2 Pita 1:8 - Ka Lamana'a Monoꞌi Lu Mu Tifiꞌehina Ka Yabe

⁸ Yanauba asaga bonatoga minoto fi tili tele nohinogomo Sipi Boti Yesu Kilisitohi hapa'a kehelilata nohune keheliya ite foya'a linogo futu'a lolo mehinogo minete legeya'a heno.

2 Pita 1:8 ပူးပေါင်းရင်းမြစ်များ

Matiu 13:22

To nose'na legeya'a ufehe yamu'ubago hinagu limo ito notinamoya ma huto ni'ibe. Bo moneuba mono ka kehelilago ma melugu faga efaha fe'nohuba loe lae hu etoto keta besigo ai ana bomofinuguti ma'naka legeya'a huto hulata menohibe.

Matiu 20:3

To yege ti olopa nohago bo luga'a hepa'i folagaha'agu fa'mene fuli nehago ai bu enogo'ehina.

Matiu 20:6

To yege limi falalube'mu nohigo tauniga nobinati bo luga'a ho tilete nehago bu enogo'ehina. Ya huloto ai ma luto lu epi'ehina: Hena hu'ehigo lenali yatai malo fa'mene ho tilete nehabe? Kana su halina'mu yabe.

Matiu 25:26

Ya ligo sipi bo'auba ka'alo ma luto lu emi'ehina: Kai bati mehina lili'nalo bo fuligo koloto nominata bo yabe. Bo mone'mofihi foyaguti nose'na nokifito to mone melugu bo moneuba nose'na legeya'a tili hu'ehinaloti nose'na'a nani kumu noline luto noho fisa nokitaba kai keheli bati hu'ohuto nolapihe?

Yoni 15:2

Nanitogati yafa moneuba ya'ma legeya'a mehalina'a yamofihi laga hu he'milina'mu yabe. To yafa mone'mofihi legeya'a helenogo legeya'a silaga'i halibe luto noluto sibina hina'a laga hu he'mi he'mi nohibe.

Yoni 17:3

Mino kosaba huse'namofihi hapa'a ma huto ni'ibe, Hu'mau lamana'a moneko'i kai hapaka to noho lifi'ahata panaka Yesu Kilisito nani hapa'ni keheli'ehinogo mino kosaba huse'naka yamofihi huto hu epilibe.

Yoni 5:42

Ya nohuna lenali hapatini akeheli'ohube. Hu'mau keke'i lu lepolo'ehinana lenali komopatinigu meninamoya nani akeheli lepolo'ohube.

Romu 12:11

Lenali Hu'mamofihi lili'na amuya melete lilo. Fa'mene fuli meminese lenegelo bite Sipi Botimofihi lili'na'amu lite komopatinigu babahi hinogo minalo.

1 Koliti 15:58

Ya hu'ehina'mu nalalu'nigita, lenali amuya melete ho ti kibi kibi hite ule'ale hite minalo. Ya nehite Sipi Bomofihi foyagu kana'amu kana'amu amuya melete lelite bilabe. Sipi Bomofi kumu yabe lite foya'a lelite binogo buto fa'menena lolo mehilibe lite nekehelite lilo.

2 Koliti 13:5

Lenali ya'ma lama'na ka mono kagu nehafi menehafi komopatinimofihi fi taga hi etete bu geletetini yamofihi hapa'a lu huto hilo. To Yesu Kilisitohi ya'ma komopatinigu le'mo malago nominanamofihi hapa'a akeheli'ahafi ya? To komopatinigu menominogomo lenali ka'a keheli fetaga hi'ahafi, kehelilo.

2 Koliti 8:2

Enali eniginaga fise gofana yamofihi komopa'agu minete salafa'a mine'ahanauba fa'menena lolo hinogo komopa'anigu sabiyana sipi huto lolo higo efahi li nupa hi'ahanamofihi nesi'a meni'ibe.

2 Koliti 8:7

To keheli ule'ale hise'natini to Hu'mamofihi ka lu yege hose'natini to mono'i hapa'a keheli fe lite kehelise'natini to mono'mofihi foya'amu amuya molose'natini to lenemehatini epite lehe'mose'natini limilata nohina ya nasanamofihi legeya'a babu luto huto hu'ehina'mu yabe luto komopatigu keheli bati huse foya lilete kefahi li nupa hilana'mu ana hite keta mehuse hilabe luto nolube.

2 Koliti 9:14

Ya hilenogo Hu'mamofihi lehe'mose'na'a fato suhi huto lenalitoga li huto nohina'mu yabe lite komopa'ani lenalitoga melete lenali kumu yabe lite Hu'mamofitoga buka tilune'mu habe.

Filipai 1:9

To komopatini emilatana hofa toto to kehelise'natinimu to kehelise'nauba napa huto tilibe luto Hu'mamofitoga luto moloto nohube.

Filipai 2:5

Yesu Kilisito ai'a kehelilata hu'ehinamofihi nasana ana suhi huto lenalitoga mineno.

Filipai 3:8

To ananasigo meni'ibe. Nani'ni Sipi Bo'ni Yesu Kilisitohi ai hapa hapa'a bu goto keheli'ohuna yamofihi mina'a tilago ana'ina luga'a silaga'i yamofihi lamana'a kehelugo fa'menena lolo hu'ehibe. Nani Kilisito hiti moneko'na hilu'ibe luto ai kumu yabe luto nigi'ni hiti to nipagu hu'ehinana hiti to nanitoga huto hu'ehinana asaga'i heletuya'a lolo higo he'mi'ohuna yabe.

