Aposolo 7:3 - Ka Lamana'a Monoꞌi Lu Mu Tifiꞌehina Ka Yabe

³ Ya huloto ma luto lu emi'ehina: Kai meka hiti to kogokagi afokagi he'mi epololoto nani me'i mone kelepilube'mu nohunalo bubo.

Aposolo 7:3 ပူးပေါင်းရင်းမြစ်များ

Matiu 10:37

Bo moneuba ito'afinogo afo'afinogo etele'mo bati nohuto nani'i nele'mo bati mehilina bo ai nani'i nalalu'nifu legi huto meminalina'mu yabe. To bo moneuba liha'a yagapana'a enele'mo bati huloto nani'i nele'mo bati mehilina bo ai nani'i nalalu'nifu legi huto meminalina'mu yabe.

Luku 14:33

Yesu ana kaga'a lu baga i'ehina: Ana suhi huto mone bomaka asaga yogo fe'nohaka kemegesa hu emiloto ya suhi meminalata nani koko pana'ni lolo mehilata'mu yabe lu'ehina yabe.

Aposolo 7:4

Ya luto lu emigo Abalahau Kalitia me'i he'miloto Halani buto mino'ehina. Alihi Abalahahi afo'afu fililago yatai ma nehana hepato Hu'mau le'mo molo'ehina yabe.

2 Koliti 6:17

Yamu'i Sipi Bo ai ma luto lu'ehinamo ni'ibe: Nanitoga mekehelise neminana'a he'mi epelete foto'i minalo. To nani lu laga hu'ehinamofihi bati mehina nasanalo ya'ma li mekehelilo. Ya hilenogo nani'ni kaba hu lepoloto lenele'mo hetofa hilube'mu hube.

Hibulu 11:8

Abalahau keheli ule'ale huse bo mino'ehina Hu'mau kehe ito ai me'i mone enali felisa fe'nohi minalibe luto kele'mo bati hilugi kai mekagati he'miloto mone kegi'a buto minalane luto kaga lu moloto lu emigo keheli emito me'i magafi hiya'agafi lu'ehina ya'ma mekehelise fa'mene agoya hu emito bu'ehina yabe.