Aposolo 17:4 - Ka Lamana'a Monoꞌi Lu Mu Tifiꞌehina Ka Yabe

⁴ Luga'a boana'magi etali ka'atiti keheli komopa'anigu melete etemege'i mele'ahana. Giliki bona'i luga'a babu lite Hu'mamofitoga agoya hu emite mine'ahana bona'i ana hite, to enigihiti ana'magi ana suhi hite etemege'i mele'ahana yabe.

Aposolo 17:4 ပူးပေါင်းရင်းမြစ်များ

Yoni 7:35

Ya ligo Yuta bomagi ai loka hago ai loka hago hite ma lite li'ahana: Ai hiya'aga bu'ehinogo lali sa sa hilutaga'mu nolibe? Giliki nogo nehana metoga Yuta bo nehite Giliki bona'magihi hepato buto mono kaga enelepito bilube'mu nolifihe?

Aposolo 13:43

To li gehesa hite nehana bona'i bila ela nehago Yuta bona'i luga'a hiti to fegutoga bona'i Yuta bona'magihi mono ka keheli'ahana luga'a hiti Polunogo Banabasinogo etemege'i lifite bi'ahana yabe. Ya nehago etali kaga lu epite enele'mo amuya melete Hu'mau lenehe'menogo ai yanugu minalo lite li'aha'ina yabe.

Aposolo 13:50

To Yuta bona'magi fegutoga ana'i enikibinamagi Hu'mamofihi ka kehelilata nehana hiti to hepalugu olopa bona'i hiti enekesa li baga ilete Polunogo Banabasinogo enegene mane hite etele'mo hepa'aniguti fegutoga mele'ahana.

Aposolo 14:1

To Ikoniu hepato etali ana suhi aku'i hi'aha'ina. Polugo Banabasiugo Yuta bona'magi li gehesa hilata nehana nonugu tilete ka lu yege he'aha'ina. Etali kaga amuya'a hiti le'mo bati hite lu epi'igo yege yege Yuta bona'i hiti to fegutoga bona'magi hiti ana kaga komopa'ani lu mele'ahana.

Aposolo 14:4

To ya'ma hepato boana'i loko hilete luga'amagi Yuta bona'magi hiti komopa'ani monetoga melete minago to luga'a bona'i Polunogo Banabasinogo etalitoga melete komopa'ani monetoga melete mine'ahana yabe.

Aposolo 15:22

To aposolo bona'i hiti to olopa bona'i hiti asaga mono bona'i hiti kaga lu monetoga melelete enali bo luga'a folagaha'aniguti enele'mo ho tinogo Atioki hepato Polunogo Banabasinogo hiti enoho lifinogo bilabe lite keheli'ahana. Ya hilete enali Yutasihi fato gi'a Basabasiu yabe lite gi helata nehana bo hiti to Silasi hiti etele'mo ho ti'ahana. Ya'mana bole asaga bona'magi bati bo neha'ibe lite lilata nehana bole yabe.

Aposolo 15:27

Ya'mu luto loe bole Yutasinogo Silasinogo etoho lufune. Ya hutagi etali'atiti etabagaguti ya'mana kaga lu lepila'ibe.

Aposolo 15:32

Yutasiugo Silasiugo etali kaga lu yege holatamale'i kaga yatamalo lu epite enalalu'anigihi koli mehilo lite enele'mo amuya mele'aha'ina.

Aposolo 15:40

Ya neha'igo Polu Silasihi le'moto nobigo lalu'agi ma lite li'ahana: Hu'mau kaba hu letoto letehe'menogo biliyo, lite li'ahana.

Aposolo 16:3

Polu Timotihi le'moto bilube'mu gufa'a laga hu eto'ehina. Hena'mugope ya'ma pana'mofihi afo'afu Giliki bo mino'ehina'mu luto Yuta bona'i ana hepatoga nehanamagi fegutoga pana'i nohibe lite akeheli'ahana'mu yabe.

