2 Pita 2:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Enali'ani keheligo ho tilata nehabe. Enali fa'mene kaga gusunupa'a meni'ina kaga lilete ya hite, bona'i yuhufasi foipa bona hapa'ani he'mi'ahana bona'magihi mi'mi hite aku'i foipa kapolo enele'mo malalune'mu nehabe. Ya nehite, foipa foya nelinanauba enogolagalo li malago nehetilago tafa komopa'aniuba enumu fililata nohibe. Ana'ina lilete'ani bona'i luga'a ya enali kelefugu halabe, lite lilete enali ya hilata hi'ahanamo ni'ibe.

2 Pita 2:18 ပူးပေါင်းရင်းမြစ်များ

Aposolo 2:40

To Pitau fato fato kaga lu hokolo luto lu epi'ehina. Ai ma luto lu'ehina: Lenali kaba hu bati hilo. Hu'mau foipa bona'i osahi epilinagi bonatini ma bati mehana bona'i enemege'i melete enali hapa'ani li lalagi kaba hite minalo.

Aposolo 8:9

Ya'mana hepalugu bo mone mino'ehina gi'a Simoni ai yatama yupahi nalisana li huto nohigo Samalia bona'magi bu gelete topa hilata enelesa lu'ehina. Ai nani nikibina bo nohube, lulata hu'ehina yabe.

Romu 13:13

Lali yegemofihi besa besa'alo minototi agoya huse bona'magita minaluta nohune. Lali kegeiyo huse'na melilune. To bia nagami'i negi noto huse'nafi to moko lise'nafi to a'i gumina folose'nafi to luba huse'nafi to kenasabo bise'nafi asaga'i mehiluta'mu analo lemegesa hu emilune.

Efeso 4:17

Yamofihi nani Sipi Bomofihi bulo lenegekesa lito lu nolepube. Hu'mamofihi ka'a mekehelilata boana'i enali enegekesa kehelilata nehana bati mehina fa'menena kehelilata nehabe. Enali tegi lolo hite meminalo.

2 Tesalonika 2:4

Ana foipa bouba ai bona'magihi keheligo bati'na lolo hulata nohina nasana to bona'magi liyafa nehana nasana silaga'i yamofihi le'mo laba huloto'a to enali folagaha'aniguti yamofihi ai'a gufa'a lelito ai'a tilube'mu hibe. Ya huloto Hu'mamofihi sipi mono nonugu tito minoloto ai kumu ma luto kehelilibe. Nani'ni Hu'mamofita nohube lilibe. Ya luto kehelilibe.

Yemesi 5:5

Lenali ya'ma metoga hite melete nehite lag'a nekehelite enibita hina'a hiti kehelite nehanaya to nose'na neba neba hite fobatini'ubago hu'ehina Hu'mau lenahalina kana'a lebato'isi ahuto hilube'mu nohibe.

2 Pita 1:4

Ya huloto ai kaga lu molo leto'ehina'a hetofa hetofana'a to mina'a ti'ehina'a ya'ma limi'ehina yabe. Ya huto limigo legeya'a lalitoga huto hilenogo melugu bona'magihi enegekesa'ani enugufa'ani laga epesise kapolo mege'i nemalana anamofihi fililata kapolo lenali lenemegesa hu emite to Hu'mamofihi hetofa hapa'a, ya'ma babeyafa hite minalabe.

2 Pita 2:14

Enubutu gili gili hite moko lise a'mofihi bu gelata nehana foipana ni'ina'mu enipa nehite laga sipi kehelilata hi'ahana ni'ibe. Enali komopa'ani lapa mebi'ahana bona'i enimi'mi ka lite kelefugu halana suhi hite enele'mete bilabe. To enali yogo fe'nohi ya nasana'mu amuya melete lolo hite bite komopa'ani nasana lolo hu'ehina. Enali'ya logo hepalugu naga'i lolo hilana'mu yabe.

2 Pita 2:2

Bona'i ya hana'amagi enali moko foya nelinogo bona'i asaga'magi bu gelete enemege'i melete ana suhi hilana'mu yabe. To enali foipana hapa'a lilanamofi kumu yabe lite bona'i luga'amagi Hu'mamofihi kapo lamana'amu sibi kehelite laga mehina kapo yabe lite sibi ka lilana'mu yabe.

2 Pita 2:20

Keheli'ahafiye? Bona'i luga'amagi enali Sipi Botiuba lubuto bilata bo, Yesu Kilisitohi hapa'a ya'ma bati hite kehelilata bo yabe lite mone'ani meni'ina'amagihi enemegesa hu neeminogo ai'a aku'i enogobisalo oto enikibina bo enele'mo mololenogo aitoga i hepite bati hilana'a ya koyapa'i hapi fite minete lite hi'ahana yanauba sibina nesi'asi hu'ehina. Aliha'a minete lite hilananauba foipana napa hilina'mu yabe.

2 Pita 2:7

To ana hite hepa'i lite li sibina hilube'mu nohigo ya'ma kegeiyo bona'i to mokolo bona'i enubuya'ani mehigo lite nehago bati huto mino'ehina bo Lotihi foipa hapa'ani'mu komopa'agu keta higo ai kumu luto Hu'mau ginaga figo minana'a luto Lotihi buto bi'ehina.

2 Pita 3:17

Nalalu'nigitabe, lenali yanamofihi keheli su he'ahana yabe. Yana'mu kaga ya'ma lenegekesa lito lipoti lu nolepugi kehelilo. Bona'i foipa'amagi enali ligitaga ka'ani lite komopatinigu liminogo lenele'mo sibina hilenogo limite ke lalagi ya'mu kaba hu bati hite minalo.

Yute 1:13

To enali hege nagami'i kele'a amuya'a hiti minago libi'na kele'na huto kolota kolota huto hulata nohibe. Enali bona'i ya hana'amofihi foipana'ani enubuya huse'na ya suhi huto huto hulata nohibe. Sonofi'i luga'amagi enali sibigopa nagopa hite humofa'na hilata nehana enali kapo meenelepilana'mu yabe. Sonofi'i ya hana suhi hite nehana bona'i ya'ma sinihi gise'namofihi komopa'agu ule'alena'a ya'ma Hu'mau le'mo nupa huto metepu hepato lolo huloto ya'ma minoba minoba huse'nagu he'mi epolo'ehinamo ni'ibe.

Huto Hilina Ka 13:11

To me'i komopa'aguti akafu yagakafa mone hiti tigo bu go'ohuna. Ai sipisipi nala'a ya suhi huto latahaloti komu'a loemo tito mino'ehina. Nogo'a ya'ma hagulu osifa'mofihi ya suhi huto mino'ehina.