1 Yoni 1:2 - Ka Lamana'a Monoꞌi Lu Mu Tifiꞌehina Ka Yabe

² Minoba minoba huse'namofihi legeya'a huto hu lamana hulago lali bu goloto minoba minoba huto mino lito buto minose'namofihi ka'a ya'ma lu huto huto lu lepilata nohune. Minoba minoba huto mino lito buto minolatana ya'ma miyagu afotifitoga mino lito buto minoto aliha'a lalitoga huto hu'ehina.

1 Yoni 1:2 ပူးပေါင်းရင်းမြစ်များ

Yoni 1:18

To bona'i moneuba Hu'mamofihi bu mego'ehibe. Ya'ma Hu'mamofihi pana'a moneko'uba ai afo'afi hiti moneka mine hepi'aha'inauba Hu'mamofihi hapa'a lu huto huto lu limi'ehina yabe.

Yoni 1:4

Mino kosaba husemofihi kaga ailugu ni'igo ya'mana kagauba asaga bona'i enele'mo fana tolata nohibe.

Yoni 10:28

Ya'ma yagapana'nimagi mino kosaba huse'na epilube luto mefilise mineme bite minalabe. Nani enunu ki'ohunaguti fato bouba nebe mesililina'mu yabe.

Yoni 14:6

Ya ligo Yesu lu emi'ehina: Ya'ma kapomo nani'ni nohube. To ka lamana'a hiti nohuna to mino kosaba huse'na hiti nani'ni nohube. Ya nohunagi bona'i mone'amagi Afo'nifitoga bilune'mu nohune lite aku i pebisa ho netete aitoga bi menehetilabe.

Yoni 15:27

Lenali ya'ma foya hapi hu'ohunaguti nani hiti mineme bite mine'ahanamo ni'inagihe, lenali hiti hapa'nimu ana suko hite li huto hilana'mu yabe, luto Yesu ya lu'ehina yabe.

Yoni 16:28

Nani Afo'nifihi he'mi etoto metoga limi'ohuna. To ya'ma hepa'i he'mito Afo'nifitoga tilube'mu hube.

Yoni 17:3

Mino kosaba huse'namofihi hapa'a ma huto ni'ibe, Hu'mau lamana'a moneko'i kai hapaka to noho lifi'ahata panaka Yesu Kilisito nani hapa'ni keheli'ehinogo mino kosaba huse'naka yamofihi huto hu epilibe.

Yoni 17:5

Ke, Afo'niga, me'i huto mehu'ehigo kai hiti kokuluma fana meha'ni hiti mino'ohuna, ana suhi huto yatai kubulo nohugo aku'i fana mehaka nimitogo lito minalube luto nolube.

Yoni 19:35

Ma fayapo nogana bouba yanamofihi nasana abu go'ehina yabe. To lali ma'naka lu'ehinamofihi keheliya i'unogo to ai hiti lusiga lulata nohina akeheli'ehigo yana'mu lenali Yesu kumu keheli ule'ale hite agoya hu emilabe.

Yoni 21:14

Koyapa'i Yesu pana'alobomagihi fili'ehinaguti ho ti'ehina'a kohe toto loe kana enubu'anilo huto hu'ehinagi to ya'ma nose'na guna i'ehina kana hiti enalitoga huto hu'ehina yabe.

Yoni 3:13

Bo moneuba kokulumalugu meti'ehibe. Hu'mau le'mo ho ti'ehina bo, ya'ma Kokulumaguti limi'ehina Bouba moneko aisigo kokuluma hepa'i he'mito limi'ehibe.

Yoni 7:29

Ya hi'ahana nani ai'i akeheli eto'ohube. Hena'mugo ai'a noho lifigo aitogati nani o'ohuna'mu yabe.

Yoni 8:38

Nani Afo'nifu nelepi'ehinanamofihi kaga nolunamo to lenali afotinigi lu lepi'ahana suhi nehabe.

Aposolo 1:22

Koyapa'i Yoniu boana'i nagami'i folo epolomofa'na higo to Yesu lili'na'a hapi filoto limo limo oto Hu'mau lalitogati Yesuhi le'moto ifoga ti'ehina, ya'ma asaga'na nolunamofihi bu go baga i'ehilina bo le'mo ho tilune. To ai ya'mana bouba lali hiti moneka lili'na lito Yesu fili'ehinaguti ho ti'ehibe luto lu yege haluta bo yabe.

Aposolo 10:41

Silaga bona'i be mege'ahana lalisigo Hu'mau ai le'mo ho ti'ehina bomofi kumu luto bu go'ohutoti yabe. Hu'mau kene keliguti le'mo ho tilago ai hiti nose'na moneka no'ohune.

Aposolo 2:32

Ya'mana Yesuhi Hu'mau ale'mo ho ti'ehigo lali bu golototi ai kaga'a lu yege nohone.

Aposolo 3:15

Ai hetofa bo kapo bati'a lelepito mino kosaba huse hepato lele'moto bilube'mu nohina bo lenali ho fili'ahabe. Ya hilago Hu'mau aku'i kene keliguti le'mo ho ti'ehina, le'ali ya'mananamofihi kaga'a lu yege hose bole nohu'ibe.

