Aposolo 1:2 - Ka Lamana'a Monoꞌi Lu Mu Tifiꞌehina Ka Yabe

² kokulumalugu ti'ehina kana moloto oto pa sobe. Kokulumalugu meti'ehigo Sikalafu'uba Yesuhi he'mago kaga ma luto enele'mo nupa hu'ehina aposolo panana'a lu epi'ehina.

Aposolo 1:2 ပူးပေါင်းရင်းမြစ်များ

Matiu 12:28

Ai Hu'mamofihi Sikalafu'auba amuya nimigo foipa fele hesi nohe'mi nogo'nimo lenali Hu'mamofihi kapo'a lalitoga a'o leba notanagi lite kehelilabe, luto Yesu lu epi'ehina yabe.

Matiu 3:16

Yesu nagami'i afolo etolago mele'isi fa'mene kugutatoga ti molo'ehina. Ya nohigo analo kokuluma'i hokolo nohigo anaguti Hu'mamofihi Sikalafu'a limi'ehina, ai kigopa nama legitana lolo huto oto Yesuhi lataha'alo fi besa lo'ehina yabe.

Maki 6:30

To Yesuhi pana'alobomagi enoho lifi'ehinagati aitoga aku'i ete'ani enali hi'ahana ka hiti to lu epi'ahana ka hiti beto hite lu emi'ahabe.

Luku 24:51

Ai lusa'a gi epoloto nohigo Hu'mau fulu fulu huto kokulumalugu le'mo saga hu'ehina yabe.

Luku 9:51

Hu'mau Yesuhi le'malina kana'a leba tago Yesu Yelusale hepato kapo moloto bilube luto ekesa kehelite mino'ehina.

Yoni 1:16

Bona'i enehe'mose'na'a samahi ti'ehinaguti limito lusa gi leto'ehina koyo koyo bito lusa limiba limiba nohibe.

Yoni 13:1

To mone kana'a nose'na laita hite nalana Pasa yabe nelana ya'ma yupahi leba talina Yesu ma meluguti he'mito afo'afihi hepato bilina kana ma'asi huto hilibe luto akeheli'ehina. Ai boana'a ma melugu mine'ahanamagihi asaga yupahi keke'i lu epolo'ehina. To ai keke'i lu epolose'na'a minomo buto su meho'ehigo ai fili'ehina.

Yoni 13:18

Nani lenali kumu asaga'i menolube. Enele'mo ho ti'ohuna'amofihi akeheli'ohube. Koyapa'i mono bukugu fayahi ge'ahana ya'ma lama'naka lu huto hilinamo ni'ibe: Nose'na noto mino'ina bouba gigusatu la'misa nefi'ehibe.

Yoni 13:3

Yesu afo'afu asaga kaba huse'na emi'ehina kehelito to Hu'mamofitogati limito o'ehina hiti to i behe huto Hu'mamofitoga aku'i bilina ya'mana akeheli'ehibe.

Yoni 16:28

Nani Afo'nifihi he'mi etoto metoga limi'ohuna. To ya'ma hepa'i he'mito Afo'nifitoga tilube'mu hube.

Yoni 17:13

Ya'ma kaitoga bilube'mu nohuto ya'ma metoga enipagu haya ilinamofihi nasanauba i tili tele huto bai toto minalibe luto melugu minoto ma luto lu nokumube.

Yoni 20:17

Ya ligo Yesu lu emi'ehina: Kai nunu mekibo. Nani yata'a aku afo'nifitoga metise nohugo nogona'ni nehanalo buto ka lu epi netobo: Nani kokulumalugu Hu'mamofitoga tito afo'nifu afotinifu aitoga tilube'mu nohube.

Yoni 20:21

To Yesu ka mone hiti lu epi'ehina: Lenalitoga fuluna'a a'mineno. Afo'nifu ma melugu noho lifigo limi'ohunaya nani ana huto lenoho lifinogo melugu tili tele hilana'mu yabe.

Yoni 3:34

Hu'mau ho lifigo o'ehina bouba Hu'mamofihi kaga'ago lu yege holata nohinaya hena'mugope Hu'mamofihi Sikalafu'auba aitoga bai to'ehigo yabe.

Yoni 6:62

Kokulumaguti limi'ehina Bouba koyapa'i mino'ehina hepatoga aku'i tilina ya hena huto ni'ibe?

Yoni 6:70

Ya luto lina ka'alo Yesu nona'a lu epi'ehina: Nani 12 koko panana'i lenele'mo'ohunamo ni'ifihe? Lenali folagahatiniguti mone kene'i foipa fele nohibe.

Aposolo 1:11

Etali ma hite lu epi'aha'ina: Lenali Galili bose, henabe lite maga ho ti'ehite kokulumamofihi bulu'i nehabe? Ya'ma Yesuhi, yatai Hu'mau lenalitogati le'moto kokulumalugu notina okaba hiti bo ana suhi luto aku'i mone yupahi alina'mu yabe.

Aposolo 1:13

Ya hu'ehigo enali Yelusale'i nehetilete minelata nehana nohi hasagu ti'ahana. Enali enigi'ani, Pitau, Yoniu, Yemesiu yagi to Batolomu, Filipiu yagi to Tomasi, Atulu yagi to Matiu, Alifiasihi pana'a Yemesi, Simoni gimi bo yagi, to Yutasiu Yemesihi pana'a ya hite enali asaga'i mine'ahana.

