Aposolo 4:1 - Ka Lamana'a Monoꞌi Lu Mu Tifiꞌehina Ka Yabe

¹ Pitaugo Yoniugo etali sipi mono nonugu boana'i kaga lu epite neha'igo sipi mono noto kaba bo hiti to kimi bomagihi kaba bo'ani hiti to Satusi bona'i enali analo e'ahana.

Aposolo 4:1 ပူးပေါင်းရင်းမြစ်များ

Matiu 16:12

Ya ligo enali beletimofi yisitimu'i kaba hu bati hilo melibe. Ai Felosi bomagi hiti to Satusi bomagihi kaga'anilo kaba hu bati hilo luto nolinagi lite enekesa yigi fe li'ahana yabe.

Matiu 22:16

To enali pana'alobo'ani hiti to Helotihi pana'alobo hiti enoho lifigo Yesutoga bite ma lite li'ahana: Tisao, kai ma'nakago lu epilata nohanogo lali akeheli'ohune. To kai ma'nakago luto Hu'mamofihi hapa'amu babu boana'i kaga lu enelepilata nohane. To kai moneko bomofi kumuko luto kekesa yigiba yigiba mehulata nohane. Kai asaga bona'i moneko kagago lu epilata nohata bo nohane.

Matiu 27:20

Enali sipi mono bo hiti to Yuta olopa bomagi hiti asaga boana'i sipi ka lite enekesa bilete li'ahana: Kai Balabasihi nohe'mi etoto Yesuhi limitogo ho fililune lite lilo li'ahana.

Matiu 27:41

Ana hite, to sipi mono bomagi hiti to keya kaga enelepilata nehana bomagi hiti olopa bomagi hiti moneko ka lite Yesuhi bai'i emite ma lite li'ahana:

Matiu 3:7

Yoniu Felosi bona'i to Satusi bona'i babu lite nagami'i folo letalane lite ago bu enogoloto ma luto lu epi'ehina: Lenali foipa osifa'mofihi yagapana'a, kuyu'afu lu lepigo Hu'mamofihi italuga logo bise'na alihi huto hilube'mu nohina koli falalune'mu nehabe luto ka epeki'ehina yabe.

Luku 20:1

Mone yupahi Yesu boana'i sipi mono nonugu enele'mo nupa huloto kaga lu epito to ka lamana'a lu epito nohigo enali sipi mono noto kaba hi'ahana bo yagi enali keya kaga keheli bati hulata bo yagi to asaga boana'magi kaba bo'ani yagi enali asaga'i Yesutoga ete ma lite loka he'ahana:

Luku 22:4

Ya higo Yutasiu sipi mono bo to mono noto kaba gimi negina bona'i enalitoga Yesuhi enayanuga bilinamofihi gutunu ka lu epilube'mu bu'ehina yabe.

Yoni 15:20

Nani kaga mone ma luto lu lepi'ohunamo yamofihi lenegekesu mehese kehelilo. Kele kele pana'uba kaba bo'auba lolo huto moloto nohina nasana be meligilina'mu yabe. Enali nani'i kalana'i mele netelata nehanaya lenali hiti ana hite kalana'i mele lepalalune'mu habe. Nani kaga'ni kehelite li gu mei'ahanamo ni'inagi lenali kagatini ana suhi hite kehelite li gu meilune'mu habe.

Yoni 18:3

Ya huto kehelito ai sipi mono noto kaba bona'magi to Felosi bona'magi enali gimi bona'i luga'a to mono noto lili'na bona'i luga'a hiti enoho lifigo Yutasiu enele'moto bu'ehina. Enali emita'i lite to kunufa libi'mo hiti lamu hiti ligi besa lelite kapogu melete foyalo bilana'mu yabe.

Aposolo 4:6

Enali sipi mono bona'i enikibina Anasiu, to Kaiyafasiu hiti, to Yoniu to Alekasatau yagi asaga'i sipi kaba enikibina bo naga'i li monekolugu ete li nupa he su he'ahana.

Aposolo 5:17

To ya higo mono sipi kaba bo hiti to asaga bona'a hiti moneka mine'ahana to enali Satusi naga'magi hiti enali asaga'i enipakafa sipi he'ahana. Enali enegekesa kehelilete naga epilune lite lu keheli'ahana.

Aposolo 5:24

Ya lite lago enali sipi mono noto kaba bo hiti to enali sipi mono noto gimi bona'magi hiti aposolo bona'i hena hi'ahafi lite enegekesa yigi babu li'ahana.

Aposolo 5:26

Ya lite lago enali mono noto gimi bo yagi to luga'a gimi bo'a hiti enele'mo mege toloto buto aposolo bona'i sipi mono nonugati enele'mete e'ahana. Enali gimi bomagi aposolo bona'i osahi meepise enele'mete e'ahana yabe. Hena'mugope aposolo bomagi kaga'anilo kehelite nehana bona'magi enitaluga logo binogo efa kosatu'i legene ite loho fililafi lite enelesa'ani ligo yabe.

Aposolo 6:12

Enali ya lite lana kagauba asaga boana'i to keya ka enelepilata bo hiti to olopa napa bo enali enipaluga lu boyogo fi'ahana. Ya hago enali Sitifenitoga bite yato lite le'mete bite mono kanisole bona'magitoga le'mete bi'ahana.

Aposolo 6:7

To Hu'mamofihi kaga fato fato hepato leli'ali hago bu baga i'ehina. Ya higo babu boana'i luga'a hiti Yelusale hepatogati komopa'ani i gelehe hite Hu'ma kaga'a liyafa hi'ahana. To enali sipi mono noto kaba bona'i luga'a babu lite ana hite komopa'ani i gelehe hite ka lamana'a mege'i mele'ahana yabe.