Aposolo 27:5 - Ka Lamana'a Monoꞌi Lu Mu Tifiꞌehina Ka Yabe

⁵ To Silisia hiti Pamifilia hiti hege nagami mupa'a i gofa hoto Lisia kegi'a Maila hepato neheti'ohuta.

Aposolo 27:5 ပူးပေါင်းရင်းမြစ်များ

Aposolo 13:13

Polu yagi to bona'i luga'a ai hiti kapo malanamagi hiti enali Pefosi hepatogati he'mite sipi botigu tilete Pega hepato Pamifilia kegi'a bi'ahana. Ya nehago Yoni Makiu he'mi etoto to Yelusale hepatoga i behe huto bu'ehina yabe.

Aposolo 15:23

Enali fayahi mone ma lite gete etali etayanugu mele'ahana: Lali aposolo bona'i hiti to olopa bona'i hiti lenalalutinigita fegutoga bona'i Atioki hepato hiti Silia hepato hiti to Silisia hepato hiti neminanamagita lenalitoga bati hite nehafihe luto fayahi nogo lepolone.

Aposolo 15:38

Ya ligo Polu: O'e luto, koyapa ya'ma pana'uba Pamifilia kegi'ati he'mi le'etoloto fato kapoga bu'ehina. Le'ali hiti moneka humofa'na huto lili'na li baga mei'ehina pana'i yago le'ali hiti mebilibe luto Polu ya lu'ehina.

Aposolo 15:41

Polu Silia kegi'a hiti Silisia kegi'a hiti buloto Hu'mamofitoga komopa'ani emi'ahana boana'i kaga lu epito enele'mo amuya molomo bu'ehina.

Aposolo 2:10

Filigia to Pamifilia kegi'ati, Iyipi bona'i Libia kegi'a Sailini lebatoti yagi, lali Lomu bo maga oto nominota.

Aposolo 21:39

To Polu ma luto lu emi'ehina: Nani Yuta bo Silisia kapogu Tasasi hepato olopa nohi hepato yanugu ito'nifu neketo'ehina. Nani ya'ma li gehesa nehana'amagihi kaga lu epiluna bati huto ni'ifihe?

Aposolo 22:3

Nani Yuta bona'i nohube. Meya Silisia kapogu Tasasi hepatoga ito'nifu analo'i neketo'ehina. Yalo ma Yelusale hepatoga nele'mete ago sukulu tito to ya'ma babafi bo gi'a Gamelieli nelepito minago ya'ma tatatigihi mono'i keya ka'ani keheliya ito ya'ma hapa'agu keheli amuya huto hofa to'ohuna yabe. To lenali yatai hi'ahana suhi huto nani ana huto hulata minoto Hu'mamofitoga amuya moloto mino'ohuna.

Aposolo 6:9

Ya nohigo luga'a bomagi ho tilete ai kaga'a pelesa i'ahana. Ya'mana bona'i enali Yuta bona'i fato mono ka nekehelina bo, enali fato mono'ani Lali Foyati yabe lite gi'a helata nehabe. To enali Sailini hepatoti yagi Alekasatilia yagi, to mone'amagi Silisia yagi to Esia, asaga ya'ma hepatogati ete li nupa hite nehana bomagi yabe.

Galesia 1:21

Yelusale hepatoga ya huto minoloto'ni ya'ma Silia metoga to Silisia metoga ya'ma buto mino'ohuna yabe.