2 Koliti 1:9 - Ka Lamana'a Monoꞌi Lu Mu Tifiꞌehina Ka Yabe

⁹ To ya'ma fililatanamofihi ka'a nolune luto komopati kotinifa gi'ehina yanauba ya hu'ehinaya mone huto hu melimi'ehinamo ni'ibe. Lali amuya'amu kehelutogo limo ito fa'menena lolo hulenogo Hu'mau filise'naguti lele'mo ho tilata bomofihi ai amuya'amu kehelutogo minalune luto ya'ma nasana huto hu limi'ehinamo ni'ibe.

2 Koliti 1:9 ပူးပေါင်းရင်းမြစ်များ

2 Koliti 3:5

Foyatimofihi legeya'a mone lalitigati huto hulata nohibe luto ya hu tegi ka luto keheliloto kehelise'nati amuya moloto mone meminabe. Ana'ina lolo hutogo bati hulata nohina ya'ma Hu'mamofitogati yamofihi ni'ibe.

Hibulu 11:19

Abalahau ai Isaka kumu ma luto keheli'ehina ni'ibe. Hu'mau ai Isakahi fililinaguti le'mo ho tilibe, luto yamofihi keheli amuya moloto li'ehina bo to yamofihi fili'ehinaguti le'mo behe hu'ehina ya suhi lolo hibe luto keya'i molo etoto lu'ehina.

2 Koliti 4:7

To lali ai fana meha'a komopatigu li'ohuta bona'magita fa'mene bona'i lugufa lapa mebi'ehina bona'i nohune. Ana'ina mone hetofa hatofanamofihi mina'a ti'ehina'a sa megise bati mehina kapogu malalina suhi huto fana meha'a ya'ma komopatigu limi'ehina yabe. Henabe? Ai kagamofihi amuya'a lalitoga meni'igo ai Hu'mamofitoga ni'ina yamofihi hapa'a huto hilube luto yabe.

Luku 18:9

Bona'i luga'amagi lali bati bona'i nohune lite enali'ani enugufamofihi fokehi nehite to fato bona'momu'i enali bati mehana bona'i nehabe lite lilata nehana'mu Yesu ma bame ka lu'ehina:

Romu 8:36

Yananamu'i koyapa'i mono bukugu keye'ahana: Fatehatimagi kai kumu asaga yupahi loho fililune'mu nehago asaga yupahi yana lahalina kana'amu geba huto minalune. Lali sipisipi yaga keye lilina legi huto geba huto nominone.

2 Koliti 1:8

Lalalutigitabe, Esia metoga nohuto keke'i luse'namofihi lu gupisalo minomo ti'ehinamo ni'ibe. Ya'mu lenegekesu ho lalibe luto lilube kehelilo. Mone kegi'a ya'ma keta'a hiti nasana goli'a hiti nasanauba lugupisalo tiloto lele'mo ho kalina'a nohigo molo emito minalupi fililupi luto mone mekeheli'ohutamo ni'ibe.

2 Koliti 1:10

To ai'a ya'ma filise'namu lubuto bi'ehina ya hulago yanauba minoto aku'i haka ho molo letalube'mu hibe. Ya'ma hu letoba letoba huto ya'ma ka'a keheliya ito nohuto aitoga lifita'i molo'ohune.