hepatoti ete li nupa hite mine'ahana.

Aposolo 8:1

Ya'mana kana'aloti fato bona'magi hapi fite Yelusale hepalugu Yesutoga komopa'ani molo emite neminana boana'i enegene mane ite neenahago tili tele hite Yutia kegi'a nebago Samalia kegi'a nebago hi'ahana yabe. Ya hana 12'a aposolo bona'i Yelusale analo mine'ahana yabe.

Aposolo 8:3

Soliu ai amuya mololoto Yesuhi bona'magihi le'mo sibina hilube'mu nohube luto lu'ehina. Bona'magi noha'aniluga tiloto limiloto nohuto Yesutoga komopa'ani emite minana bona'i kefefe ho lito limi limi fegutoga huloto bo hiti ana'i hiti nagalugu enele'mo molo'ehina yabe.