Aposolo 2:4 - Ka Lamana'a Monoꞌi Lu Mu Tifiꞌehina Ka Yabe

⁴ To Sikalafu'uba asaga aposolo pana enalitoga bai tago enali fato fato kaga li'ahana, ai Sikalafu'uba li enabagalo malana kaga li'ahana yabe.

Aposolo 2:4 ပူးပေါင်းရင်းမြစ်များ

Matiu 10:19

To ka foyagu lenele'mete nebinogomo lenali kaga lilana'mu henabe lilune lite lenekesa yigi to hiya'a huto kaga lilupi lite lenekesa yigi babu melilo. To ana kana'a noenogomo kaga lilana lenabagalo alina'mu yabe.

Maki 16:17

To agoya hu nimilana bona'magi enali ya'ma topa hese foya suhi lilabe. Enali nigi'ni hete foipa felemagihi bona komopa'aniguti enele'mo he'milabe. To enali fato fato bona'magihi ka'aniguti kaga lilabe.

Luku 1:15

Ai Sipi Bomofihi bu'alo sipi gi'a lilina'mu yabe. To ai bai nagami'ifi to amuya nagami'ifi menalina'mu yabe. Ito'afihi ipa'agu nohinogo Hetofa Sikalafu'uba aitoga bai talina'mu yabe.

Luku 1:41

Elisapetiu ai Maliahi nohapihe lina'a kehelilago yagapana'i ipa'agu nohina lehe kolago ti'ehina. To Sikalafu'uba Elisapetitoga bai to'ehina.

Luku 1:67

To Sikalafu'uba ya'ma pana'mofihi afo'afinugu bai tago ka mone lu huto huto ma lu'ehina:

Luku 12:12

Ya'ma lite lenekesa yigi babu nelilana kana'alo kaga'anilo lilana kaga Sikalafu'uba lenelepilina'mu yabe, luto Yesu lu'ehina yabe.

Luku 21:15

Nani'ni kaga hetofa'a lenabagalo mololoto'ni to ka kehelise'na hetofa'a lepiluna'mu yabe. To asaga fatehatinimagi nani lepilina kaga li gofa mehila to lisi'ani luga mebilana'mu yabe.

Luku 4:1

Sikalafu'uba Yesutoga bai tago Yota nagami'i he'mito nobigo Sikalafu'uba bona'i menehana ka melugu le'moto bu'ehina.

Yoni 14:26

Afo'nifu nigi'nilo lenehe'malina ya'ma Sikalafu'i lenalitoga ho lifilina'mu yabe. Ai nehetito asaga nasana'mu lenelepiloto to asaga kaga'ni lu lepi'ohuna'a beto hu lepilina'mu yabe.

Yoni 20:22

Ai ya luto nohuto sikalafu'i fulu bi epoloto lu epi'ehina: Hetofa Sikalafu'mo lepilenogo komopatinigu limito mineno.

Aposolo 1:5

Yoniu nagami lafatu'i boana'i nagami'i folo epolo'ehina yabe, Ya hu'ehina lenali yatama kana mebu'ehinogo Sikalafu'uba komopa'anigu tilina'mu yabe.

Aposolo 1:8

Ya hu'ehinaya Sikalafu'uba lenalitoga alina yupahi lenali amuya lilete, Yelusale kegi'afi, to asaga'i Yutia to Samalia kegi'a buto nohe'muna to melugu foto'i nekisa'aga nani kumu'i lu yege halana'mu yabe.

Aposolo 10:46

Enali fegutoga bona'magi fato fato nogo hite Hu'mamofitoga enegelo bi emite fokehi hana kehelilete yabe. Ya hago Pitau lu epi'ehina:

Aposolo 10:47

Ma bomagi lali li'ohuta suhi lite Sikalafu'i li'ahabe. Nagami'i mefalalo luto bo moneuba laga hu epalalina ni'ifihe?

Aposolo 11:15

To nani kaga hapi fito lu noepugo koyapa'i lalitoga huto hu'ehina suhi luto Sikalafu'uba enalitoga limi'ehina.

Aposolo 11:24

Banabasiu ai hetofa bo minoto komopa'a Hu'mamofitogago emito minago Sikalafu'uba aitoga bai tago mino'ehina. Ya higo babu boana'i komopa'ani i gelehe hite Sipi Bomofihi naga'a hiti ikelete moneka mine'ahana yabe.

Aposolo 13:52

Ya ha'igo Atioki hepalugu Yesuhi mege'i mele'ahanamagitoga Sikalafu'mofihi amuya'auba enalitoga bai tago enegelo sipi bi'ahana yabe.

