Aposolo 18:3 - Ka Lamana'a Monoꞌi Lu Mu Tifiꞌehina Ka Yabe

³ Polu koyapa'i kata nohi gilata'na naga'atu hetito efaha'a lilata hu'ehina suhi ana alobolemale'i ana suhi neha'igo ai buto etehe'moto mino'ehina.

Aposolo 18:3 ပူးပေါင်းရင်းမြစ်များ

1 Koliti 4:12

Lugufamofihi nasana huto hilibe luto laliti layahatitu amuya foya lito li huto hulata nohune. Lali kumu lele'mobe hokobe hi'ahana bebe sose ka lu epololata nohune. Kalana'i nemele letago lipakafa menohose fa'mene nominone.

1 Koliti 9:14

To ai Sipi Bomofihi ka'a leli'ali bona'i lali ana suhi huto ka lamana'a keheli'ahanaloti lugufamofihi nose'na lilabe luto lu lepolo'ehinamo ni'ibe.

1 Koliti 9:15

Ya hu'ehinaya nani'ni ya'ma kapogu menobube. To lenali ya'ma ana suhi li netalabe luto keheli'ohuto fayahi ya'ma mekoyobe. To bo moneuba ya'ma nani suhi huto Hu'mamofihi ka lu nolepito mina'a melise negelo bilata nohuna li sibina hu lalibe luto yamofi kumu kehelugo keta nohinago fililata nasanauba nanitoga lilifihe? luto yana'mu kehelugo keta mehuse nohibe.

1 Koliti 9:18

Ya hu'ehina'mu mina'a lilata nohunamofihi ma luto ni'ibe. Nani mono foyalo nobuto ka lamana'a mina'ani meni'ina bona'i lu epilata nohube. Ya nohuto ka lamana'a lulatanamofihi mina'a lugufamofihi nose'na'a lilatana'mu li'ahana ya'ma he'milata nohube. Nani negelo bise'namofihi ya'ma mina'a nolube.

2 Koliti 11:7

To lenali lenele'mo hofa talube luto nani'ni imo limito minoto Hu'mamofihi ka lamana'a lu lepi'ohunalo mina'a mone liluna'a mehu'ohuna yamofihi sibina hu'ehifi bati hu'ehibe?

2 Koliti 11:9

To lenalitoga nohuto ana'ina mone kumu sa huto buto mone lu melepi'ohunamo ni'ibe. Nani'ni sa sa huto humofa'na nohugo Masetonia hepatogati nalalu'nigi nehetite ana'ina nimite li nabaga melelata hi'ahana. To lenalitoga ya'ma fa'mene nohuto keta'a hiti nasana mone ligo mefi lepolo'ohunamo ni'ibe. To mino lito tito aku'i ligo mefi lepalalube luto nolube.

2 Koliti 12:13

To lenali henana'mufi sa sa hilete Hu'mamofihi naga'amagihi li gehesa luga'a lenali babeyafalo meni'ibe. Nani lenalitoga moneko nasana huto mehu'ohunana ni'ibe. Nose'natini to ana'inatini lenebesilito kalana'i memolo lepolo'ohunamo ni'ibe. Ya huloto lenele'mo sibina luse'na yamofihi lenali keheli sibina hite hi'ehilanamo yana'mu foipana'ni he'milo luto lenoloka halufihe, ya?

1 Tesalonika 2:9

Lalalutigita, naga ito li hetofa huto nohutogo lenali kosele'i lenoho laligi luto utehi foya'a amuya moloto to babu luto lito nohuto Hu'mamofihi ka lamana'a lu lepi'ohuta'a akeheli'ahabe.

1 Tesalonika 4:11

To kaga mone ma luto lu lepi'ohuta yatai aku'i nolune. Hololu luto bila ela mehise fulu hite minete ka sipi boe bae melise legeso hite lamana hite minete fato bomofihi foya'amu mekehelise lenalitini foyatinimu kehelite minete lenalitini lenayahatinitu foya lite nalana'mu kehelite minalo.