Aposolo 6:3 - Ka Lamana'a Monoꞌi Lu Mu Tifiꞌehina Ka Yabe

³ Nigibo nagabose. Lenali nayahi mone kegi'a su hago mone kegi'ati loemo heleko melenogo lenali folagahatiniguti enele'mo ho tilo. Enalitoga Sikalafu'uba bai tago kaga keheli bati hi'ahago boana'magi enali kumuko nelilana bo yabe. Ya hilete ya'mana bo enele'mo melenogo ya'mana lili'na kaba hite lilabe.

Aposolo 6:3 ပူးပေါင်းရင်းမြစ်များ

Matiu 23:8

Ya hu'ehina lenali kumu'i Tisao lite lenigi meheno. Moneko bo nohina aisigo tisa botini nohibe, ya hu'ehinagi lenali koguna ite minalo.

Yoni 21:23

Ana kaga'mu Yesu pana'alobomagi kehelite ya'ma bita hu'ehina pana'amu'i mefililibe lite li'ahana. Yesu ya'ma kaga mefililibe, luto melu'ehinagi ai lu'ehina: Ai minoba minoba huto nani aluna yupapo minenogo ya'ma kai'naka ni'ifiye? ya'ma Yesu lu molo'ehinana ni'ibe.

Aposolo 1:15

Nunumu hite minana kana'a nesi'a babu luto enebe ligilago mone yupahi 120 bona'i li nupa hite minago Pitau ho tiloto ma luto lu epi'ehina:

Aposolo 1:21

Ya'mu luto yatai bo mone lali hiluta suhi luto Yesu filito ho ti'ehinamofihi bu goto ya'ma kaga'a lu yege halune, ai ya'mana bo Yesu hiti moneka humofa'na huta kana'a luga lemege'i molomofa'na hu'ehilina boguti le'mo ho tiluta'mu yabe.

Aposolo 10:22

Ya ligo enali lu emi'ahana: Koniliasiu sipi gimi bouba loho lifigo o'ohune. Ai Hu'mamofitoga komopa'a emito nominago Yuta bona'magi koyone hine emina bo yabe. Kai kaga lu emitogo kehelilibe luto Hu'mamofihi agelo'a moneuba Koniliasihi nonuga bilane luto kehe igo noone.

Aposolo 15:23

Enali fayahi mone ma lite gete etali etayanugu mele'ahana: Lali aposolo bona'i hiti to olopa bona'i hiti lenalalutinigita fegutoga bona'i Atioki hepato hiti Silia hepato hiti to Silisia hepato hiti neminanamagita lenalitoga bati hite nehafihe luto fayahi nogo lepolone.

Aposolo 16:2

Asaga Hu'mamofihi naga'amagi Lisitala hepalugu hiti to Ikoniu hepalugu hiti Timoti kumu hetofa pana'i yabe lite fokehi lilata nehana pana'i yabe li'ahana.

Aposolo 2:4

To Sikalafu'uba asaga aposolo pana enalitoga bai tago enali fato fato kaga li'ahana, ai Sikalafu'uba li enabagalo malana kaga li'ahana yabe.

Aposolo 22:12

To bo mone mono'i mege'i malalata bomo, ai'a gi'a Ananiasi yabe ai kumu asaga Yuta bona'magi fokehi nelina bo ai anaga mino'ehina.

Aposolo 28:14

Ya'mana hepato Hu'mamofitoga komopa'ani emite neminana bona'i bu enogonogo ana bona'magi lali hiti salele mone minete bilabe lite lele'mo mele'ahana. To ya huloto Lomu hepato o'ohuta yabe.

Aposolo 6:2

Ya lago 12 aposolo bomagi luga'a boana'i enemege'i malana kehe i nupa hilete ma lite lu epi'ahana: Lali Hu'mamofihi kaga'a lu epise'na he'miloto boana'magi nose'na guna ito epimofa'na hiluta bati mehilina'mu yabe.

Aposolo 6:5

Asaga boana'magi aposolo bona'magi lu huto hana kalo enegelo bi'ahana. Ya hilete Sitifenitoga Sikalafu'uba bai tana bo le'mo ho ti'ahana. To Filipiu yagi Polokolu yagi Nikeno yagi Timoni yagi Pamenasiu yagi to Nikolasiu ai Atioki hepatogati fegutoga bo Yuta bona'magi mono kagamofitoga komopa'a molo'ehina bo hiti enele'mo ho ti'ahana yabe.

Aposolo 6:6

Enali ya'mana bo li nupa hite ete aposolo bona'magi naga'magi enubulo ho tigo enali ana bomagihi enugufalo enayahi li saga hite melelete nunumu hi epelete lusana epi'ahana lusa gi epele'ahana.

Aposolo 9:30

Ya hago enali Yesuhi mege'i nemalana bona'magi kehelilete Solihi le'mete Sisalia hepato limilete Tasasi ho lifi he'migo bu'ehina.

1 Koliti 12:8

Mone'mofihi ya'ma Sikalafu'uba le'mo babahi higo mono ka keheliya ito lulata nohibe. Moneuba ana huto Sikalafu'ubago le'mo babahi higo fato fato hapa'a lu bati huto lulata nohibe.

1 Koliti 16:3

Lenalitoga binogo'ni bona'i mone'a enele'mo eto hilana bomagihi fayaha nasana epiloto enoho lifinogo'ni, li nupa hi'ehilana efahi ya'ma Yelusale hepatoga lelite bilabe.

Efeso 5:18

Bai nagami'i nete negi nagi menalo. Ya'ma komopatini le'mo sibina hilinagi he'milo. To Hu'mamofihi Sikalafu'uba ai komopatinigu mino bai tenogo minalo.

1 Timoti 5:10

Ai ya suhi huto lito moloto hu'ehina nasana bona'magi enali keheli'ahanamo ni'ifihe? Yagapana'a ketoto bati huto kaba hu epoloto komopa'a epi'ehinamo ni'ifihe? To aitoga bonoho bona'i e'ahago kaba hu bati hu epolo'ehinafihe? To ai'a limito minoto Hu'mamofihi yagapana'a luga'a enele'mo bati hu'ehinamo ni'ifihe? Ai bona'i ketanauba sibina hu epolo'ehina'amagihi enele'mo bati hu'ehinamo ni'ifihe? To bona'i mehi epito ya suhi ma suhi hu epolo'ehinamo hapa'a loka mika hu etetogo ana suko huto ni'inogomo gi'a fayahi pepagu kayalane.

Yemesi 1:17

Asaga nasana bati huto lele'mo lamana hulata nasana lamana'a yamofihi Hu'mamofitogati ni'ibe. Afotifu Hu'mau ai kokulumagu fi fana tolata nasana asaga'i sonofi'i hiti ikahi hiti yege hiti enele'mo huto hu'ehina bouba hetofa nasana limilata nohina yabe. Ana huto ana'ina li gelehe galaha hilata nehanaya Hu'mau anamofihi suhi menohibe.

3 Yoni 1:12

To Temetelihi hapa'a ya'ma bona'i silaga'i bati huto yabe lite lago kehelune. To mono kapogu mololago ai hapa'a huto hu'ehina'a hetofana ni'ibe. Nani ana huto hapa'a bati hulata nohina abu go'ohube. To ka'a ya'ma lamana'a lulata nohina'a akeheli'ahane.