Aposolo 7:8 - Ka Lamana'a Monoꞌi Lu Mu Tifiꞌehina Ka Yabe

⁸ Ya luto luloto Hu'mau enugufa laga huse'mofihi mone'na kaga Abalahatoga molo'ehina. To alihi minoto Abalahau pana'a Isakahi ketoloto ai nayahi mone kegi'a su hoto mone kegi'ati loegi monegi leheko malana kana'a minoloto gufa'a laga hu eto'ehina. Isakau ai Yakopuhi afo'afu, to Yakopu 12 tatatigi afo'anifu minoto ana huto enugufa'anilo laga hu epolo'ehina.

Aposolo 7:8 ပူးပေါင်းရင်းမြစ်များ

Matiu 1:2

Abalaha ai Isakahi afo'afu yabe. To Isaka ai Yakopuhi afo'afu yabe. To Yakopu ai Yutahi to gona'amagihi afo'anifu yabe.

Yoni 7:22

Panatini enugufa laga huse suhi koyapa'i Moseu lenelepi'ehinamoya ma'naka luto ya'ma suhi Mosetogati meo'ehina yata'a tatatinigi hapi fi'ahana yabe. Ya hu'ehina fuli kana'agu panatinimagihi enugufa'ani laga hilata nehabe.

Aposolo 2:29

Nigibo nagabose, nani ma'naka luto Tebitiu tatatimofihi kaga'a lu hokolo huto lu lepilube. Ai afiligo akeli he'ahana ai kene keli'a yatai kana'alo lali hiti ma folagahatigu ni'ibe.

Romu 4:10

To ya'ma kaga hiya kanagu lu'ehibe? Gufalo laga hu'ehina kanagu lu'ehifi to yata'a gufalo laga mehu'ehina kanagu lu'ehibe? Yata'a Abalaha gufalo laga mehuse kanagu Hu'mau lamana bo nohibe luto lu'ehina yabe.

Galesia 3:15

Nalalu'nigita, nani babeyafa'a moneto lu moloto lilugi kehelilo. Bona'i loemale'i etali ana'ina mone kumu lite lu mu tifite fayahi kayala'ina etali moneuba lito ligofa hoto gupisalo ka mone molo emito loka hoto fayahi kayalina'a meni'ibe.

Galesia 3:17

Nani ya lu lepi'ohuna ka hapa'a ya'ma nolube. Hu'mau koyapa'i mono fe'nohi kumu lu mu tifito lenele'mo hetofa hilube luto lu molo leto'ehinamo ni'ibe. Ya hulago aliha'a kufu kana 430 nobigo Moseu keya ka lu'ehina ka'a huto hu'ehina. To keya ka lu'ehina ka'a aliha'auba Hu'mau lu leto'ehina ka'amofihi be meligilina'mu yabe. Ya'ma yata'a lu molo'ehina ka fenene mehilube'mu hibe.

Hibulu 7:4

Sipi gihiti bo nohinagi kehelilo. Melekisitekiu ya'ma gihiti bo lolo huto nohigo bahalotifu legeya'a Abalahau ai minomo tito mino'ehina, aiya lubaguti bauna nasana lamana'aloga leka soto guna mololoto yogo fe'nohi nayahi su hola hola huto ni'inaguti Melekisitekihi moneko moneko li emi'ehina yabe.