2 Pita 1:5 - Ka Lamana'a Monoꞌi Lu Mu Tifiꞌehina Ka Yabe

⁵ Ya hu'ehina'mu lenali keheli amuya melete nehinogo minete bebe sose'namofihi hapa'alo amuya melete minolatana yalo'i molo emilabe. To bebe selata nehanalo ya'ma Hu'mamofihi hapa'a kehelilata nohuta yalo molo emilabe.

2 Pita 1:5 ပူးပေါင်းရင်းမြစ်များ

Luku 16:26

To lali hiya huto kehe'malune. Folaganugu mone sipi yaba'mo ni'igo bo moneuba lali kegi'agati kaitoga bilina kapo meni'ibe. To ana huto kai beletogati lalitoga alina mone meni'ibe

Luku 24:21

Ya hu'ehina lali koyapa'i ma luto lekesa yigi emi'ohuta. Ai ya'mana bouba Isilaeli boana'i enubuto bito enele'mo hetofa kapogu malalibe luto keheli'ohuta yabe. To mone kaya ma huto ni'ibe. Asaga'na ahuto hu'ehina kana'aya yatai loegi monegi yupahi lolo hilube'mu nohibe.

Yoni 6:27

Minoba minoba mehilina nose'nalo lenali foya melite minomo tito minoba minoba hilina nose'naloko foya lilo. Ai ya'ma nose'na mino bati minoba minoba huse'namo yabe. Hu'mau Pana'amofihi ya'mana nose'na mino kosaba husemofihi lepilibe luto gi'a a'emi'ehibe.

1 Koliti 14:20

Nalalu'nigita, fato enonogoguti kaga lulatana'mu yagapana inapupagi suhi hite minete foipa hapa'a mekehelilo. Ya hite, minalanaya yagapana inapupagihi kehelise'na hiti meminalo. Enali kaga keheli fe menelibe. To lenali kaga kehelite le'mo fe lilune lite ya'ma olopa bona'magihi kehelise suhi lilo.

Efeso 5:17

Ka mekehelise bona'i lolo hite meminese Sipi Bouba foyaka lu lepolo'ehinamo yamofihi bu go bebe sete bu gete minalo.

Filipai 1:9

To komopatini emilatana hofa toto to kehelise'natinimu to kehelise'nauba napa huto tilibe luto Hu'mamofitoga luto moloto nohube.

Filipai 2:12

Ya'mu komopa'ni lepi'ohuna yagapana'ni lenali kumu kana'amu kana'amu ka'ni kehelite lite mine'ahana ya suhi hite molo emite minalabe. Lenali hiti mino hepito nohuna ni'igopa foto'i nohuto lenubuto nobunamofihi lamana'a li huto nehinogo haya kolo lalune lite topa topa hite amuya malalo.

Filipai 4:8

To nalalu'nigita, kaga mone'ya ma luto lu su hoto nolube. Lamana'amofihi yege fise'na hiti agoya hu emilata nasana hiti to ana'ina hetofana'a to fotogo huto minolata nasana hiti to babahi huto nominana nasana hiti to bu golatanamofihi laga'a to keheli lamana hulatanamofihi ya'ma bati hina nasana hiti to komopatinigu bebe sose'namofihi hapa'a silaga'i enegekesa kehelite minete minalo.

Kolose 1:9

To kehelilototi'a yalo Hu'mamofihi lenali kumu loka hoto minolata nohu'ibe. Ai lu keheli'ehinanamofihi lenelepilibe luto loka noho'ibe. To ai Sikalafu'uba lenele'mo eto hinogo bati hite to keheliya ise'natini asaga'i hokolo hilibe luto loka noho'ibe.

Kolose 2:3

Ai Hu'mamofihi kehelise'na'amofihi biha'a nohibe. Hu'mamofihi kehelise'na'a fala kito ni'inaya ai Yesu lu hokolo hu lepololenogomo ai'a hetofa hetofa ka'a asaga'i kehelilabe.

Hibulu 11:6

Keheli ule'ale huse'nati meeminenogo nehinogoti Hu'mau bu goto fokehi melilibe. Hu'ma ai'a nohibe luto yamofihi keheli ule'ale huto to ai hapa'amu amuya melete sa sa hilana bona'magi ya'ma mina'a limilibe luto komopatitu keheliya ito ai maha'aluga buse'na ni'ibe.

Hibulu 12:15

Lenalitogati bo mone Hu'mamofihi lehe'mose'na li he'mito i behe huto bu laligi kaba hite minalo. Ya nehite komopatinigu ekesa'namofihi foipana moneuba leneme'na leneme'na bito lulata nohina ya suhi huto komopatinimofihi ekesa'nauba sipi hulenogo bona'i yege yege'magihi komopa'ani haya kolo laligi kaba hi epelelete minalo.

Hibulu 6:11

Lenali kumu ya hilabe luto nolube. Lenali asaga'naloga moneko legege hite keta mehuse hite minenogo lele'mo hetofa hilina nasana ya hilune lite fifa ite lenegekesagu melete mine lite netinogo kana'a su halina yalo nehetilabe.

1 Pita 3:7

To bona'magita, lenali ana suhi hite lihatini hiti hepite mine lite bite minete lihatinimagihi kaba hu bati hite minete ana'ina'ya fulunaguti li epite minalo. Ana'magihi enugufa'ani amuya memolo'ehina ni'inaya aku'i enali hiti lenali bomagita hiti mino kosaba huse'na ana hite lilana'mu yabe. Ya'mu lenali lihatini kumu keheli bati hite minalo. Lenali hiti lihatini hiti ya'ma koguna ite bati hite moneko komopatini lolo hinogo Hu'mamofitoga lilete nunumu hinogo yauba fa'mene lolo hu lalibe lite ya hite minalo.

2 Pita 1:10

Nigibo nalalu'nigita, lenali kumu ya'ma Hu'mau lenele'mo ho tito elesa molo lepi'ehina yamofihi legeya'a huto hilibe luto amuya malalo. Lenali ya hite, kosele kasele'i hete fa'mene'mu limite mekalana'mu yabe.

2 Pita 1:11

Ya hite nehinogo Sipi Botiuba linogo lenubuto bise'na bo Yesu Kilisitohi kapo'a minolata nohinanamofihi kasihi li hokolo hu lepelenogo keta mehise hite bite falalabe luto Hu'mau ya'ma lu molo lete'ehinamo ni'ibe.

2 Pita 3:14

Komopa'ni lepi'ohuna bona'ise. Lenali ana'ina ya suhi hana'mu geba hite Hu'mamofihi bulo komopatini ketipa ito fi fana toto gulu gulu linogo foipanatini meminenogo minalune lite aitoga bati hite amuya malalo.

2 Pita 3:18

Ya nehite Sipi Botiuba lubuto bilata nohina bo, Yesu Kilisitohi lenehe'mose'na to ai hapa hapa'a keheli hokolo hite kehelise'na hiti lenalitoga minenogo yamu'i hofa tete minalo. To ai fana meha'auba minoto minomo buto yatai ana suhi huto mino lito buto mino bai toto mineno. Ma'naka.