2 Pita 1:7 - Ka Lamana'a Monoꞌi Lu Mu Tifiꞌehina Ka Yabe

⁷ Hu'mamofi kumu keta mehise agoya hu emilata hite neminana enali hepite koguna ite minolata nehana yamofito molo emilabe. Hepito koguna ite minolatanamofihi yalo'i komopatini hiti epite keke'i luse'na'alo molo emilabe.

2 Pita 1:7 ပူးပေါင်းရင်းမြစ်များ

Romu 12:10

Lenali ai ginaga fi eminogo ai ginaga fi eminogo hite koguna ite minalo. Ya hite minete lenigitini liyafa mehise bonatinimo le'mo hofa tete minalo.

Galesia 6:10

Ya nohuto kana'ati ni'igo bona'i asaga'magihi lemehi epito hetofa hu epalalune. Ya nehinogoti mono kagu ligibo enali'ani lalalutigihi nasana ya'ma lelito tito enele'mo bati hilune.

Kolose 3:14

To amuya melete asaga bona kumu leniginaga filo. Ya hilete lenali asaga'i bati hite koguna ite moneko'na hite minalabe.

1 Tesalonika 3:12

To Sipi Bouba lenele'mo higo ai komopa'a eminogo ai komopa'a eminogo hite mineno. To lali komopati lenalitoga molo'ohuta suhi hite komopatini silaga bonatoga malalana yauba napa huto hofa tenogo hite minalabe luto Hu'mamofihi loka nohone.

1 Tesalonika 5:15

To foipanamofihi nona'amu yabe lite ai henogo ai henogo li muyalo li malo mehilo. Ya hu lalune lite lenalitogati to bona'i asagatoga ana'ina li lamana hu epalalune lite amuya melete minalo.

Hibulu 13:1

Mono kagu gona'a go'afihi komopatini ai eminogo ai eminogo hilata nehanamofihi ya'ma lenalitoga su meheno.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

1 Pita 2:17

Lenali silaga bona kumu keheli bati hite keheli epilo. To Hu'mamofihi ka keheli nehanamagitoga komopatini epilo. To Hu'mamofi kumu koli hite aitoga agoya hi emilo. To ma metoga gihiti bo'mu keheli bati hite minalo.

1 Pita 3:8

To kaga lu su hoto lu lepilube. Lenali silaga'i lenalalutinigi hiti mino moneko hite komopatini ketipa inogo ai mehi eminogo ai mehi eminogo ya nehite lenalalutinigihi leniginaga finogo minete lenugufatinimofihi lime limite minalabe.

1 Yoni 3:14

Lali komopati ya'ma lalalutigihi epilata nohutamo ni'inagihe. Ya'mu lali filise'na kapo'aguti he'mito oto mino kosaba'nagu mino'ohutamo ni'ina keheli'ohune. To luga'amagi enali komopa'ani ai eminogo ai eminogo menehanamagi enali ya'ma filise kapogu nebana yabe.

1 Yoni 3:16

Yesu Kilisitou ai lali kumu yabe luto minoto lito hulata'a he'miloto fili'ehibe. Ai ya higo komopati ai eminogo ai eminogo hiluta hapati li yege holago bu go'ohune. Yana'mu lali ana huto lalalutigihi enali kumu luto minoto lito hiluta'a ya'ma he'miluta babeyafalo enalitoga minalutamo ni'ibe.

1 Yoni 4:21

Kilisitou lu molo'ehina ka'a ma luto kehelilata nohune. Lenali Hu'mamofihi komopatini emite nehanamagita lenalalutinigihi ya'ma komopatini ana hite epilo.