2 Tesalonika 3:2 - Ka Lamana'a Monoꞌi Lu Mu Tifiꞌehina Ka Yabe

² To komopa'ani laga mehina bona'i foipana'ani hiti bona'magi enayanuguti lele'mo he'milibe lite Hu'mamofitoga nunumu hilo. Yanana'mu enali bona'i luga'amagi hetofa kaga'a kehelite mage'i memele'ahana ni'ibe.

2 Tesalonika 3:2 ပူးပေါင်းရင်းမြစ်များ

Matiu 17:17

Ya ligo Yesu ka'alo lu'ehina: Akae, lenali yatai kanalo boana'ise, lenali ka keheli ule'ale huse'natini meminabe, to komopatini bebe soto meminolata hibe. Henaki yupahi lenali hiti nani minoto foipanatini kofeli'ali nohube? To ana bomofi kumu ma luto lu emi'ehina: Panaka le'moto maga obo.

Matiu 23:23

Lenali keya kaga keheli bati huse bo hiti Felosi bo, ehetinio. Lenali loe kaga lilata bo lenabagatini kaba hu bati hilo. Asaga'na yuhufa foyagu ni'inana guna ite nayahi luga luga su hago melelete nayahi su hana'amofihi Hu'mamofihi emilata nehabe. Ya hi'ahana lenali asaga kaga nekisa'aga sipi loto ninamofihi he'milata nehabe. Bona'i enele'mo bati huse kagafi, bona'i hiti koguna ito minose'nafi to komopatini monetoga molosemofihi kaga hapa he'milata nehabe. Nayahi luga luga su hana bati'na ninaloti nesi'asi Hu'mamofihi emise kaga mehe'milutaya ma sipina ninauba li yege halibe.

Luku 18:8

Nani lu nolepube, Hu'mau hololu luto enehe'malina'mu yabe. Ya hu'ehina Kokulumaguti limi'ehina Bouba aku'i alina yupahi ma melugu bona'i aitoga enipa molo emite keheli ule'ale hite nehinogo alina ni'ifi, ya mehilanabe?

Aposolo 13:45

Ya hago Yuta bona'magi babu boana'i li gehesa hana bu gelete siko hilete enipakafa he'ahana. Ya hilete Polu kaga nolina kaga'a li sibi hite fagalo bo nohatagi kaga meluse analo he'mibo lite bunepa i'ahana.

Aposolo 13:50

To Yuta bona'magi fegutoga ana'i enikibinamagi Hu'mamofihi ka kehelilata nehana hiti to hepalugu olopa bona'i hiti enekesa li baga ilete Polunogo Banabasinogo enegene mane hite etele'mo hepa'aniguti fegutoga mele'ahana.

Aposolo 14:2

To ya hana Yuta bona'magi ana kaga komopa'anigu li memolose minanamagi fegutoga bona'i luga'a faga lu nelepibe lite enalitoga enele'mo melelete Yesutoga komopa'ani emite minana bona'i enipakafa hete faga faga nelabe lite ka epeki'ahana.

Aposolo 17:5

Ya hago Yuta bona'i luga'amagi enogolagu higo enipakafa helete enumuhi meni'igo kegeiyo neminana bona'i enele'mo nupa hi'ahana. Enali nonugu nonugu tauniga tilete limilete hite ete bo mone Yesonihi nohi li bego hite Polugo Silasiugo ana nonugu neha'ifi meneha'ifi lite libe tele bibe hite nehi'inogomo etele'mo fegutoto bona'magi enubulo etele'mo malalune lite yabe.

Aposolo 25:27

To nani nagalugu nohina bo mone'mofihi fisa ite kaga li'ahana'a fayanugu megose ho lifinogo'ni bilinaya bati mehilina'mu yabe luto ya'ma Fesitasiu luloto lu'ehina.

Aposolo 28:24

Luga'a bona'magi ya luto lu epina kaga keheli komopa'anigu nemalago to luga'amagi keheliya kalesa hi'ahana yabe.

Romu 10:16

Aku'i bona'i mone'amagi ana ka lamana'aloga kehelite mege'i memele'ahabe. Koyapa Hu'mamofihi kaga lu yege hose bo, Aisaiyau, ai fayahi mone koyo'ehina: Kibina bo'nio. Hetofa kagaka lu epi'ohutaya kiyi'agihi kiyi'agihi ma'naka lite ya'ma kehelite mege'i mele'ahabe?

Romu 15:31

Nani Yelusale hepato bilube'mu nohugo bona'i Kilisitohi kaga mekehelite Yutia kapogu neminana mone'amagi nahalune'mu nehago nele'mo sibina hi lalagi nani kumu Hu'mau kaba hu netalina'mu aitoga loka halo. To Kilisitohi bona'i Yelusale neminanamagi nebe tigigo asaga kaga lu epilenogo kehelite enofokehi lilabe luto nolube. Yamofihi Hu'mamofihi loka he netalo.

1 Koliti 15:32

Nani ya'ma Efeso hepatoga lopi yagakafa legi hite nehana bona'i hiti luba fito mino'ohuta yabe. To bona'magihi ka'aniya nani ya huto fililuta nasanalugu mino'ohunamomu'i ya'ma henana lamana'a huto hu nimilibe? Fili'ohutaguti ho tilata meni'ilina yamofihi nani ya huto mino'ohunanauba fa'menena lolo hilibe. To fili'ohutaguti ho tilata meni'ilina'a yamofihi lenalitogati bona'i luga'amagi ma lite ligo bati hitine: Yago fililuta ni'igi yatai nose'na yaga hoto nagami'i hiti laba lona noto minalune.

1 Tesalonika 2:18

Ya huto buto bu lenagalune luto lu'ohutaya to Poluita nani'ni babu yupahi buto bu lenagalube luto lu'ohunaya ni'igo aku Satau ya'ma kapo fi hekini lo neto'ehibe.

2 Timoti 4:17

Sipi Bouba mehi nimito nele'mo hetofa hu netoto ka lamana'a lu yege hoto lu epito lu su halane luto to fegutoga bona'magi keheli baga ilabe luto lufusa'ni amuya molo neto'ehina. To lubanamofihi bagaguti Sipi Bouba nubuto bito gulu ho neto'ehina yabe.