2 Koliti 1:4 - Ka Lamana'a Monoꞌi Lu Mu Tifiꞌehina Ka Yabe

⁴ Ai keke'i luse'namofihi hapa'a fato fato'i huto nohigo lele'mo bati hulata nohibe. Ya huto Hu'mau lele'mo bati hulata nohina yamofihi lali ana huto lalalutigihi luga'a keke'i luse'namofihi enugupisa'anilo huto nohinogomo enele'mo fulu hiluta nasana ni'ibe.

2 Koliti 1:4 ပူးပေါင်းရင်းမြစ်များ

Yoni 14:16

Ya hilenogo'ni Afo'nifitoga Sikalafu'i ka lamana'amofihi afo'afu ai lenehe'malina ai'i loka holenogo lepilibe. Ya'ma Sikalafu'i lepilenogo ai hiti lenalitoga minoba minoba hilina'mu yabe.

Yoni 14:18

To nanimoya he'mi lepololenogo'ni megusa pana suhi hite meminalabe. Lenali nehanalo aku alube.

Yoni 14:26

Afo'nifu nigi'nilo lenehe'malina ya'ma Sikalafu'i lenalitoga ho lifilina'mu yabe. Ai nehetito asaga nasana'mu lenelepiloto to asaga kaga'ni lu lepi'ohuna'a beto hu lepilina'mu yabe.

2 Koliti 7:13

To lenali ana hilete komopati le'mo kefa i'ahanamo ni'ibe. To komopatigo le'mo hetofa hi'ahana yamofi kumu luto meni'ibe. Lenali Taitasihi komopa'a le'mo fulu hago ai komopa'agu gelo bito nohigo anamofihi ka'a ya'ma kehelito laga'a nominone.

2 Koliti 7:4

Lenali Hu'mamofitoga ule'ale hite neminana komopa'nitu keheli'ohuto lenofokehi nolube. Lenali komopa'ni le'mo fulu nehago keke'i luse'namofihi gupisalo nominoto'ni bati huto minoto negelo'ni sipi nobube.

Filipai 1:14

To naga nonugu nohuna'mu yabe lite magati'ma ligibo lagabo luga'amagi enali Sipi Bomofi kumu kehelilete keta mehuse hite Hu'mamofihi kaga'amu enelesa meligo lu huto hilata nehabe.

1 Tesalonika 4:18

Ya hu'ehina'mu lenali kaga ya'ma lu keheli fa keheli hilete ai'i le'mo bati hinogo ai'i le'mo bati hinogo hite lenegelo bilata hite minalo.

1 Tesalonika 5:11

To ya huto ni'igo lenali komopatini ai eminogo ai eminogo hite minete to ai he'menogo ai he'menogo hite minete amuya melenogo yanauba lenemehatini hofa toto tinogo bati hite lilata nehana ya suhi hinogo lelite bite minalabe.

Hibulu 12:12

Ya hu'ehina'mu lenali komopatini haya kolo'ehina lenigi lenayahi kakite kalune'mu nehana ya suhi hite ate ate mehise amuya melete mineno.