Aposolo 13:9

Ya nohigo Soliu mone gi'a Polu aitoga Sikalafu'uba bai tolago ai ana bomofihi bulu'i holoto lu emi'ehina:

Aposolo 15:8

Hu'mau asaga bona'magi komopa'ani bu go fulu tito bu nogana bouba ai komopa'ani bu gana bati hu'ehigo Sikalafu'i lali'i limi'ehina suhi luto enali'i epi'ehibe.

Aposolo 19:6

Ya nehago Polu lataha'anilo yahi noligo enalitoga Sikalafu'i limigo fato fato nogo hite Hu'mamofihi ka'a ana nogoguti li'ahana.

Aposolo 2:11

Lali Yuta bo hiti to fato bona'i Yuta bona'magi hapa'ani li'ohuta bona'i yagi, Kiliti to Alebia bona'i yagi lali asaga'i fato fato nogoti nina nohuta enali ana mone'isi nogotiguti Hu'ma amuya lili'na li huto hu'ehinamofihi lu yege hago nogotiguti keheli baga une.

Aposolo 2:3

To logo guluya meha'a legina huto nohigo bu ge'ahana. Ya nehago ana logo guluya meha'a nesi nesi huloto moneko moneko bonato mino baga i'ehina.

Aposolo 4:31

Enali ya hite nunumu ahilago li nupa hite nehana nonugu imima'i li'ehina. Ya huloto enali to Sikalafu'uba tito bai tolago enali Hu'mamofihi kaga'a lu yege homofa'na hi'ahana yabe.

Aposolo 4:8

Ya lite etoloka hago Pitatoga Sikalafu'uba bai tolago ai ma luto lu epi'ehina: Lenali Isilaeli bona'magi kaba bo'anise. To olopa babafi bona'ise.

Aposolo 6:3

Nigibo nagabose. Lenali nayahi mone kegi'a su hago mone kegi'ati loemo heleko melenogo lenali folagahatiniguti enele'mo ho tilo. Enalitoga Sikalafu'uba bai tago kaga keheli bati hi'ahago boana'magi enali kumuko nelilana bo yabe. Ya hilete ya'mana bo enele'mo melenogo ya'mana lili'na kaba hite lilabe.

Aposolo 6:5

Asaga boana'magi aposolo bona'magi lu huto hana kalo enegelo bi'ahana. Ya hilete Sitifenitoga Sikalafu'uba bai tana bo le'mo ho ti'ahana. To Filipiu yagi Polokolu yagi Nikeno yagi Timoni yagi Pamenasiu yagi to Nikolasiu ai Atioki hepatogati fegutoga bo Yuta bona'magi mono kagamofitoga komopa'a molo'ehina bo hiti enele'mo ho ti'ahana yabe.

Aposolo 6:8

Sitifenitoga Hu'mau Sikalafu'a emilago amuya sipi liloto boana'magihi folagaha'anigu babeyafana fato fato'i li huto hu'ehina.

Aposolo 7:55

Ya nehago Sikalafu'uba Sitifenitoga bai tolago kokulumatoga bu golago ti'ehina. Ai Hu'mamofihi fana mehena'agu Yesu yahi lamaga'aga nohigo bu go'ehina.

Aposolo 8:17

To Pitaugo Yoniugo etayaha'atiti enali lataha'anilo mala'igo Sikalafu'i enalitoga limi'ehina.

Aposolo 9:17

Ya luto lulago Ananiasiu buloto ana nonuga tiloto Solihi gufalo yahi li'ehina. Ya huloto ya'ma luto lu'ehina: Solio nalalu'niga. Sipi Bouba noho lifigo noobe. Maga nooto kapogu bu go'ahata bo Yesu ai'a yabe. Kai kubuka aku'i i gili nohinogo Sikalafu'i kaitoga limilibe luto nani'i noho lifi'ehibe.

Romu 15:13

Nani Hu'mamofihi loka noho lepolobe. Lenali Hu'mamofihi keheli ule'ale hite neminenogo ai'a gelo bise'na to fuluna'a hiti lenalitoga huto hinogo lenifita ilata nehana'a mone hiti le'mo hofa talina'mu yabe, nolube. To Sikalafu'uba lenele'mo amuya melenogo lenifita ilete kanihi sipi fino, luto nolube.

