Aposolo 3:2 - Ka Lamana'a Monoꞌi Lu Mu Tifiꞌehina Ka Yabe

² To Hetofa Kasito yabe luto gi'a nina kasito bo mone gigusa'a sibina lo'ehina ito'afu keto'ehina mino'ehina. Asaga yupahi ya'mana kasito le'mete ete he'mi etago nohuto boana'i mono nonugu elata hanamagihi efa kumu kehe ito nominana bo yabe.

Aposolo 3:2 ပူးပေါင်းရင်းမြစ်များ

Luku 16:20

To, kasiha'alo bo mone gi'a Lasalasi, analo kolata hu'ehina yabe. Ai kene'i nohuto to gufa'alo hepuhi babu luto loba loba huto mino'ehibe. To kene'i nohuto to kau'na nohoto ana sipi bomofihi nose'na letuha'a bati huto natita'mu yabe. To anaga nokago kalamagi ete hepuha'a kehe nenete mine'ahana yabe.

Luku 18:35

Yesu Yeliko hepa lebato noago musufalo bo mone bu'a pisi lu'ehina bouba kapo beleha'aga nohuto kapolo bila ela hana bona'magi efahifi nose'nafi mone'a nimilo, luto kehe ilata nohigo bu go'ehina.

Yoni 9:8

Ya hu'ehigo lalu'agi koyapa'i ya'ma bouba nose'namu buka buka tilatamo bu ge'ahanamagi loka he'ahana: Muya bouba meto minoto buka tu'ehina bo ai nohifihe?

Aposolo 10:31

Ya huloto ma luto lu'ehina: Koniliasio. Asaga bona'i enumuhi meni'inamagi enehe'moto enele'mo bati hulata nohatamolo Hu'mau nunumu ka akeheli'ehibe.

Aposolo 10:4

Ya ligo Koniliasiu bu goloto koli huto loka ho'ehina: Sipi Bo, hena hibe? Ya ligo agelouba Koniliasihi lu emi'ehina: Asaga hetofa foya suhi nohatana'mu luto Hu'ma ekesu mehago nunumuka keheligo bati hu'ehibe.

Aposolo 14:8

Lisitala hepalugu bo mone gigusa luga luga sibina loto fili'ehina ito'afu keto'ehigo kapo memolose minolata hu'ehina.

Aposolo 3:10

Enali ana bona'magi ya'ma bo ai sipi mono nopofihi Hetofa Kasiha'alo nohuto ana'ina'mu kehe ilata bo ma nohibe lite akeheli'ahana. Ya hilete hena suhi huto hifi lite topa he baga ilete enekesauba loe lae hu'ehina yabe.

Aposolo 4:22

To Pitaugo Yoniugo topa ho'ehinamo sipi lili'na li huto hite le'mo bati hi'aha'ina bo ai koyapa bo kufu'a 40 li he'mi'ehina bo yabe.