Aposolo 15:3 - Ka Lamana'a Monoꞌi Lu Mu Tifiꞌehina Ka Yabe

³ Yesuhi kaga kehelise bona'magi ana hepatogati enoho lifigo enali Fonisia kegi'a bite to Samalia kegi'a bilete li'ahana: Fegutoga bona'magi Hu'mamofitoga komopa'ani emi'ahanamofihi kaga lu epi'ahana. Enalalu'anigi ya'ma kaga kehelilete enegelo sipi bi'ahana yabe.

Aposolo 15:3 ပူးပေါင်းရင်းမြစ်များ

Luku 15:32

To ya'ma kogonaka fili'ehina legita minoto yatai nohibe. To fenene huto minoto yatai huto hu'ehibe. Ya hu'ehinana'mu lali bati huto yege fito lofokehi nolune, luto lu'ehina. Yesu ya lu epi'ehina kilihe'i yabe.

Aposolo 1:15

Nunumu hite minana kana'a nesi'a babu luto enebe ligilago mone yupahi 120 bona'i li nupa hite minago Pitau ho tiloto ma luto lu epi'ehina:

Aposolo 13:48

Ya noligo enali fegutoga bona'magi kehelilete enegelo bilete Sipi Bomofihi ka'alo fokehi he'ahana. To asaga bona'i minoba minoba hepatoga bilabe luto Hu'mau elesa molo'ehinamagi aitoga komopa'ani emi'ahana yabe.

Aposolo 13:52

Ya ha'igo Atioki hepalugu Yesuhi mege'i mele'ahanamagitoga Sikalafu'mofihi amuya'auba enalitoga bai tago enegelo sipi bi'ahana yabe.

Aposolo 14:27

Etali Atioki hepalugu nehetilete Yesutoga komopa'ani melete neminana bona'i kehe i nupa hilete Hu'mau etali'i kaba hu etoto'ehina hiti to fegutoga bona'magi kapo'ani li hokolo higo enali hiti ana hite aitoga komopa'ani mele'ahanamofihi kaga'a lu epi'aha'ina yabe.

Aposolo 15:1

Bona'i luga'amagi Yutia kegi'ati ete Atioki henetilete Yesuhi kaga'a kehelise bona'a kaga ma lite enelepi'ahana: Lenali Mosehi keya ka lu'ehina'a hite mege'i melete lenugufa laga mehilana lenugufatini li lenubuto mebilana'mu yabe, lite ya'ma kaga'ani lu epite hapi fi'ahana.

Aposolo 15:12

Pitau ya luto kaga lulago asaga bona'i li gehesa hite nehanamagi kaga'ani lege'nete legeso hi'ahana. Ya hilete Polugo Banabasiugo la'ina kagalo enekesa mele'ahana. To ya hago etali etayato Hu'mau babeyafana fato fato'i ya'ma topa hose nasanamofihi fegutoga bona'magi folagaha'anigu li huto hu'ehina kaga lu epi'aha'ina yabe.

Aposolo 15:22

To aposolo bona'i hiti to olopa bona'i hiti asaga mono bona'i hiti kaga lu monetoga melelete enali bo luga'a folagaha'aniguti enele'mo ho tinogo Atioki hepato Polunogo Banabasinogo hiti enoho lifinogo bilabe lite keheli'ahana. Ya hilete enali Yutasihi fato gi'a Basabasiu yabe lite gi helata nehana bo hiti to Silasi hiti etele'mo ho ti'ahana. Ya'mana bole asaga bona'magi bati bo neha'ibe lite lilata nehana bole yabe.

Aposolo 15:32

Yutasiugo Silasiugo etali kaga lu yege holatamale'i kaga yatamalo lu epite enalalu'anigihi koli mehilo lite enele'mo amuya mele'aha'ina.

Aposolo 15:4

To enali Yelusale hepato henetigo Yesuhi kaga kehelise bona'magi hite aposolo bona'i hiti to olopa bona'magi etebe tigi'ahana. Ya hago etalitoga Hu'mau etoto'ehinamofihi hapa hapa'a lu epi'aha'ina yabe.

Aposolo 17:15

To Poluhi le'mete moneka bana bona'magi le'mo foto'i melete Atenisi hepato bi'ahana. Ya hilete enali aku'i i behe hite Belia alune'mu nehago Polu Silasinogo Timotinogo etali kumu mele'isi nani nohunaga aliyo luto kaga malago lite bi'ahana yabe.

Aposolo 20:38

Ai okaba'ni aku'i be megalabe lu epi'ehina yana'mu enipagu gabu'i sipi nogigo le'mete bite boti heti'ehinaga neheti'ahana yabe.

Aposolo 21:5

To ya'ma li nupa hu'ohunamofihi kana'a su hago anagati he'mito buna yupahi enali asaga'i liha'ani hiti yagapana'ani hiti lele'mete bite to hepa'i he'mite lele'mete nebago lali asaga'i moneko'na nagami beletoga kehetoga lahupa nohi fito nunumu hu'ohune.

Aposolo 28:15

To Lomu hepato ligibo lagabomagi ya hite neabe lite lali kumu lana'a akeheli'ahana. To enali lali'i legeba hite eba eba hite Apiasi Maketi hepato Kalina Nohi Loegi Monegi ni'inalo nehetilete lali'i lebe tigi'ahana. Ya hago Polu bu enogoloto gufa'agu laga gofa higo Hu'mamofihi gelo bi emi'ehina yabe.

Aposolo 8:14

Enali aposolo naga'i luga'a Yelusale hepatoga mine'ahanamagi Samalia bona'magi Hu'mamofihi mono ka'a li tokolo habe lago keheli'ahana. Ya hilete Pitanogo Yoninogo ana hepato etoho lifi mele'ahana.

1 Koliti 16:11

Ai neheya kola nohina'mu lenali ai kumu kehelinogo melimino. Nani hiti nigibo nagabo luga'a hiti geba huto nohutagihe. Lenali legeso hite kaba hi etete ho lifinogo fulu fulu huto kapoga oba oba huto nanitoga o henetilibe luto geba nohube.

1 Koliti 16:6

Lenalitoga buto kana'a nesi'a minomo netinogo ko'mofihi kana'a su halina ni'ifihe? To kapoga nele'mo bati hilana ya'ma yagafi yagafi biluna'mu yabe.

2 Koliti 1:16

Buto bu lenogoloto Masetonia metoga buto minoloto aku'i i behe huto oto lenalitoga nehetinogo nele'mo kohe tete kapogu molo netenogo Yutia metoga bilufihe luto keheli'ohuna yabe.

Taitasi 3:13

Bo loemo Apolosi hiti to ka foya lilata nohinamofihi hapa'a nokehelina bo, Yenasigi etali mono foyalo bila'ibe lite nose'na'atiti fe'noha'atiti li bati hila'ibe luto amuya molobo. Ya etehe'metogo etali ana'ina'mu sa sa mehise nehite kapogu mele'isi bila'ibe.