2 Timoti 2:3 - Ka Lamana'a Monoꞌi Lu Mu Tifiꞌehina Ka Yabe

³ Kai Yesu Kilisitohi lusi gimi mage bo'a bati huto lolo huto nohitogo kai hiti kalana'i mele letalana'mu yabe luto kosele'i mekeheno.

2 Timoti 2:3 ပူးပေါင်းရင်းမြစ်များ

Aposolo 23:31

Ya luto fayahi go epina hiti gimi bomagi lilete ka'a liyafa hite Poluhi le'mete folugu'i Atipatili hepato bi'ahana.

1 Koliti 13:7

Eniginaga fise nehana bona'magi enali keta'a hiti nasana fa'mene kosele'ani meenehenogo kofilana'mu yabe. Ana'ina'mu asaga'i kehelite amuya melete minalana'mu yabe. Komopa'aniguti Hu'mamofihi agoya hu emite enifita ite minete Hu'mamofihi kagu amuya melete minomo buto minalana'mu yabe.

1 Koliti 9:7

Kibina bo enali luba hilana nasana to nose'na'ani enali'ani efaha'anitu mina filata nehafi? Menehabe. To moneuba foya lito li huto huto hekele'ehinogo lito menalina ni'ifihe? O'e. To moneuba bulumaka yaga kaba huto amiha'ani menalifihe? Nalibe. Ya'mu lenali nose'na le'emilo, luto nolube.

2 Koliti 1:6

Lalitoga keke'i luse'na huto hulata nohina ya'ma lenalitoga fuluna huto hilibe luto to lenele'mo bati hilibe luto huto hu limilata nohibe. To fuluna'a ya'ma lalitoga huto hu limilata nohina ya'ma lenali kumu yabe luto huto hu limilata nohinagihe. To fuluna'auba lenalitoga mino moloto fi hetofa nohu lepelenogo keke'i luse'na lalitoga huto hulata nohina ana suhi huto lenalitoga huto nohinogomo fi siti bite minete lilabe luto ni'ibe.

1 Timoti 1:18

Oho pana'ni, Timotio, koyapa'i kohe toto kaga lu huto huto bomofihi ka'a kai kumu huto hu'ehina yamofihi keheliloto ma luto lu molo neketobe. Ana kaga keheliloto nohutoka luba hilata nehana ya suhi huto foya amuya moloto lilatagihe.

2 Timoti 1:1

Poluita, nani Yesu Kilisitotoga buto i hepito amuya moloto lenemehi emite minalabe luto lu limi'ehina ya'ma kagamo lu huto hilube luto Hu'mamofihi kaga'agu ya'ma Yesu Kilisitohi koko pana'a nele'mo'ehinogo aposolo bo lolo huto nohunamofita.

2 Timoti 1:8

Ya'mu'i Sipi Botimofihi ka lamana'a lu huto hilata'mu kubuya mehino. Ya huto ai kumu yabe luto naga nonugu nohugi yamofihi nani kumu kubuya mehino. Hu'mau ai amuyana'a kimilenogo ka lamana'amu yabe kalana'i mele ketenogo kai hiti ananamofihi gupisa'alo fa'mene minobo.

2 Timoti 2:10

Yana'mu nani keke'i luse foya asaga'i Hu'mau enele'mo eto hu'ehina bona'i enali kumu yabe luto baga'a hiti nasana ya'ma kofilata nohube. Ya nohugo enali ya'ma Yesu Kilisitou enubuto bilata nohina to fana talina hiti mino kosaba huse'na ya'ma lilabe luto ya hulata nohube.

2 Timoti 2:9

Ka lamana'a yamofi kumu yabe luto amuya'a hiti nasana ligo kalana'i molo nete'ahana'mu keke'i luse'na kehelito kofilata nohube. Ya nohuto kegeiyo bo legi huto seni naga'i nimilago nohunaya Hu'mamofihi ka'a ya'ma naga'i meemi'ahanamo ni'ibe.

2 Timoti 3:11

To keheli'ahataya Atioki hepatoga hiti Ikoniu hepatoga to Lisitala hepatoga hiti sipi kalana'i fato fato'mofihi mele netago keke'i luse'namofihi komopa'agu mino'ohunamo ya nohugo nemege'i moloto nooto bu nogo'ahatamo ni'ibe. Ya huto mino'ohunamo ni'inaya Sipi Bouba ananaguti gulu ho netoto nubuto bi'ehina yabe.

2 Timoti 4:5

Enali ya hilanamoya kai ya'ma kana'amu kana'amu kekesa keheli bebe soto minobo. Keke luse nasana gupisalo notinogomo amuya moloto minobo. Ka lamana'a lu yege hose foya'a ya lito li gu ito ana ka lu epibo. Hu'mamofihi foya'a lilata bo kai ya'ma li su hoto libo.

Filemoni 1:2

To letalitifu Afia yagi to mono foyalo amuya moloto lilata nohina panati, Akipasi to kai nohakagu mono kalo li gehesa hilata nehanamo boana'i yagi ya'ma moneko fayahi koyoto nolepu'ibe.

Hibulu 10:32

Lenali koyapa'i ana'ina lolo hite mine'ahanamofihi aku'i kehelilo. Kana'a ya'ma yupahi komopatinigu Hu'mamofihi fana meha'auba fi fana to lepelenogo keke'i luse'namofihi komopa'agu minete keta'a hiti foya lite amuya melete lite mine'ahana.

Hibulu 11:27

To Moseu ai keheli ule'ale hu'ehina'mu yabe luto gihiti bo, Felohi ita bilata nohina'mu ya'ma lesa meligo keheli he'mito Iyipi me'i ya'ma he'mi'ehina. He'miloto i behe huto aku'i analo mebulata nohuto Hu'mamofihi bu megolatanamofihi ai bu'atu bu go'ehina lolo higo aitoga buto i kolo'ehina yabe.

Hibulu 6:15

To Abalahahi Hu'mau lu eto'ehina kaga'mu yabe luto kosele'i mehago geba huto mino lito buto legeya'a ligo ai'na lolo hu'ehina.

Yemesi 1:12

Kalana'i nemele lepelenogomo fili tegi hite meminalana'a yamagi enegelo bite minalana'mu yabe. Fi taga hi epelenogomo su nehenogo yamofihi Hu'mamofitoga komopa'ani emite minalana bona'i epilube luto lu molo'ehina nasana yamofihi babeyafa'a minoba minoba huse'na liluta'mu yabe.