Aposolo 10:2 - Ka Lamana'a Monoꞌi Lu Mu Tifiꞌehina Ka Yabe

² Ai mono ka mege'i nomalana bo yabe. Ai hiti lalameha'a hiti asaga'i Hu'mamofitoga enemehi emite mine'ahana. Yuta bona'i luga'a enumuhi meni'ina bona'i Koniliasiu enehe'molata nohuto Hu'mamofitoga amuya moloto nunumu hulata hu'ehina.

Aposolo 10:2 ပူးပေါင်းရင်းမြစ်များ

Matiu 25:17

To kaba bo'auba 2,000 kina emi'ehina bouba ana huto bisinisi mololoto aku'i 2,000 kina molo emito mone'a hiti efahi huto li'ehina.

Luku 18:1

To kosele meenehenogo ute etehi nunumu hilana bame ka Yesu lu epito ma luto lu epi'ehina:

Luku 2:25

To yalo bo mone Yelusale hepato mino'ehina gi'a Simioni yabe. To aiya bati huse bo to Hu'mamofihi agoya hu emise bo yabe. Ai Isilaeli bona'magi enubuto bilina bo'mu geba huto mino'ehina. To Sikalafu'i hiti Simionitoga mino'ehina yabe.

Aposolo 10:22

Ya ligo enali lu emi'ahana: Koniliasiu sipi gimi bouba loho lifigo o'ohune. Ai Hu'mamofitoga komopa'a emito nominago Yuta bona'magi koyone hine emina bo yabe. Kai kaga lu emitogo kehelilibe luto Hu'mamofihi agelo'a moneuba Koniliasihi nonuga bilane luto kehe igo noone.

Aposolo 10:31

Ya huloto ma luto lu'ehina: Koniliasio. Asaga bona'i enumuhi meni'inamagi enehe'moto enele'mo bati hulata nohatamolo Hu'mau nunumu ka akeheli'ehibe.

Aposolo 10:35

Ai'i agoya hu emite bebe sana suhi hilata nehana bona'i asaga'i nupa bofi safa bofi Hu'mau keheli bati hu epololata nohibe.

Aposolo 10:4

Ya ligo Koniliasiu bu goloto koli huto loka ho'ehina: Sipi Bo, hena hibe? Ya ligo agelouba Koniliasihi lu emi'ehina: Asaga hetofa foya suhi nohatana'mu luto Hu'ma ekesu mehago nunumuka keheligo bati hu'ehibe.

Aposolo 10:7

Agelouba ya luto lu emiloto i fenene hu'ehina. Ya hulago Koniliasiu koko pana'a hiti gimi bo mone hiti kehe i'ehina. Ya'ma gimi bouba Koniliasi hiti moneka humofa'na nohuto ai mono ka mege'i nomalana bo yabe.

Aposolo 11:14

Ai mono kaga lu lepilenogo ya'mana kagalo kaika hiti lalamehaka hiti kehelilete Hu'mamofitoga komopatini emilabe, agelouba ya luto lu emi'ehina.

Aposolo 13:16

Polu ho tito yahi tiloto ma luto kaga lu epi'ehina: Isilaeli bona'ni hiti to fegutoga bona'i asaga'i Hu'mamofitoga komopatini emite neminanamagita nani liluna kaga kehelilo.

Aposolo 13:26

Abalahahi tata'agita to ma fegutoga bona'i hiti Hu'mamofihi agoya hu emilata nehanamagita nalalu'nigitase. Hu'mamofihi kaga'auba lali'i lele'mo lubuto bilibe lu'ehinana alimi'ehibe.

Aposolo 13:50

To Yuta bona'magi fegutoga ana'i enikibinamagi Hu'mamofihi ka kehelilata nehana hiti to hepalugu olopa bona'i hiti enekesa li baga ilete Polunogo Banabasinogo enegene mane hite etele'mo hepa'aniguti fegutoga mele'ahana.

Aposolo 18:8

To Kilisipau, Yuta bona'magi li nupa nehana mono noto kaba hu'ehina bouba ai lalameha'a hiti Sipi Bomofitoga komopa'ani emite Poluhi ka'a mege'i mele'ahana. Ya nehago Koliti bona'i luga'a babu lite Poluhi ka'a kehelilete ana mono ka li pili kete nagami'i fele'ahana yabe.

Aposolo 2:5

Yuta bona'i luga'a Yelusale ete mine'ahana, enali mono bona'i hiti to bona'i luga'a fato fato hepatoti ete li nupa hite mine'ahana.

Aposolo 22:12

To bo mone mono'i mege'i malalata bomo, ai'a gi'a Ananiasi yabe ai kumu asaga Yuta bona'magi fokehi nelina bo ai anaga mino'ehina.

Aposolo 8:2

Hapa'ani bati hina bona'i Hu'mamofihi ka'amofihi mege'i nemalana bona'magi Sitifenihi sipi yibi nama nehi etete le'mo keli he'ahana yabe.

Aposolo 9:11

Ya luto nogolo noligo Sipi Bouba lu emi'ehina: Kai ho tiloto Fotogo Kapo yabe lite gi'a helata nehana kapolo bubo. Ya huloto Yutasihi noha'agu Tasasi hepato bo gi'a Soliu yabe luto ni'ina bouba nunumu huto nohinogo bu galata'mu yabe.

Aposolo 9:31

Ya hulago Yutia kegi'afi Galili kegi'afi Samalia kegi'afi Yesutoga komopa'ani mele'ahana bona'magi fuluna agoyanaguti bati hite mine'ahana. Ya hago bona'i luga'a babu lite huto hilete enalitoga ete ikele'ahana. Ya hilete enali Sipi Bomofihi mege'i melete minago Sikalafu'uba enele'mo amuya molo'ehina yabe.

Aposolo 9:36

Yopa hepato Hu'mamofitoga komopa'a moloto nominana a'i mone mino'ehina. Ai gi'a Tabita ana gi'amofihi hapa'a Giliki kaguti Tokasi. Ai asaga yupahi enumuhi meni'ina bona'i enehe'moto enele'mo bati hulata nohina a'i yabe.

Kolose 4:2

To kosele'i mehose amuya melete Hu'mamofitoga fokehi nelite nunumu hite Hu'mamofihi loka holata nehite minalo.

1 Tesalonika 5:17

Asaga yupahi Hu'mamofitoga kehelite lu emilata nehite mehe'mise minalo.

Yemesi 1:5

Lenalitogati bo moneuba keheliya ise'na'amu sa sa hulotomo Hu'mamofitoga loka henogo emilube'mu nohibe. Hu'mau ya'ma bona'i asaga'i enele'mo hetofa huto nohina bouba ka meepekise ana'ina kehelise'na sipi huto epilata nohibe.

Huto Hilina Ka 15:4

Sipi Bo, kai kumu ki'afu koli mehilina'mu yabe? Kigika sipinamo kumu ki'afu liyafa mehilina'mu yabe? Kai monekomaka pa solata nohane. Ya hu'ehina'mu noto noto bona'i kaitoga ete enalapusa fi kimilune'mu habe. Kai bati huto lelito oto moloto lito hu'ahata ya'ma yege yege bona'i asaga'magi bu galana'mu yabe.