Kolose 1:10

To yalo lenali asaga yupahi aitoga minete hetofana hite neminenogomo Sipi Boti ai lenofokehi lilina'mu yabe. Ya'ma le'ali loka noho'ibe. To lenali asaga yupahi Hu'mamofihi lagamo keheliba keheliba hite minete, to bona'i enehe'malata ya'ma hetofa lili'natini fato fato'i yamofihi legeya'a babu luto hilina ya hinogomo Hu'mamofihi hapa'a keheli bati hilete hetofana suhi hite minete ya hilabe luto loka noho'ibe.

Kolose 2:7

Lenali yaga legi hite minete aitoga lufusatini limite bati hite tiba tiba hite amuya yafa lolo hilo. To Hu'mamofihi kaga yata'a lu lenelepi'ohunana amuya melete keheli emiba emiba hite minalo. To Hu'mamofitoga lenegelo bite komopatinigu sabiyana bai tenogo minalo.

Kolose 3:16

Kilisitohi hetofa hetofa kaga'a komopatinigu mineno. Keheli bati hite ai ka lepinogo ai ka lepinogo hite minalo. To Hu'mamofihi gepohi lite yege fise nama litetini to Sikalafu'i komopatinigu lepi'ehina nama litetini laga hina nama ya'ma lite Hu'mamofitoga ana nama asaga'i lilo.

1 Tesalonika 3:12

To Sipi Bouba lenele'mo higo ai komopa'a eminogo ai komopa'a eminogo hite mineno. To lali komopati lenalitoga molo'ohuta suhi hite komopatini silaga bonatoga malalana yauba napa huto hofa tenogo hite minalabe luto Hu'mamofihi loka nohone.

1 Tesalonika 4:1

Lalalutigita, Sipi Boti Yesuhi ai gi'alo lenegekesa lito ka mone lu lepilugi kehelilo. Lali Hu'ma kehelito lenofokehi lilina hapa'a alenelepi'ohuta yagi ana suko neminana keheli'ohutaya to lepiba lepiba ka mone hiti amuya melete mege'i malalo luto nolune.

2 Tesalonika 1:3

Lalalutigita, lali asaga yupahi lenali kumu yabe luto Hu'mamofitoga fokehi lito minolata nohune. Lenali Hu'mamofitoga keheli amuya melelata nehanamofihi hofa tana'mu luto komopatini ai eminogo ai eminogo hilana hofa tana'mu luto bati huto fokehi nolune.

1 Timoti 5:13

Ya hilete ya'ma nonugu fato fato'na tila limila hite futu'a kaga lite minelata nehana to ya'asigo meni'ibe. Enali notu humofa'na hite fa'mene kagamo lite faga faga lite bona'magihi foyagu ukimi akimi hilata nehabe.

Taitasi 3:14

To bonatimagi enali hetofa foya suhi hite lelite nebinogo komopa'ani lolo hilibe. Enali'ani yana foya'mu enogo'na bibo. To enugufamofihi ana'ina li emilata nehana yamofihi hi emite nebinogo mono kumu lolo hite melete nasanauba legeya'a li huto hilube'mu hibe. Enali fa'mene fuli minelata mehilo luto lu epibo.

Filemoni 1:6

Ya hulotoka kai ya'ma keheli amuya mololatanagu afetoga lali hiti komopati le'mo hepiloto ana'ina lamana'a asaga'i Kilisitotogati lalitoga huto hu'ehinamo ya'ma keheli fotogo huloto kehelilane luto Hu'mamofitoga lulata nohube.

Hibulu 6:12

To lenali fa'mene fuli meminese bona'i luga'amagi keheli ule'ale hi'ehite to kosele'i melenehenogo geba hilete minete ana'ina'mu lu molo lepolo'ehina yamofihi lilata nehana bona'magi bilata nehana kapo analo enigigusa ite bilabe luto nolube.

2 Pita 1:2

Hu'mamofihi to Sipi Boti Yesuhi keheli emilenogo lenalitoga lenehe'mose'na yanauba to fuluna'auba molo emito huto holito buto mineno.

2 Pita 1:3

To lenali Yesuhi keheli bati hilenogo ai hetofa amuya'a guna molo lepoloto lenehe'menogo lamana hite mino lite bite minalabe. To ai'a fana mehena'a hiti bebe sose'na'a hiti lenalitoga guna moloto lepilube'mu elesa molo lepi'ehina yabe.

2 Pita 2:20

Keheli'ahafiye? Bona'i luga'amagi enali Sipi Botiuba lubuto bilata bo, Yesu Kilisitohi hapa'a ya'ma bati hite kehelilata bo yabe lite mone'ani meni'ina'amagihi enemegesa hu neeminogo ai'a aku'i enogobisalo oto enikibina bo enele'mo mololenogo aitoga i hepite bati hilana'a ya koyapa'i hapi fite minete lite hi'ahana yanauba sibina nesi'asi hu'ehina. Aliha'a minete lite hilananauba foipana napa hilina'mu yabe.

2 Pita 3:18

Ya nehite Sipi Botiuba lubuto bilata nohina bo, Yesu Kilisitohi lenehe'mose'na to ai hapa hapa'a keheli hokolo hite kehelise'na hiti lenalitoga minenogo yamu'i hofa tete minalo. To ai fana meha'auba minoto minomo buto yatai ana suhi huto mino lito buto mino bai toto mineno. Ma'naka.