1 Koliti 12:10

To moneuba topa hose nasanamofihi foya lilibe luto amuya nohibe. Moneuba Hu'mamofihi bagaguti ka'a lilibe luto komopa'a ekesa li hokolo hu etolata nohibe. Moneuba ya'ma ana'ina silaga'i Hu'mamofihi Sikalafu'mofitoga ni'ina meni'ina nasanamofihi hapa'a bu go bebe salibe luto komopa'a ekesa li hokolo hu etolota nohibe. To moneuba fato ka bona'magihi enonogo'aniguti mono ka sibigopa lilibe luto baga le'mo babahi hulata nohibe. Moneuba enali enonogoguti lu hokolo huto lu epilibe luto baga le'mo babahi hulata nohibe.

1 Koliti 13:1

Nani niginaga mefise nohuto bona'magihi enonogo'anigutifi to agelo bona'magihi enonogogutifi mono ka lutita nani fa'mene minotine. Ya'ma fa'mene pepe notina nasana belo nogo ya suhi huto fa'menena lolo hutine.

1 Koliti 13:8

Eniginaga fise nasana ya'ma su mehose minoba minoba hilina'mu yabe. Hu'mamofihi baga'aguti lu huto hulata ka yamofihi su halina'mu yabe. To fato enonogoguti lulata nasana ya'ma su halube'mu hibe. To kaga fato fato'mofihi hapa'a kehelilatana hiti ya'ma su hoto fenene hilina'mu yabe.

1 Koliti 14:18

Fato enonogoguti kaga lulatana yamofihi nani ya'ma babu luto lulata lenebe ligito lulata nohube. Ya hu'ohuna'mu Hu'mamofihi fokehi lilata nohunaya, nani ya'ma kehelinogo lamana'a lolo hitine. Li gehesagu fato enonogoguti kaga yatamalo lilube lutomo fa'mene lutita ni'inaya nani ya'ma kehelugo nolimibe. To komopa'ni negekesatu keheli fe luto bona'i enele'mo bati bati hilube luto ya'ma mono ka loesimo lu epilatana'mu yamofihi kehelugo notibe.

1 Koliti 14:5

Lenali fato enonogoguti lilana hapa'a li su halabe luto keheli'ohunaya, Hu'mamofihi bagaguti kaga'a li huto hilana'mu yabe luto kehelinogo tilina'mu yabe. Hu'mamofihi bagaguti kaga'a beto hilata nehana bona'magi fato enonogoguti lilata nehabe ya'ma enebe ligi'ehibe. To fato enonogoguti nelinogomo to bo moneuba ka'ani lu gelehe huto lu hokolo hilina bo nohinogomo ana ka nelanauba asaga bona'i Hu'mamofihi kagalugu enele'mo hofa talabe.

Efeso 3:19

To Kilisito komopa'a limi'ehinamofihi hapa'auba yamofihi bona'magita keheli'ahana ya'ma be ligi fala'nala huto ni'ibe. Ya huto ni'inaya yamofihi sibigopa keheliya inogo Hu'mau asaga'nagu bai toto nominana bouba ana suhi huto lenali komopatinigu bai toto minalibe luto loka nohobe.

Efeso 5:18

Bai nagami'i nete negi nagi menalo. Ya'ma komopatini le'mo sibina hilinagi he'milo. To Hu'mamofihi Sikalafu'uba ai komopatinigu mino bai tenogo minalo.

Efeso 6:18

Ya nehite lenali silaga kanagu Hu'mamofihi Sikalafu'uba lenehe'menogo Hu'mamofitoga minete lehe'mobo lite buka tite minalo. To iyo iyo hite kosele'i kasele'i melenehenogo kaba hite minalo. Ya nehite Hu'mamofihi bona'i yege yege'namu'i yabe lite nunumu foya lite minalo.

1 Pita 1:12

Ana ka lu huto huse bona'magi enali ma lite keheli'ahana. Ya'ma sa sa hite keheli'ahana kaga enali'ani kanagu huto hilina meni'igo lenali kanagu huto hilina ni'ibe luto Hu'mau lu hokolo hu epolo'ehina. To enali lu yege he'ahana kaga lenali yatai kanagu nekehelibe. Ya'ma Hu'mau ho lifi'ehina Sikalafu'uba kokulumaluguti limito enele'mo amuya mololago enali ka lamana'a lenalitoga lite bi'ahana bona'magi Kilisito kumu lu lepi'ahana ka ni'ibe. To ana kaga agelomagi ana hite kehelilune lite sa sa hilune'mu nehabe. Ana kaga lenalitoga huto hu'ehina ni'inagihe.

2 Pita 1:21

Ya'ma lu huto hu'ehina ka mone'ya bona'magita kehelite komopa'anitu li bati hilete mone meli'ahabe. Bona'magi enali Hu'mamofihi hetofa Sikalafu'uba enele'mo babahi higo Hu'mamofitogati kaga'a kehelite minete lu yege he'ahanamo ni'ibe.