Aposolo 17:10

To ana folugu'i sinihi ginogo Yesutoga agoya hu emi'ahana bona'magi Polunogo Silasinogo Belia hepato mele'isi etoho lifi'ahana. Ya hago etali Belia hepato henetilete Yuta bona'magi mono li gehesa huse nonuga bite ti'aha'ina yabe.

Aposolo 17:12

Ya hilete babu boana'i etali ka'atiti komopa'anigu li pili kago to babu enigihiti Giliki ana'i to bona'i babu lite enali hiti ana hite ana kaga komopa'anigu li pili koto hi'ahana.

Aposolo 17:14

Ya nehago Yesutoga agoya hu emi'ahana bona'magi Poluhi mele'isi le'mo he'migo hege nagami beletoga limi'ehina. Ya nohigo Silasiugo Timotiugo etali Belia hepatoga mine'aha'ina.

Aposolo 17:17

Ya higo kaga lu keheli fa keheli hilata nehana mono nonugu tiloto Yuta bona'i hiti to fegutoga bona'i luga'a Hu'mamofitoga komopa'ani emite minelata nehana bona'i hiti kenasabo bilata hu'ehina. To asaga yupahi babu boana'i hepa'i folagaha'agu limo gehesa hite minete kaga lu keheli fa keheli hilata hanalo Polu kaga lu epilata hu'ehina yabe.

Aposolo 17:34

To luga'a bona'magi kaga'a keheli komopa'anigu melete mege'i mele'ahana. Ya hana bona'magi folagaha'aniguti bo mone Tionisiu ai Aleopagu kanisole bo hiti to mone a'i Tamalisi hiti to luga'a bona'i hiti ikelete mege'i mele'ahana yabe.

Aposolo 18:4

Ai asaga fuli kana'alo Yuta bona'i li nupa hite mono kaga lu keheli fa keheli hilata nehana noha'anigu tiloto Yuta bona'i hiti to Giliki bona'i hiti Yesu Hu'mamofihi lusi pana'a huto hu'ehibe, luto kaga lu epi'ehina.

Aposolo 19:10

To ai ya huto minoto kufu loemo li he'mina kana'agu Yuta bona'ifi Giliki bona'ifi to silaga bona'i Esia melugu mine'ahanamagi Sipi Bomofihi ka'a akeheli su he'ahana yabe.

Aposolo 2:44

To asaga boana'i enali Yesutoga komopa'ani neeminamagi enali hiti ho ti baga i'ahana. To asaga enali nasana'ani keheligo asaga mono bona'i li nupa hite minanamagihina lolo hu'ehina.

Aposolo 21:28

Oho, Isilaeli bona'ise. Mele'isi ete lehe'malo. Ya'ma bouba asaga hepato bona'i enele'mo keheli sibina hulata bo yabe. Lali Yuta bona'i lemege ka luto to lali mono'i he'mito fato ka lu yege hoto to mana sipi mono nohatimomu'i sibi ka lu epito nohina bo yabe. To ai lu laga hu'ohuta suhi huto mana sipi mono nohatigu fegutoga bona'i enele'moto tito ya'ma nopo le'mo foipa hibe.

Aposolo 28:24

Luga'a bona'magi ya luto lu epina kaga keheli komopa'anigu nemalago to luga'amagi keheliya kalesa hi'ahana yabe.

Aposolo 4:23

Pitanogo Yoninogo etele'mo he'mina ana kana'asilo etalalu'atitigi nehanaga bilete asaga kaga kanisole bona'magi lu etete'ahana enali'i beto hu epi'aha'ina yabe.

2 Koliti 8:5

Ya nehite ana'ina nesi'a lolo hilune'mu nelafihe, luto nokehelugo ya hi'ahana yabe. Yata'a ya'ma Sipi Bomofitoga komopa'ani keheli emilete Hu'mau lilina malalina'a hilune lite lilete lalitoga hiti komopa'ani limilete mine'ahana.