2 Pita 3:3 - Ka Lamana'a Monoꞌi Lu Mu Tifiꞌehina Ka Yabe

^3-4 Ya nehite keheliya ite lenemehi emite kehelilo. Aliha kana'a tupa nohinogo bona'i sibina'a huto hilete foipanamofihi foya'aniguti lite minete nehite libe pigi bibe nehi lepelete ma lite lilana'mu yabe. Sipi Bo aku i behe huto alube luto lu'ehina yamofihi legeya'a hiya'a ni'ibe? Koyapa'i tatatigi keheli mebite minete fili'ahana yabe. Ya hulago ana'ina silaga'i melugu huto hu'ehina kanagu ema'aloti ana'ina'ya minomo buto tito mino'ehinamo ni'ibe. To ana supo huto mino'ehibe, lite lilanagihe.

2 Pita 3:3 ပူးပေါင်းရင်းမြစ်များ

Yoni 12:48

Bona'magi enemegesa hi nimilana to ka'ni keheli he'milana enali'i kene'i moneuba ka foya li epoloto kaga'ani loko hilibe. Ya'ma lu epi'ohuna kaga'auba me'mo hiti kokulumamo su halina kana'agu hapa'animofihi loko hilibe.

2 Koliti 4:2

Ya nohutoti foipana amuya'a hiti huto hu lalibe luto suguna huto sibi hapa'a lilata nasana lemegesa hu emiloto mone fagamofihi gupisalo minoto Hu'mamofihi ka'a li sibina hulata ya'ma ya suhi menohune. Lali Hu'mamofihi bulo ai'a ka'a lu aku toto ma'naka luto lu huto huto lu noleputogo bona'i asaga'magi lali hapati keheligo fu luto ni'ibe.

2 Timoti 3:1

Kaga mone'ya ma luto keheli bati hubo. Kana'a su halube'mu nohinogo foipana nasana huto huto sipi'a hilube'mu ketana napa'a huto hilina'mu yabe.

Hibulu 1:2

To kana'a su halube'mu nohinogo ya'ma kana yatai pana'amofihi baga'a le'mo babahi higo ai ka legeya'a lu huto huto lu limi'ehina. Pana'a ai asaga melugu nasanamofihi afo'afu lolo huto minalibe luto lu eto'ehina bomofihi ai yanuguko mololago yamofihi silaga nasana huto hu'ehina.

2 Pita 1:20

To kana'a mone ya lite kehelite keheliya ilo. Lu huto hu'ehina ka mone mono bukugu fayahi keye mele'ahana yamofihi hapa'aya bona'i luga'amagihi enali komopa'aniguti kehelilete nelanamofihi meni'ibe.

2 Pita 2:10

Bona'i enali'ani komopa'aniguti moko foya sipi higo kolo tanana hite kaba bomofihi ka'a kehelite mege'i melelata nehana bona'i enali'i Hu'mau enele'mo motito amuya naga'i epilina'mu yabe. Ya'ma faga nelana babafi bona'i enaliya enelesa meligo amuya melete minete kokulumagu neminana kene'magi enali kumu koli mehise nehite enigi'ani le'mo sibina sabana hilata nehana yabe.

1 Yoni 2:18

Palala'ni pana'nimagitabe, kana'a ya'ma hupamone'i asu halina'mu yabe. Ya'mu lenali Kilisitohi fateha'a huto hilibe lite keheli'ahabe. To yatai fatehe bona'a babu lite huto hilete mine baga i'ahabe. Yana'mu ya'ma kana'a su ho lamana hu'ehibe luto akeheli'ohune.

Yute 1:16

Bona'i ya hana'a enali megeka lilata to fato bona'i enifisa ilata nehana to moko tako fato fato'mofihi lolo hite minete, enali'anigo li nupa napa hite neminana bona'i enali luga'a hiti ana kapolo enemege'i melete bilabe lite enofokehi lite fi taga hi epelete lite hilata nehabe.

Yute 1:18

Enali ma lite lu lepilata hi'ahanamo ni'ibe: Kana'a sipi tupa higo komopa'anigu foipanamofihi nasanalo ya'ma laga epesise'namo amuya melelata nehana bona'i huto hilete kalana'i mele lepelete mono katini lite mumusopa ilana'mu yabe.