Aposolo 21:3 - Ka Lamana'a Monoꞌi Lu Mu Tifiꞌehina Ka Yabe

³ Ana botigu buto buto Saipalasi hege nagamilugu ti'ehina metoga sofo kegi'a ni'igo bu goto bege ligito buto Silia kapoga buto Taiya hepatoga neheti'ohuna. Fe'nohi anaga botiguti li he'milune lite nehetibe.

Aposolo 21:3 ပူးပေါင်းရင်းမြစ်များ

Matiu 11:21

Ai lu'ehina: Ke, Kolasini bona'ise. Ke, lenali Betesaita bona'ise. Lenalitoga babeyafana li huto nohunana enali Taiya bona'i hiti Saitoni bona'i hiti enalitoga li huto hutita enali mele'isi melugu mino laba hite gebona gukete li hekelete lahi enugufalo felete eniginaga foipana'animu'i finogo nehinogo ya bu goto foipana'animo'mu nehabe luto huto hulata nohinagi lenali komopatini i gelehe mehi'ahana.

Matiu 4:24

Ai kaga'a Silia kegi'a bu baga ilago kehelilete enali bona'i anaga enebesinafi to foipa li'ahana bona'ifi to fato fato'na epesi'ehina bona'i enele'mete Yesu nohinalo e'ahana. Ya hago Yesu asaga bona'i enele'mo bati nohuto enele'mo ye ko su ho'ehina yabe.

Luku 10:13

Ke, Kolasini bona'ise. Ke, lenali Betesaita bona'ise. Lenalitoga amuya lili'na nohunana enali koyapa'i Taiya bona'i hiti Saitoni bona'i hiti enalitoga li huto hutita enali mele'isi melugu mino laba hite gebona gukete li hekelete lahi enugufalo felete eniginaga foipana'animu'i finogo nehinogo ya bu goto foipana'animu'i nehabe luto huto hulata nohibe. Lenali komopatini i gelehe hilanamo meni'inagihe.

Luku 2:2

Ya'mana enigi lise kana yata'a Sailiniasi ai gamani bouba Silia melugu bona'magihi kaba bo'ani mino'ehina.

Aposolo 11:19

Sitifenihi ho fili'ahana kana'aluga komopa'ani emito mine'ahana bona'magi enegene mane ite enahago enali tili tele hite fato fato hepato bi'ahana yabe. Luga'amagi Fonisia hepato foto'i nebago Saipalasi to Atioki hepatoga nebago hilete ka lamana'a Yuta bona'magisigo lu epi'ahana.

Aposolo 12:20

To Taiya hepatoga bona'i hiti Saitoni hepatoga bona'i hiti enali'i Helotiu sipi enipakafa holoto italuga logo bigo nohigo enali bu galune lite li nupa hite monekolugu e'ahana. Enali Balasitosiu kibina bomofihi nokana hepato kaba hulata bomofito yata'a kaga ai hiti lu bati hulototi yabe lite enalitoga le'mo mele'ahana. Ya hilete ya'ma kibina bomofihi hepaluguti nose'na enali hepa'anilo lite bago nelata nehana'mu lite Helotihi ya'mana bona'i aku'i enele'mo fulu hubo lite aitoga yibi hi'ahana yabe.

Aposolo 13:4

Sikalafu'uba ya huto etoho lifigo bilete etali Selusia hepato heneti'aha'ina. Selusia hepatoti sipi botigu ti'igo ana botiuba etele'moto Saipalasi metoga hege nagamilugu ti'ehinaga bu'ehina yabe.

Aposolo 15:23

Enali fayahi mone ma lite gete etali etayanugu mele'ahana: Lali aposolo bona'i hiti to olopa bona'i hiti lenalalutinigita fegutoga bona'i Atioki hepato hiti Silia hepato hiti to Silisia hepato hiti neminanamagita lenalitoga bati hite nehafihe luto fayahi nogo lepolone.

Aposolo 15:39

Polugo Banabasiugo ana kaga'mu lite kenasabo bite etogolagagu fibu fibu hilete loko hi'aha'ina. Ya hilete Banabasiu Makihi le'moto Saipalasi ya'ma hege nagamilugu ti'ehina metoga botigu tite bi'aha'ina.

Aposolo 15:41

Polu Silia kegi'a hiti Silisia kegi'a hiti buloto Hu'mamofitoga komopa'ani emi'ahana boana'i kaga lu epito enele'mo amuya molomo bu'ehina.

Aposolo 18:18

Polu Koliti hepato lalu'agi hiti babu kana minoloto Pilisilanogo Akuilanogo Silia metoga botigu tite bilune'mu bi'ahana. Ai mebu'ohuto lama'naka nolube luto Senikilia hepalugu golagalo yahi ti'ehina'mu luto oka'a laga hu'ehina yabe.

Aposolo 21:16

To Yesuhi pana'alobo mone'amagi Sisalia hepa'i bona'i enali hiti lali hiti bu'ohune. Enali lele'mete bilete Saipalasi kegi'ati o'ehina bo, gi'a Masoni ai'a noha'agu kalabe lite ai koyapa'i hapi fi'ehinaguti Yesuhi mege'i molo'ehina bo, ai nopogu bu'ohuna.

Aposolo 21:2

Anaga limito fato boti Fonisia hepato bilina boti sa sa huto bu goloto ana botigu tito bu'ohuta yabe.

Aposolo 21:7

To Taiya hepatogati he'mito buto Tolemesi hepato nehetito anaga neminana bonati Yesuhi kaga'a kehelise nehanamagihi enebe tigitoti enali hiti minoto moneko yegegu ko'ohune.

Aposolo 27:4

Yaloti ho tito nobunogo habahuba losopagati boti li kose'na hina'mu luto Saipalasi nagamilugu me'mo ti'ehinalo kegi'a habahi menolina sopaga i molo i molo huto bu'ohuta yabe.

Aposolo 4:36

Ya hite minanagu bo mone mino'ehina ai gi'a Yosefe. Enali aposolo naga'magi Banabasio lite fato gi mele'ahana. Ya'mana gimofihi hapa'aya ma luto ni'ibe, ai amuya kaga lu epito enekesa bilata bo yabe. Ai Libai nagaluguti Saipalasi hepato bo yabe.