Aposolo 22:3 - Ka Lamana'a Monoꞌi Lu Mu Tifiꞌehina Ka Yabe

³ Nani Yuta bona'i nohube. Meya Silisia kapogu Tasasi hepatoga ito'nifu analo'i neketo'ehina. Yalo ma Yelusale hepatoga nele'mete ago sukulu tito to ya'ma babafi bo gi'a Gamelieli nelepito minago ya'ma tatatigihi mono'i keya ka'ani keheliya ito ya'ma hapa'agu keheli amuya huto hofa to'ohuna yabe. To lenali yatai hi'ahana suhi huto nani ana huto hulata minoto Hu'mamofitoga amuya moloto mino'ohuna.

Aposolo 22:3 ပူးပေါင်းရင်းမြစ်များ

Luku 10:39

Matahi gona'a pa'i mone mino'ehina, gi'a Malia, ai Yesu nohina meha'asilo oto minoto Yesuhi kaga'a keheliba keheliba huto mino'ehina yabe.

Luku 2:46

To kana loegi monegimogu sipi mono nonugu tite babafi bona'i hiti kaga'anilo keheli minoto enoloka hoto nohigo le'mo huto hi'aha'ina.

Luku 8:35

Babu boana'i hena suhi hu'ehifi lite bu galune lite bi'ahana. Enali Yesu nohinalo elete ana bo gufaguti foipa fele heleko limi'ahana gufalo gukete li hekololoto ekesa'a hokolo nohigo Yesuhi gigusagu nominana ana boana'i bu gelete enelesa'ani ligo koli hi'ahana yabe.

Aposolo 11:25

To alihi Banabasiu Solihi sa sa huto Tasasi bu'ehina.

Aposolo 15:23

Enali fayahi mone ma lite gete etali etayanugu mele'ahana: Lali aposolo bona'i hiti to olopa bona'i hiti lenalalutinigita fegutoga bona'i Atioki hepato hiti Silia hepato hiti to Silisia hepato hiti neminanamagita lenalitoga bati hite nehafihe luto fayahi nogo lepolone.

Aposolo 15:41

Polu Silia kegi'a hiti Silisia kegi'a hiti buloto Hu'mamofitoga komopa'ani emi'ahana boana'i kaga lu epito enele'mo amuya molomo bu'ehina.

Aposolo 21:20

Enali asaga'i ya'ma kehelilete Hu'mamofihi fokehi li'ahabe. To Poluhi kaga ma lu emi'ahabe: Lalalutiga, kehelibo. Ya'ma Yuta bona'magi samahi tite Yesuhi naga'i lolo hi'ahabe. To enali koyapa keya kamu'i amuya melete ule'ale hite mege'i melelata nehabe.

Aposolo 21:39

To Polu ma luto lu emi'ehina: Nani Yuta bo Silisia kapogu Tasasi hepato olopa nohi hepato yanugu ito'nifu neketo'ehina. Nani ya'ma li gehesa nehana'amagihi kaga lu epiluna bati huto ni'ifihe?

Aposolo 23:34

To gamani bouba ana fayahi leka soloto: Kai hiya kegi'a bo nohane luto Poluhi loka ho'ehina. Ya higo: Nani Silisia bo nohube luto Polu lu emi'ehina.

Aposolo 23:6

To luga'a kanisole bo Satusi yagi to luga'a kanisole Felosi yagi hite Polu bu enogoloto ai kehe ito ma luto lu epi'ehina: Nalalu'nigita. Nani afo'nifu Felosi bo nohigo nani'ni hiti ana huto Felosi bo nohube. Nani bona'i fililete aku'i ho tilana kaga'a lu noepuna ana kagamu'i lite lenali yatai ka foya neli netabe.

Aposolo 26:5

Enali nani'i koyapa'i keheli nete'ehitemo lu hokolo hu kimilabe. Nani koyapa'i yata'a Felosi bona'magihi hapa'ani lito mino'ohuna ya'mana suhi keheli'ahafi fulu huto meni'ibe. Ai asaga mono katimofihi hapa'a hoto ni'ibe, lite lu kimilabe.

Aposolo 26:9

Koyapa'i nani'ni asaga suhi li huto huto Yesu Nasalete bomofihi gi'a li melugu malalube luto asaga negekesa keheli'ohuna yabe.

Aposolo 5:34

Ya hago kanisole bona'magihi folagaha'aniguti bo mone ho ti'ehina. Ai gi'a Gamelieliu, Felosi bo yabe. Ai keya ka lu enelepilata bo, to enali asaga boana'magi ya nohinana'mu lite sipi fokehi lilata nehana, ai aposolo bona'i enoho lifigo fegutoga limi'ahana.

Aposolo 6:9

Ya nohigo luga'a bomagi ho tilete ai kaga'a pelesa i'ahana. Ya'mana bona'i enali Yuta bona'i fato mono ka nekehelina bo, enali fato mono'ani Lali Foyati yabe lite gi'a helata nehabe. To enali Sailini hepatoti yagi Alekasatilia yagi, to mone'amagi Silisia yagi to Esia, asaga ya'ma hepatogati ete li nupa hite nehana bomagi yabe.

Aposolo 9:1

To Soliu Hu'mamofihi boana'a aitoga komopa'ani emite mino hetofa hi'ahana enoho fililube luto lusiga lu'ehina. Ya huloto sipi mono nohi kaba bo'a nohinalo bu'ehina.

Aposolo 9:11

Ya luto nogolo noligo Sipi Bouba lu emi'ehina: Kai ho tiloto Fotogo Kapo yabe lite gi'a helata nehana kapolo bubo. Ya huloto Yutasihi noha'agu Tasasi hepato bo gi'a Soliu yabe luto ni'ina bouba nunumu huto nohinogo bu galata'mu yabe.

Aposolo 9:30

Ya hago enali Yesuhi mege'i nemalana bona'magi kehelilete Solihi le'mete Sisalia hepato limilete Tasasi ho lifi he'migo bu'ehina.

Romu 11:1

Ya'mu nani koloka nohobe: Hu'mau ai'a Yuta naga'i he'mi epolo'ehifiye? O'e, ya'ma mehu'ehibe. Nani Yuta bo nohunagi. Abalaha yagapana'a nohube. Nani biha'nimofihi gi'a Beyamini yabe.

2 Koliti 11:22

Enali'ani'mu Yuta bo nohune lite lilata nelago, nani hiti ana huto Yuta bomo nohube. Enali'ani'mu Isilaeli bona'i Hu'mau lele'mo ho ti'ehina'a nohune lite lilata nelago, nani ana huto lulata nohube. Enali aku'i ana hite enali'ani'mu Abalahahi tata'agita nohune lite lilata nehago nani analo enemege'i moloto lulata nohube.

Galesia 1:14

Yuta yagapana'i nafalu'nigihi enebe ligito ito'nigihi afo'nigihi to tatatigihi ka'ani ya'ma limi lalibe luto ana kauba amuya moloto minalibe luto luloto ya'ma amuya moloto ya hulata hu'ohunamo ni'ibe.

Galesia 1:21

Yelusale hepatoga ya huto minoloto'ni ya'ma Silia metoga to Silisia metoga ya'ma buto mino'ohuna yabe.