2 Pita 2:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Enali ma lite nelabe. Lali yatai keya kamofihi nagalugu menominone. Ya higo lipa nohinana'a fa'mene bati huto hiluta ni'ibe. Ya lite nelanaya to enali'ani komopa'ani tuguma nobilina'mu yabe. Yamofihi gegisagu nehite ya'ma kaga lilata nehabe. To bona'i luga'amagi ana'ina mone kumu mini mini hite minalanamagi enali ana'ina yamofihi naga gegisagu bite mino filite minalana'mu yabe.

2 Pita 2:19 ပူးပေါင်းရင်းမြစ်များ

Yoni 8:34

Ya lite lago Yesu ka'anilo nona'a ma luto lu epi'ehina: Nani ma'naka luto lu nolepube. Asaga bona'i foipana li huto nehanamagi foipanamofihi kele kele'a nehabe.

Aposolo 19:16

To ana foipa fele komopa'agu nohina bouba enugufalo heleko moloto sipi luba huto enoho'ehina. Ai lusina huto fugepa'ani bigo gukete'ani toba hoto li behe kege hube higo ana nonugati he'milete enugufa yapako hololu lite bi'ahana.

Galesia 5:1

Naga'i melepinogo minalabe luto Kilisitou ai'a gulu ho leto'ehinamo ni'ibe. Ya hu'ehina'mu bona'i luga'amagihi enali Mosehi keya kamofihi nagalugu aku'i lenele'mo melenogo kele kele'i hi etalabe lite nelinogomo o'e lite amuya malalo.

Galesia 5:13

Nalalu'nigita, anamofihi nagalugu mone meminalabe luto elesa molo lepi'ehinamo ni'ibe. To nagalugu meminana'mu yabe lite lenugufamofihi bita hulata nohina nasanamofihi kele kele'i mehi etalo. Komopatini epilete ai he'menogo ai he'menogo hite minalabe.

2 Timoti 2:26

Ana bona'magi Satau koyapa kelefu'agu enohoto ai mege'i malalabe luto naga'i epi'ehinamagi komopa'ani i gelehe hinogo to enegekesa hokolo hinogo Hu'mau Sataha naga'aguti enubuto bilina'mu yabe.

Taitasi 3:3

To laliti koyapa'i ana suhi huto mino'ohuta lali negi nagi noto minolata, ka keheli he'milata to keheli sibina hulata huto mino'ohuta yabe. To ya nohutogo lele'mo hapotili hilata hi'ahanamo ya hulototi libita hulata nohina nasanamofihi laga'a kehelilata foipa nasanamofihi agoya hu emito minoto bona'i enele'mo sibina hu epoloto bona'magi lolo hite melete hanana'mu ya suhi huto minose ni'inaya ya luto lulototi siko hulata hu'ohutamo ni'ibe. Ya nohutogo lali kumu keheli sibina nehago enali lipakafa lahago lali enipakafa enohonogo hulata hu'ohutamo ni'ibe.

1 Pita 2:16

Lenali lu laga hu'ehina kauba nagaluguti gulu ho leto'ehinamo ni'ibe lite kehelite minalo. To lenali foipana lite fala kilabe luto gulu ho lepolo'ehina ni'ifiye? O'e, ya hu lepolo'ehina yauba foipanamofihi legeya'a lolo mehilibe. Lenali ule'ale hite minete Hu'mamofihi kele kele'i hi etete minalo.

2 Pita 1:4

Ya huloto ai kaga lu molo leto'ehina'a hetofa hetofana'a to mina'a ti'ehina'a ya'ma limi'ehina yabe. Ya huto limigo legeya'a lalitoga huto hilenogo melugu bona'magihi enegekesa'ani enugufa'ani laga epesise kapolo mege'i nemalana anamofihi fililata kapolo lenali lenemegesa hu emite to Hu'mamofihi hetofa hapa'a, ya'ma babeyafa hite minalabe.

2 Pita 2:20

Keheli'ahafiye? Bona'i luga'amagi enali Sipi Botiuba lubuto bilata bo, Yesu Kilisitohi hapa'a ya'ma bati hite kehelilata bo yabe lite mone'ani meni'ina'amagihi enemegesa hu neeminogo ai'a aku'i enogobisalo oto enikibina bo enele'mo mololenogo aitoga i hepite bati hilana'a ya koyapa'i hapi fite minete lite hi'ahana yanauba sibina nesi'asi hu'ehina. Aliha'a minete lite hilananauba foipana napa hilina'mu yabe.