Aposolo 1:22

Koyapa'i Yoniu boana'i nagami'i folo epolomofa'na higo to Yesu lili'na'a hapi filoto limo limo oto Hu'mau lalitogati Yesuhi le'moto ifoga ti'ehina, ya'ma asaga'na nolunamofihi bu go baga i'ehilina bo le'mo ho tilune. To ai ya'mana bouba lali hiti moneka lili'na lito Yesu fili'ehinaguti ho ti'ehibe luto lu yege haluta bo yabe.

Aposolo 1:9

Yesu ya luto kaga lu su holago enali be gelete nehago Yesu kokulumalugu notigo sopohi moneuba oto le'mo fenene enubuloti hu'ehina.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

Galesia 1:1

Poluita nani aposolo bo nohugo ya'ma bo moneuba noho melifi'ehina yabe. To bona'magi lili'naga meli nete'ahana yabe. Yesu Kilisito to aimo fili'ehinaguti le'mo ho ti'ehina bouba, afotifu Hu'ma ya'ma ai'a kaga'alo aposolo lolo hu'ohuna yabe.

Efeso 2:20

Ya huto ni'igo lali Hu'mamofihi bona'i asaga'i nopo tegi huto nominone. Enali aposolo bo to Hu'mamofihi ka lu yege hose bona'i enali lukesa'a lolo hite nehago yamagihi enugupisalo lele'mo malago minomo buto nohune. To Yesu Kilisito ai nohi ya'ma lapusa'a lolo huto nohibe.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

Hibulu 9:24

Ya hu'ehina'mu Kilisitou ai bona'magihi enayatu gi'ahana mono nonugu to lamana'amofihi babeyafa'a mino'ehina anagu buto meti'ehibe. Ai kokulumagu tiloto Hu'mamofihi bulo lali kumu yabe luto nehetito lele'mo hetofa hilina foya'a ya'ma lilata nohibe.

1 Pita 3:22

To ai kokulumalugu tito Hu'mamofihi yahi lamaga'aga mino moloto nohibe. Yaga nohigo agelomagi mine'ahana'a hiti to kokulumalugu enigihiti bo mine'ahanaya amuya'a hiti mine'ahanaya Yesu enebe ligito kaba hu epoloto nominabe.

2 Pita 3:2

To lenali mono ka leli'ali bona'i Hu'mau enele'mo ho ti'ehinamagi koyapa'i fono ka fono ka li'ahana ka hiti to lenali'i aposolo bona'magi Sipi Boti lubuto bilata bouba lu'ehina kamo lu lepi'ahana ka ya keheli bati hite kehelite minalabe luto nolube.

Huto Hilina Ka 1:1

Yesu Kilisito le'mo belegepa ito lu'ehina kaga kana'a yatama mehu'ehigo ana'ina huto hilibe luto Hu'ma lu'ehina ya'ma Hu'mamofihi agoya bona'a lu epilibe luto Yesuhi lu emilago ai agelo'amofihi lifilago agoya bo'a Yonita lu nimito nelepi'ehina.

Huto Hilina Ka 2:11

Sikalafu'uba Hu'mamofihi yagapana'a li gehesa hi'ahana ka'amofihi lu noepina ya'ma enegekesagu hokolo hilina'amagi ya'ma keheliya ite kehelilabe. Luga'amagi enali helebole hite bite Satahi luba'a be ligilana'amagi ya'ma alihi fililata nasanauba aku mone enele'mo sibina mehilibe luto nolube.

Huto Hilina Ka 2:17

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe. Luga'amagi mono kagu ule'ale hite bite Satahi luba'a be ligilana'a ya'ma fala kito nose'na legeya'a mana yabe luto kokulumaguti limi'ehina nose'na epilube'mu hube. To kala efahi hapa'a ya'ma eto eto huto epilenogo yalo'i gi'a fayahi kosaba'i minenogo efapofihi afo'afu ai'asigo kehelilube'mu hibe luto nolibe.

Huto Hilina Ka 2:29

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 2:7

Sikalafu'uba Hu'mamofihi yagapana'a li gehesa hi'ahana ka'a lu epito lu noepina ya'ma enegekesa hokolo hinogo keheliya ite kehelilabe. Luga'a enali mono ka amuya melete bite Satahi luba'a be ligilana'amagi ya'ma mefilise minoba minoba hilatanamofihi legeya'a Hu'mamofihi foya'agu biha'a ni'ina ya'ma nalabe luto keheli epilube luto nolube.

Huto Hilina Ka 21:14

Ana gegisamofihi efaha lukesa'a ya'ma 12 mino bego hu'ehina. To lukesa'a 12 yanamofihi gupilo Hu'mamofihi sipisipi nala'amofihi aposolo bona'a 12 enigi'ani fayahi keyete malago ni'ibe.

Huto Hilina Ka 3:13

Sikalafu'uba Hu'mamofihi yagapana'a li gehesa hi'ahanamagihi ka'a ya'ma luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 3:16

Lenali mukoho melose to ketipa meise nehanamoya, yegeuba nagami'i nesi'a lo'ehina tegi hu'ehinamo nehanagi nabagaguti mu bili lepilenogo lite minalube'mu habe.

Huto Hilina Ka 3:22

Sikalafu'i yauba Hu'mamofihi yagapana'a li gehesa hi'ahanamagihi ka'a ya'ma luto lu noepina ya'ma enegekesa hokolo hinogo keheliya ite kehelilabe.