2 Pita 1:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Nani Sipi Boti Yesu Kilisitohi nehetilina'a amuya'a hiti yamofihi ka'a lu lepilugi ya'ma kilihe kaga li pili meko'ohunagi to ana huto kilihe ka mone lolo mehu'ohuna yabe. Minose'nalo minoto kokuluma fana meha'a huto higo nani'ni nubu legeya'atu bu go'ohube.

2 Pita 1:16 ပူးပေါင်းရင်းမြစ်များ

Matiu 16:27

Kokulumaguti limi'ehina Bouba Afo'afihi fana mehena'a hiti aku'i noenogo to agelo'a hiti alana'mu yabe. Ya hilina yupahi asaga boana'magi fato fato suhi hi'ahana hapa hapa'animofihi nona'a li yege ho epalalina'mu yabe.

Matiu 16:28

Nani ma'naka lu nolepube. Bo luga'a ma ho tilete nehanaguti mefilise nehite bu ge'ehinogo Kokulumaguti limi'ehina Bouba kibina bo lolo huto minoloto aku alina'mu yabe.

Matiu 17:1

To loebe loebe loebe yege bulago minelete Yesu Pita hiti Yemesi hiti to ai gona'a Yoni hiti enele'mo mege'i toloto yatama kosagu enele'moto tilago ana kosalo enali'anisigo mine'ahana yabe.

Matiu 24:27

Sopohi fi besa lolata nohina lenali akeheli'ahabe, ya'mana kegi'ati yege tiloto oto mobuto limi fololata nohinaga limi nofalabe. Ana suhi huto Kokulumaguti limi'ehina Bouba nani aku alube'mu hiluna yupahi aluna'mu yabe.

Matiu 24:3

Yesu Oliba kosagu nohigo koko panana'amagi suguna'i ete ma lite loka he'ahana: Hiya yupahi ya'ma asaga'na huto hilina ni'ibe? Hena huse kana yata'a huto hinogo, to yatai ma me'i su nohenogo kai alube'mu nohane luto liluta ni'ibe?

Matiu 28:18

Yesu koko pana'amagihi ma luto lu epi'ehina: Kokulumalugu hiti melugu hiti asaga'na kaba hilane lutomo Afo'nifu ya'ma nimi'ehina.

Maki 13:26

To yalo, Kokulumaguti limi'ehina Bouba amuya hiti nohuto to fana meha'a sipi besa nolago, ai sopohi hite aku'i kokulumaguti nolimigo, bu galabe.

Maki 14:62

Ya ligo, Yesu ma luto lu'ehina: Nani ana bo nohube. To alihi yupahi nani Kokulumaguti limi'ohuna Bomofita Hu'mamofihi lamaga'alo minenogo'ni bu galane. To aku kokulumaguti sopohi hiti noliminogo'ni bu galane.

Luku 1:2

Enali ana bona'magi enubuguti bu ge'ahago anana huto hu'ehina bona'magihi enabaga enemege'i mele'ahana yata'a mana kaga to asaga yupahi yabe. Enali ya'mana bona'i Hu'mamofihi kaga'alo lili'nalo bo'a mine'ahana to ya'mana kaga lalitoga nelimibe.

Luku 9:43

To asaga boana'i Hu'mamofihi sipi amuya'a bu gelete enali hetofa suhi hibe lilete enegelo bi'ahabe. Boana'magi enali sipi amuya'amu enegelo nebigo Yesu pana'alobo'a ma luto lu epi'ehina:

Yoni 1:14

Kagauba ai bo huto huloto lali folagahatigu mino'ehina. Lali ai fana meha'a abu go'ohune. Ai ya'ma moneko pana'mofihi fana meha'a afotifu ho lifigo o'ehina aitoga fuluna'a hiti ka lamana'a hiti bai toto mino'ehibe. Ai fana meha'aya pana'a yege'a aigo afo'afitogati li'ehina.

Yoni 17:2

Kai noto noto bona'magihi afo'anifita noho lifi'ahata bomofita nanitoga enele'mo molo'ahata kai mino kosaba huse'na epilube luto lu'ahatamo ni'ibe.

Romu 1:4

Ai fili'ehinogo aku Hu'mau fili'ehinaguti le'mo ho ti'ehina to sipi amuya'a hiti mino'ehina. Yana'mu ai Hu'mamofihi lusi pana'a nohibe luto hapa'a hetofana ni'igo lali bu goloto keheli'ohuta yabe.

1 Koliti 1:17

Kilisitou ai naga'a mono nagami'i folo epalalane luto noho melifi'ehibe. Ai ka'a lamana'a lu huto huto hu epilane luto lu neto'ehinamo ni'ibe. To ana huto Kilisitou ai melugu bona'magi nelana ka lu epilane luto noho melifi'ehibe. To hena'mube? Ya'ma nelana kagauba Kilisitou malipu yafalo fili'ehina kagamofihi amuya'a limi lalibe luto yabe.

1 Koliti 1:7

Ya'mu lenali fa'mene Sipi Boti Yesu Kilisito alihi metoga huto hilina'mu geba hite nehite Hu'mamofihi kamofihi legeya'a mone lenebe meligise lenalitoga ahuto hu baga i'ehina yabe.

1 Koliti 2:1

Nalalu'nigita nani lenalitoga neheti'ohunamo ya'ma Hu'mamofihi suguna ka'a lu lepilube luto ya'ma kehelise'na'ani bati hu'ehina bona'magihi kaga lilata nehana supo huto laga hina ka lu melepi'ohube.

1 Koliti 2:4

Ya huto nohuto Hu'mamofihi kaga lu'ohuna lenegekesa lilube luto metoga bona'magi kehelise'na'ani ni'ina kagaguti lenimi molose ka lu melepi'ohube. Hu'mamofihi amuya'auba to Sikalafu'uba nani'i kaga'ni le'mo hetofa hu'ehigo legeya'a lolo hulata hu'ehibe.

