2 Pita 2:13 - Ka Lamana'a Monoꞌi Lu Mu Tifiꞌehina Ka Yabe

¹³ Ya nehite ana'ina foipa faipana hite lite fato bona'magihi enagabu gi epalago minelata nehana yanamofihi nona'a lilete enugupisalo keke'i lilune'mu nehabe. Enali yege kana'ani sipi nolago enugufa'ani enumu fililata nohina nasana foipana amuya melete minete lite nehana yana'mu enegelo bise'na lolo hu epilata nohibe. Enali folagahatinigu nose'nalo ya'ma lenali hiti nete minete ligopa napa hite lenimi'mi ka lite enegelo bilata nehago lenubuya hulata nohibe. To lenele'mo kolo telata nehana yabe.

2 Pita 2:13 ပူးပေါင်းရင်းမြစ်များ

Romu 13:13

Lali yegemofihi besa besa'alo minototi agoya huse bona'magita minaluta nohune. Lali kegeiyo huse'na melilune. To bia nagami'i negi noto huse'nafi to moko lise'nafi to a'i gumina folose'nafi to luba huse'nafi to kenasabo bise'nafi asaga'i mehiluta'mu analo lemegesa hu emilune.

Filipai 3:19

Bona'i yanamagi enugufa'ani enibita hulata nohinamofihi hofa to'ehinana yanauba enogo'anifu lolo hulata nohibe. To fato fato'nauba enubuya hilina'mu golemehi kelata nehabe. To ma melugu nasana'muko keheli keheli hulata nehabe. Ya nehana'mu lite logo hepalugu bilune'mu nehabe.

2 Timoti 4:14

Kapaloti ana'ina lolo hulata bo, Alekasatau ya'ma laga mehina'a bo aku li sibina nimilata nohina ya'mu Sipi Bouba sibi nona'a legege huto emilube'mu hibe.

Yemesi 5:5

Lenali ya'ma metoga hite melete nehite lag'a nekehelite enibita hina'a hiti kehelite nehanaya to nose'na neba neba hite fobatini'ubago hu'ehina Hu'mau lenahalina kana'a lebato'isi ahuto hilube'mu nohibe.

1 Pita 4:4

To yatai ya'ma Hu'mamofihi mekeheli'ahana bona'i enali foipanamofihi komopa'agu sibi hapa'a fato fato'i napa hite lilete nehago to lenali enalitoga mehepise fa'mene neminago enali bu gete topa hete lenali kumu libe pigi bibe hite minelata nehabe.

2 Pita 2:15

Enali kapo fotogo hina'alo ya'ma enemegesa hi emite leke he melete ya'ma Bosolohi pana'a Balamu ai koyapa bu'ehina kapogu mege'i melete nehabe. Ai foipanamofihi mina'a lilube'mu topa ho'ehinamo Hu'mau ana foipana'mu ka emeki'ehina. Yamofihi toki yaga'auba kaga menolinauba bona'magihi nogo huto luloto ya'ma Balamu kaga leli'ali bo faga faganamofihi negi nasana hilube'mu nohina kapo'a hekini lo eto'ehina yabe.

Huto Hilina Ka 18:6

Yana'mu li lepilata nehana nona'a li gelehe hite epilo. Ya hilete yamofihi ibe ligi abe ligi hite pa se epalalo. Mone kegi'a ekesa nagami suhi huto lenali nalabe lite le'mo babahi hi lepele'ahanamo ana suhi hite ite tite ihe'ma ahe'ma hite epilo.