2 Koliti 7:8 - Ka Lamana'a Monoꞌi Lu Mu Tifiꞌehina Ka Yabe

⁸ Nani koyapa'i fayahi mone koyo lepito leka sete kehelite komopatini keta hu'ehina yana'mu yatai komopa'nigu kehelugo keta mehibe. Fayahi luto koyo'ohuna kanamofihi ya'ma kana'a hupamone'isi komopatinigu keheli sibina nehago keheliloto'ni lama'naka komopa'ni keheli sibina hu'ohunamo ni'ibe.

2 Koliti 7:8 ပူးပေါင်းရင်းမြစ်များ

Yoni 16:6

Kaga ya'ma lu nolepugo keke'i luse'namofihi komopatinigu bai notabe.

Yoni 21:17

To Yesu ge'noka mone hiti Pitahi ho'ehina: Simonio, Yonihi pana'a yale, nani kumu nokebesifihe? Ya luto loka hago Pitau kehelito Yesu loegi monegi loka ho'ehina kiginaga fi nonimitaya yana'mu ipa'agu gabu nogigo ka lu emi'ehina: Sipi Bo yale, kai yege yege'na keheli baga ito niginaga fi nokumunaya akeheli'ahane. Ya luto ligo Yesu lu emi'ehina: Kai sipisipi yaga'ni kaba hu epolobo.

2 Koliti 7:11

Bu galo. Ginaga fise'na ya'ma lapa mebi'ehibe. Yamofihi lenalitoga legeya'a nesi'a huto mehu'ehibe. Legeya'a sipi'a ahuto hu'ehibe. Hu'mamofihi kagalugu lenele'mo babahi huse'na to hapatini bati huto le'mo huto huse'na to foipa nasana fitu fose he'milata huse'na sipi'a to Hu'mamofihi ita bise'na lenelesa luse'na to nani kumu keheliya ite amuya molose'na, to foipanamofihi mone kegi'a epilata'na ya'ma nasana ya hina'a li huto hu'ehina ya'ma lenalitoga nona'a huto hulago lenali foipana memino'ehinamofihi hapa'a huto nohibe.

2 Koliti 7:12

Ya hu'ehina'mu koyapa'i fayaha nasana ma luto koyo lepi'ohuna yamofihi foipana'a lilata bomofihi ai kumu luto meni'ibe. To foipa nasana lolo huto molo eto'ehina bomofihi ai kumu hiti luto meni'ibe. Kaga'a lu lepugo Hu'mamofihi bulo lenali lalitoga malalanamofihi hapa'a huto hilibe luto yamofi kumu koyoto lepi'ohunamo ni'ibe.

2 Koliti 7:6

Ya huto nohutogo megusa yagapana'magihi komopa'ani le'mo bati hulata bo Hu'mau ai ya'ma Taitasi le'mo gelehe hilago oto le'mo amuya molo leto'ehina.

2 Koliti 7:7

Ya huloto i gelehe huto o'ehinauba ya'ma anasi lele'mo bati hu'ehinamo meni'ibe. Lenali aimo le'mo bati hi'ahana ka'a ya'ma lelito ago kehelilototi komopati ketipa igo nohune. To nani'i bu nagalune lite kehelite minelata hi'ahana to foipa nasana huto hu'ehina'mu leniginaga figo mineme bite neminana to nani kumu yabe lite fi hetofa hi netete amuya melelata nehana'a ya'ma ka'ni lu nimilago yata'isi komopa'nigu keheli bati huto kehelugo tigo nohube.

2 Koliti 7:9

To yatai ya'ma komopa'ni bati nohigo nolube. Komopatini sibina hu'ehina ya'ma yamofi kumu lenipagu keta hulatanamofihi komopatini i gelehe hana'mu luto nipagu lama'naka keheli bati nohube. Lenali leniginaga fi'ehina ya'ma Hu'mau keheligo lamana nasana lolo hulago keheli'ehinamo ni'ibe. Ya higo nani kaga'ni lenele'mo sibina mehu'ehibe.

Huto Hilina Ka 3:19

Nani komopa'ni epi'ohuna bona'i ya'ma ka epekito osahi epito enele'mo bati hulata nohube. Ya hu'ehina'mu lenali amuya melete foipa hapatini he'mite komopatini li gelehe hilo.