Aposolo 3:1 - Ka Lamana'a Monoꞌi Lu Mu Tifiꞌehina Ka Yabe

¹ Mone yupahi Pitaugo Yoniugo utehi yege limito sili sili noligo nunumu hilata kanalo sipi mono nohi ni'inaloga ti'aha'ina.

Aposolo 3:1 ပူးပေါင်းရင်းမြစ်များ

Matiu 17:1

To loebe loebe loebe yege bulago minelete Yesu Pita hiti Yemesi hiti to ai gona'a Yoni hiti enele'mo mege'i toloto yatama kosagu enele'moto tilago ana kosalo enali'anisigo mine'ahana yabe.

Matiu 26:37

Ya luloto Pitahi yagi to Sepetihi pana'a loe hiti enele'mo mege toto moneka bi'ahana. Ya hite nebago Yesuhi gufa'agu sipi keta besigo ligo pisigigo huloto ginaga gofa fi'ehina.

Matiu 27:45

To fuligaha kanalo asaga hepa'i fi metepu i baga ito buto aku'i yege limi folose kanalo i besa lo'ehina yabe.

Luku 1:10

babu boana'i fegutoga li nupa hite nunumu hite lokiya go emilatana kanagu mine'ahana.

Luku 18:10

Bo loemo nunumu hilu'ibe'mu mono nonugu ti'aha'ina yabe. Mone Felosi bo yagi to mone bo takisi lilata nohina bo yabe.

Luku 22:8

Yesu Pitanogo Yoninogo etele'mo kohe toloto bite letali Pasa nose'na li loloba nehi'inogo buto nalune luto etoho lifi'ehina yabe.

Luku 24:53

Ya hilete enali asaga yupahi sipi mono nonugu nehite Hu'mamofihi gi'a liyafa hiba hiba hite mine'ahana yabe.

Yoni 21:7

To Yesu bita hu'ehina pana'auba Pitahi lu emi'ehina: Miya kene'i Sipi Boti nohibe, luto ligo Simoni Pitau, Sipi Boti nohibe nolina'mu kehelito koyapa'i gu kata ahe'mi'ehinagi naku'a mone sa gito biloto nagamilugu leke ho moloto Yesutoga bu'ehina.

Aposolo 10:3

Utehi yege liyofo nohigo bamu'i bu go'ehina. Ai ana bamulugu Hu'mamofihi agelouba nonugu tito ma luto lu'ehina: Koniliasio.

Aposolo 10:30

Ya ligo Koniliasiu ka'alo nona'a lu'ehina: Ya'ma kanalo utehi noligo ologo noha'nigu minoto nunumu hu'ohuna yabe. Ya nohugo gulu gulu gukete hekolose bo mone nubuloga oto ho ti'ehina.

Aposolo 2:46

Asaga yupahi utehi etehi moneko naga'i lolo hite sipi mono nonuga li nupa hite bilata hi'ahana, to noha'anigu nose'na monekolugu nupa hite nelata hi'ahana, to fuluna kiya yokolo'nagu minete nose'na nelata hi'ahana yabe.

Aposolo 3:3

Ya'mana bouba Pitaugo Yoniugo sipi mono nonugu tilu'ibe'mu neha'igo bu etogoloto ana'ina nimiliyo luto kehe i'ehina.

Aposolo 3:4

Ya ligo Pitaugo Yoniugo ana bo bu go fiya ilete ma luto Pitau lu emi'ehina: Le'ali'i bu le'egobo.

Aposolo 4:13

Pitaugo Yoniugo etali koli mehise amuya melete kaga lu yege ha'ina enali bu ge'ahana. To etali babafi bomale'i memina'ina fa'mene bole neha'ibe lite kanisole bomagi akeheli'ahana. Ya'mu lite enali kaba kanisole bomagi enekesa yigi babu lilete ma lite akeheli'ahana, koyapa'i etali Yesuhi mege'i melete moneka mine'ahana yabe.

Aposolo 5:25

Ya nehago bo mone nehetinauba ma luto lu epi'ehina: Kehelilo. Lenali naga nonugu enele'mo mele'ahana bomoya sipi mono nonugu ho tite nehite boana'i kaga neenelepibe.

Aposolo 8:14

Enali aposolo naga'i luga'a Yelusale hepatoga mine'ahanamagi Samalia bona'magi Hu'mamofihi mono ka'a li tokolo habe lago keheli'ahana. Ya hilete Pitanogo Yoninogo ana hepato etoho lifi mele'ahana.

Galesia 2:9

Ya hulago Yemesiugo Pitaugo Yoniugo mono'mofihi enikibina bo nehafihe lite keheli'ahana yamagi Hu'mau pa sose foya'alo le'mo hetofa hu'ehibe lite nani kumu ya lite keheli'ahana. Kehelilete lalalutifu yabe lite Banabasi hiti le'eyanugu li'ahana. Ya hilete lenali fegutoga bona'magitoga Hu'mamofihi foya nelinogo laliti Yuta bona'magitoga nelinogo huto minalune lite lu mele'ahana.