1 Koliti 5:4

Lenali Sipi Bo Yesuhi ai bulo ai amuyalo li gehesa hite nehinogo nani molo kehelito komopa'nitu keheli lepinogo

2 Koliti 2:17

Lali bona'i luga'amagi hite melete nehana'a nehana ya suhi lolo hulata menohune. Bona'i luga'a asagatoga Hu'mamofihi ka'amu kehelilago kefahi li huto hu epilina nasana lolo hulago foya'a li etelata nehanaya lali ya'ma komopati lamana hinogo minaluta Hu'mamofihi bulo buto Kilisitotoga i hepiloto mono ka'a lulata nohune.

2 Koliti 4:2

Ya nohutoti foipana amuya'a hiti huto hu lalibe luto suguna huto sibi hapa'a lilata nasana lemegesa hu emiloto mone fagamofihi gupisalo minoto Hu'mamofihi ka'a li sibina hulata ya'ma ya suhi menohune. Lali Hu'mamofihi bulo ai'a ka'a lu aku toto ma'naka luto lu huto huto lu noleputogo bona'i asaga'magi lali hapati keheligo fu luto ni'ibe.

Efeso 4:14

Lali ya huto lagaso yagapana'i tegina meminose amuya moloto nohinogoti limi'i melelata bo enali faga faga li liminogo faga faga kamofihi yasi'auba lele'mo miyalo malo hinogo miyalo i ke'malupi malo i ke'malupi lu liluta hu laligi. Enali'i bona'i luga'amagihi enimi'i melete enele'mo keheli sibina nehana yabe. To laliya lele'mo keheli sibina hi lalabe.

Filipai 3:21

Ai silaga'i li nupa huto kafiluga enele'mo malago ai kafopaluga mololata kaba nohina amuya'aloti ya'ma lapa mebina lugufa li gololo tilenogo ai'a fana mehe gufa'a legitana lolo hilune'mu hibe.

1 Tesalonika 2:19

Lenali kumu yabe luto laga'a kehelilata nohune. Yamofihi ma huto ni'ibe. Sipi Boti Yesu oto nehetilina yupahi ya'ma gobisalo hiya bona'magi lali foyatimofihi legeya'a lolo hilabe? Lenalitinigo ya'ma lali foyamofihi legeya'a lolo hilune'mu habe. Ya'ma huto hilina yupahi lali sa huto geba nohune. Ya nehinogo lenali kumu legelo bito minalune.

2 Tesalonika 2:9

Ya'ma foipa bouba Satahi amuya'a hiti nehetito fato fato'mofihi amuya nasana hiti topa hose nasana hiti silaga'i fi taga hu epoloto li huto hilibe.

1 Timoti 1:4

Moneuba kilihe kaga to enigiko enagako bona'magihi mineme bite mine'ahana kaga yamofihi hapa'a lilago ya'mu tila limila higo li muyalo li umalo ya hago ya'ma kaga'ani kenasabo bilata ka ni'ibe. Ya hago Hu'mamofi kumu keheli ule'ale hite kele kele'i hi etalana kapo'a ya'ma meni'ibe. Ya kaga he'milo luto lu epibo.

1 Timoti 4:7

Koyapa bona'magi kilihe ka li mele'ahana ya kagaguti Hu'mamofihi kaga'a meni'ibe. Ya'ma kilihe kamofihi kemegesa hu emibo. Kai ya'ma monolugu buto keheli ule'ale huto minomo buto minalube luto komopaka le'mo amuya mololata Hu'mamofihi hapa'alo mege'i moloto minobo.

Taitasi 1:14

to Yuta bona'magihi kilihe ka fa'mene ka ya'ma mekehelilo luto lu epilo. To fa'mene bona'magihi ka'ani lamana'amofihi enemegesa hu emilete fa'mene kaga lu laga hi'ahanamofihi mekehelilo luto lu epibo.

2 Pita 2:3

Ya nehinogo faga mono ka lilata bo enali yogo fe'no kumu topa hete komopa'aniguti kaga huto nehinogo lenimi'i melete ana'ina'ani kita hite lilana'mu yabe. Foya ya hite lilanamagi nona'a epilube luto Hu'mau ka foyagu enele'mo malalina bouba yatama kana enegeba huto minana buto su mehabe. To Hu'mau osahi epilina bouba bu'i mekose nohuto'a bu enogoloto nohibe.

1 Yoni 4:14

Afotifu ya'ma pana'a lali noto noto bona'i lubuto bilibe luto ho lifigo limi'ehina. To lali lubu legeya'aloti bu go'ohutamo ni'inaya ka'a ya'ma luto lu huto hulata nohune.

Yute 1:14

To Atahi giko gakomagi nekisa'agati huto hite bi'ahana huto hilago yalo aliha'a ana huto bihu 7 Inoki huto hu'ehina. Ai ya'ma faga fagalo bona'i ya hana'a enali kumu fono ka luto ma luto lu'ehina: Bu galo. Sipi Bouba ya foipana hana bona'magihi nona'a epilube luto hetofa agelo bona'a babu luto ka foya lilana li gehesalo enele'moto limilina'mu yabe.

Huto Hilina Ka 1:7

Bu galo. Sopohi gupisalo alina'mu yabe. To bona'i asaga'magi enubutu bu galana'mu yabe. To Yesuhi magolohi fi'ahana bona'i hiti enali bu galana'mu to noto noto bona'i asaga'i enali ai'i bu gelete ai ka'a keheli meemi'ahana'mu yabe lite sipi yibi hafili hilana'mu yabe. Ya'ma ka'a ya huto huto hino. Lama'na ka.