2 Timoti 2:1 - Ka Lamana'a Monoꞌi Lu Mu Tifiꞌehina Ka Yabe

¹ Pana'nimaka. Kai Yesu Kilisitotoga buto i hepi'ohuta'mu yabe luto lehe'mose'na limito lele'mo hetofa hulata nohina yamofihi komopa'agu minoto amuya moloto minobo.

2 Timoti 2:1 ပူးပေါင်းရင်းမြစ်များ

1 Koliti 16:13

Lenali kaba hite minelete Hu'mamofihi ka kehelilatanamofi kumu ule'ale hite minalo. Ya nehite koli mehise gimi bomofihi hapa'a lite amuya melete minalo.

Efeso 6:10

Lu su hoto lilube. Hu'mamofitoga bite i ke'menogo ai amuyana'a napa huto lenalitoga ni'inogo yanamofihi komopa'agu mine lite tite ule'ale hilo.

Filipai 4:13

Kilisitou nele'mo amuya malago fato fato'na laga mehinanamofihi nanitoga huto hulenogo komopa'nigu keta mehuse bati huto nominobe.

1 Timoti 1:18

Oho pana'ni, Timotio, koyapa'i kohe toto kaga lu huto huto bomofihi ka'a kai kumu huto hu'ehina yamofihi keheliloto ma luto lu molo neketobe. Ana kaga keheliloto nohutoka luba hilata nehana ya suhi huto foya amuya moloto lilatagihe.

1 Timoti 1:2

Timotio mono kapogu kele'mo'ohuna pana'ni nohane luto nolube. Kai fayahi ya'ma koyoto nokumube, Hu'ma afotifu to Sipi Boti Yesu Kilisito lehe'mose'na hiti ginaga fi limise'na hiti to fuluna'a lele'mo huse'na yamofihi huto hu keteno.

2 Timoti 1:1

Poluita, nani Yesu Kilisitotoga buto i hepito amuya moloto lenemehi emite minalabe luto lu limi'ehina ya'ma kagamo lu huto hilube luto Hu'mamofihi kaga'agu ya'ma Yesu Kilisitohi koko pana'a nele'mo'ehinogo aposolo bo lolo huto nohunamofita.

2 Timoti 1:2

Timotio, nemehi nokumuna pana'nimaka, nani ma fayahi koyoto nokumube. Afotifu Hu'mau to Sipi Boti Yesu Kilisito ai lehe'mose'na to ginaga fi limise'na to fuluna'a hiti li huto hu keteno.

2 Timoti 1:7

Ya nohitogo yanamofi kumu ma luto kehelibo. Hu'mau Sikalafu'a lalitoga ho lifi limi'ehina ai lelesati lulata nohina nasana meni'ibe Sikalafu'uba komopatigu limito ai'a amuya'a hiti to ginaga fise'na'a hiti limilata nohinagi to legekesa hokolo hu letalinamofihi limilata nohibe.

2 Timoti 2:10

Yana'mu nani keke'i luse foya asaga'i Hu'mau enele'mo eto hu'ehina bona'i enali kumu yabe luto baga'a hiti nasana ya'ma kofilata nohube. Ya nohugo enali ya'ma Yesu Kilisitou enubuto bilata nohina to fana talina hiti mino kosaba huse'na ya'ma lilabe luto ya hulata nohube.

2 Timoti 4:17

Sipi Bouba mehi nimito nele'mo hetofa hu netoto ka lamana'a lu yege hoto lu epito lu su halane luto to fegutoga bona'magi keheli baga ilabe luto lufusa'ni amuya molo neto'ehina. To lubanamofihi bagaguti Sipi Bouba nubuto bito gulu ho neto'ehina yabe.

2 Pita 3:18

Ya nehite Sipi Botiuba lubuto bilata nohina bo, Yesu Kilisitohi lenehe'mose'na to ai hapa hapa'a keheli hokolo hite kehelise'na hiti lenalitoga minenogo yamu'i hofa tete minalo. To ai fana meha'auba minoto minomo buto yatai ana suhi huto mino lito buto mino bai toto mineno. Ma'naka.