Aposolo 5:32

Asaga ya'mananamofihi kaga'a lu yege hose bo lali nohune, to Sikalafu'uba hiti ya'mana kaga lu yege nohabe. To ya'mana kaga keheli komopa'anigu malana boana'i Hu'mau Sikalafu'a enalitoga nomalabe.

Romu 8:3

Bona'magihi komopa'ani amuya memolo'ehinagi keya kauba lehe'mo'ehina bati mehu'ehibe. Hu'mau aigo lehe'mo'ehina. Yata'a ai bona'i foipa hapa'animu ka epekito enifisa i'ehina. Ya huto ai'a pana'a melugu ho lifigo bona'i enugufa amuya memolo'ehina suhi lolo huto minoto lali foipanatimofihi nona'a li pa salibe luto fili'ehina yabe.

Galesia 4:4

Ya hulago aliha'a ya'ma kana'a molo'ehina ya'ma su nohago Hu'mau pana'a ho lifigo limito melugu o'ehina yabe. Ana pana'mofihi ito'afu melugu a'i yabe. To ana pana'uba huto huloto ai Mosehi keya kamofihi agoya hu etoto mino'ehina.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

2 Timoti 1:10

Legeya'a halinagu yamofihi ya'ma kana'alo lubuto bilatanamofihi afo'afu Yesu Kilisito limilago ana nasana ho filito amuya moloto mino kosaba huse nasana mefilise'na yamofihi ka lamana'atu yatai li huto hu leto'ehina.

Taitasi 1:2

Nani ka lamana'amofihi hapa'a ma luto ni'ibe. Hu'mau faga meluse bomofihi koyapa'i me'i hiti kokuluma hiti huto mehu'ehina kana'alo ya'ma amuya lemehi fi hetofa hu letalube luto mino kosaba huse'na lelepito lu'ehina fifa ito minolata nohune.

1 Pita 5:1

Lenali mono'i kaba bo nehana lenali'i nani ana huto kaba bo lenalalutinifita ka nolepube. Nani Kilisito ai kumu keke'i luse'namofihi gupisalo tito mino'ehina yamofihi nubu'niloti bati huto bu go'ohuna yabe. To nani ana huto ai fana meha'a alihi huto huto nohinogo ana fana meha'agu minaluna'mu yabe. Nani ya huse bomofita lenekesa lu hokolo huto lu nolepugi kehelilo.

1 Yoni 1:1

Me'i hapi huto huto hinaguti ka ema'alo mino lito buto mino'ehina to legekesatu keheli'ohuta to lubutu bu go'ohuta to lubutu bu goya ito bu goloto layatu li kehelito bu go'ohutamo ya'ma minoba minoba huto minolatanamofihi bagaguti ka'alo nominana bo'mu fayahi ya'ma koyoto nolepube.

1 Yoni 2:25

To ya'ma Kilisitou lele'mo lamana hilibe luto lu molo leto'ehinamo ya'ma minoba minoba babeyafalo minolata'namo ya'ma ni'ibe.

1 Yoni 3:5

To lenali Kilisitohi hapa'a ya'ma kehelilata nehabe. Ai foipa nasana ligoli hulata hilube luto huto hu'ehina ni'ibe. Ya nohuto aitoga ya'ma foipana'a meni'ibe.

1 Yoni 3:8

To luga'amagi foipana lilata minalana enali Sataha bona'a neminabe luto lilune. Satau ai foipa nasana koyapa emagati lelito buto mino'ehina. To liloto nohigo Hu'mamofihi pana'auba ai'a Satahi foya'a ya'ma laga huto li sibi sibi huto he'milube luto oto huto hu'ehinamo ni'ibe.

1 Yoni 4:14

Afotifu ya'ma pana'a lali noto noto bona'i lubuto bilibe luto ho lifigo limi'ehina. To lali lubu legeya'aloti bu go'ohutamo ni'inaya ka'a ya'ma luto lu huto hulata nohune.

1 Yoni 4:2

Hu'mamofihi Sikalafu'a yauba enele'mo bati higo ka nelana ya hite bu galabe. To enali Hu'mamofihi pana'a Yesu Kilisito ai lusi bo gufa'a hiti bo lolo huto neheti'ehinamo ni'ibe lite li huto hite lilana enali Hu'mamofitoga nehabe luto kehelilabe.

1 Yoni 5:11

To Hu'mau pana'amofihi hapa'a le'mo hetofa hu etoto ka'a lu'ehina ya'ma ma huto ni'ibe. Hu'mau amuya lemehi huto minolata nasana li huto huto limi'ehina ya'ma mino kosaba huse'namofihi hapa'a ya'ma pana'a nohibe.

1 Yoni 5:13

Hu'mamofihi pana'amu lenemehi emi'ahana'a lenali ya'ma keheli ule'ale huto minoba minoba nasana ya'ma ali'ahabe. Li'ohune lite keheli fe lite kehelilabe luto ka'a ya'ma koyo nolepube.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.