Aposolo 5:3 - Ka Lamana'a Monoꞌi Lu Mu Tifiꞌehina Ka Yabe

³ Ya ha'igo Pitau ma luto lu'ehina: Ananiasio, hena'mu Satau kai komopakagu tilago Sikalafu'i mi'i moloto faga luloto efahi luga'a li fala ki'ahane?

Aposolo 5:3 ပူးပေါင်းရင်းမြစ်များ

Matiu 13:19

Asaga bona'i enali hetofa kaga kehelilete enali enekesa yigi bati menehana Satau hololu luto enalitoga nehetiloto enalilugu Hu'ma hetofa kaga nohekalana komopa'aniguti li he'milata nohibe. Ya'mamofihiya ai nose'na legeya'a kapogu limo koko nohinamofihi hapa'a yabe.

Luku 22:3

To Yutasi Isikelioti yabe lite gi helata hana bomofitoga Satau nehetito komopa'agu ti'ehina. Ai aposolo bo 12 ya'ma nagaluguti yabe.

Yoni 13:2

Utehi Yesu to pana'alobomagi hiti nose'na nete mine'ahana. Ya nehago Satau lu kehelito Yutasi, Simoni Isikeliotihi pana'a, ai Yesuhi fateha'a gutunu ka epilibe luto lu molo eto'ehina.

Yoni 13:27

Emigo Yutasiu lito noto nohigo ana'asi Satau komopa'agu ti'ehina. Ya higo Yesu lu emi'ehina: Ana'ina lolo hilube'mu nohata me'me huto lolo hubo.

Aposolo 5:2

Ya huloto liha'a hiti lu kehelilete efahi luga'a etali'atiti fala nekite luga'a lite bite aposolo naga'i epi'aha'ina.

Aposolo 5:4

Koyapa'i ana me'i mina mefi'ahago, ya'mana kana'alo ya'mana me'i kai me'i mino'ehina yabe, to ana me'i bona'i noepito efahi litogomo ana efahi kai'naka lolo nohibe. Komopakagu henabe luto kehelito ya'ma suhi li huto hane? Kai lali'i limi'i memolo'ahata Hu'mamofihi mi'i moloto faga lu emi'ahata yabe.

Aposolo 5:9

Ya ligo Pitau lu emi'ehina: Kai hiti bahaka hiti letali henabe lite lu kehelilete Sipi Bomofihi Sikalafu'a mi'i mele'aha'ibe? Bahaka akeli he ete'ahana bona'i yatai ma'asi kasito foiya nehanago enali kai'i ana hite kofite bilana'mu yabe.

Yemesi 4:7

Yana'mu lenali Hu'mamofitoga i hepilete agoya hu emilo. To Satahi le'mo he'mite ule'ale minenogo ai koli huto bufa hilina'mu yabe.

1 Pita 5:8

Lenali lenegekesa keheliya ite kaba hi etete minalo. Fatehatini ya'ma Satau, ai lopi kala ya suhi huto mino'ehina kala bo mone heni etalufi ai heni etalufi luto sa sa huto bula ola huto mone le'mo sibina hilina'mu yabe